AMOS 9:6 - Pathien Lekhabu Inthieng (BSI)

⁶ vâna a pindanhai siem a, hnuoi chunga pindan inkuol siem a, tuisuoriet tuihai ko a, hnuoi chunga bunthlatu, a hming chu Lalpa a nih.

AMOS 9:6 ပူးပေါင်းရင်းမြစ်များ

INṬANNA 2:1

Chuongchun, hnuoi le vân chu an chunga umhai po po le chun siem zo a ni ta a.

INPÂKNA HLABU 104:13

Ama chun a pindan chunghnunga inthawk khin tlânghai chu tuiin a châwm hlak a, Hnuoi hi i thilthaw rahaiin a khawp hlak.

INPÂKNA HLABU 104:3

Nang chun i pindan chunghnung kalkhanghai chu tuiahai khin i khang a, Sûmhai khi i tawlailîrah i siem a; Thli thla chungahai chun i lêng a.

JEREMIA 5:22

Kei chu in mi ṭi naw maw? Lalpa chun a tih; Ka hmaah in inthin naw ding maw? Kumkhaw thupêk anga a liem thei nawna dinga tuipui ramri dinga ṭieupho, kumkhuoa a kân ngai lo ding chu ka sie a.Tuifâwn chu hung invawr sien khawm, luongliem thei naw nih. Hung inrûm thla hum hum sien khawm a kuong chu luongliem bawk naw nih.

AMOS 4:13

Ngai ta, tlânghai inngîr suok a, thli siem a, mihriem kuoma chun a ngaituona chu ieng am a na ti hrilsuokpêk a, zîngkâr chu sukthim a, hnuoi hmun insâng sirtu chu a hming Lalpa, sipaihai Pathien chu a ni si a.

AMOS 5:8

Siruk le Sizucho siemtu le thina deihlim zîngkâra inchangtirtu le, sûn chu zân inthima siemtu, tuisuoriet tuihai ko a, hnuoi chunga inluongtirtu chu, ama chu zawng unla, a hming chu Lalpa a nih,