AMOS 9:13 - Pathien Lekhabu Inthieng (BSI)

¹³ Lalpa chun, “Ngai ta u, nihai chu a hung tlung a ni tah, chuong nihaia chun hnuoi inlettu chun bu âttu chu hnawt phâk a ta, grêp chîltu chun chi thetu chu la hnawt phâk a ta; tlâng insâng chun uoin thlum infartir a ta, tlâng po po chu intui an tih.

AMOS 9:13 ပူးပေါင်းရင်းမြစ်များ

INṬANNA 49:11

A sakawrte chu Grêp hruiah a thlung a, A sabengtungte chu grêp hrui ṭha miah a thlung bawk a. A silfên chu uoinah a sâwp a, A puon chu grêp thisenah.

INPÂKNA HLABU 97:5

Tlânghai chu khuoihlu ang hin Lalpa hmaah an intui hmang ta a, Khawvêl po po Lalpa hmaa chun.

ISAI 16:10

Lâwmna chu lâkpêkin a um tah; lo ṭhataka inthawk dâm chun hlimna chu lâkpêkin a um ta bawk a; grêp huonahai chun hlasak hrim hrim um ta naw ni a, ri hlimum hrim hrim um ta bawk naw ni; grêp sâwrna khurahai chun sir sâwrtu hrim hrimin uoin sir pût ta naw ni hai a; grêp sîk khêk ri chu ka sukbo tah.

ISAI 55:13

Hlohlingnei nêk chun fâr mâwng lem a ta, buor nêk chun inhmui mâwng lem a tih; chu chu Lalpa ta dinga hmingṭhatna ding le, kumkhawtluonga inchikna sukbohmanga um lo ding nîng a tih.

EZEKIEL 28:26

Chutaka chun himtakin chêng an ta; anih, inhai bâwl an ta, grêp huonhai siem an ta, himtakin chêng an tih; anni sîr vêla anni sukpawrchetuhai chunga ka rorêlna ka sukpuitling pha chun, Lalpa an Pathien chu ka nih ti mi hre tâng an tih,” tiin.

EZEKIEL 36:35

Anni chun, ‘Ram râusana lo um ta hi, Eden huon ang a hung ni nâwk a; khawpui se tah, suksieta um taa râusana um tahai khawm chu hluo an ni tah,’ tîng an tih.

JOEL 2:24

Ṭuonghai chu buin hung sip a ta, uoin le hriek chu bêlahai chun sip liem a ta.

JOEL 3:18

“Chu ni chun tlâng insânghai chun uoin thlum infartir an ta, tlânghai chu nênetuiin luong a tih, Juda ram vadungtêhai po po chu tuiin luong a ta; Lalpa ina inthawkin tuikhur hung inchik dawk a tih, Sittim varuom chu hung sukhnâwng a tih.

JOEL 3:20

Juda ram ruok chu kumkhuoin um zing a ta, Jerusalem chu suona inthawka suon dang chenin.

LEVI DÂN 26:5

In hrizâwla bu chun grêp lo hun man phâk a ta, in grêp lo hun chun thil chîng hun man phâk a ta; in bei chu tlaitakin chên in ta, in rama hin thlamuongtakin khawsâng in tih.

AMOS 9:5

Ram chu tâwk a, suktuiraltu chu Lalpa, sipaihai Pathien chu a ni si a; chun, chutaka um po pohai chu lungngai an tih; chun, Vadung angin hung lien a ta, Aigupta Vadung angin kang nâwk a tih;

JOHAN 4:35

Nangnîn, ‘Bu sîkna ding thla li a la um,’ in ti a ni naw am a ni? Ngai ro, ka hril cheu hi, dâk unla, lohai en ro, tuta inthawkin sîk dingin a hmin a nih.

RORELTUHAI 5:5

Tlânghai chu Lalpa hmaah an hung chim a, Sinai tlâng chen khawm saw Lalpa Israelhai Pathien hmaa chun.