AMOS 9:1 - Pathien Lekhabu Inthieng (BSI)

¹ Maichâm bula ngîrin Lalpa chu ka hmu a, chun, ama chun, “Kawtkhâr bulhai an inhnîng theina dingin a sîp bâwkhai chu vaw la, an rênga lu chungah suknâwi vawng rawh; chun, a thi mahlahai chu kâwlhnâmin that ka ta, pakhat khawm tlân hmang naw ni hai a, pakhat khawma pumpel naw bawk an tih.

AMOS 9:1 ပူးပေါင်းရင်းမြစ်များ

2 CHANCHIN SUINA 18:18

Chun, Mikaia chun a hril a, “Chuleichun, Lalpa thu chu ngai rawh. Lalpa chu a lalṭhungphaa chun ṭhung a, vân sipaihai po po chu a changtieng le a vawitienga ngîr ka hmu a nih.

INPÂKNA HLABU 68:21

Nisienlakhawm, Pathienin ama dotuhai lu chu sât khawi phawk a tih, A thiemnawnaa la fe pei, lu vun sam inbuktak chu.

INPÂKNA HLABU 68:22

Lalpain, “Basan rama inthawkin ṭhuoi nâwk ka ta, Tuipui mawng inthûktaka inthawk chu ṭhuoi nâwk ka tih.

ISAI 30:16

“Ni lo, sakawr chunga chuongin tlân dur dur kan tih,” in ti lem si a; chuleiin, tlân dur dur ngei in tih; “Thil hrâttak chungah chuong kan tih” in ti a; chuleiin, a hnawttu dinghai cheu chu hrâttak nîng an tih.

ISAI 6:1

Lal Uzzia a thi kum khan Lalpa chu lalṭhungpha insângtaka chawisânga a ṭhung ka hmu a, a silfên hmawr infuol chun biekin chu a suksip ta vawng a.

JEREMIA 11:11

Chuleiin, Lalpa chun hieng hin a tih: Ngai ta, an chungah thil ṭha naw, an pumpel thei dêr lo ding chu ka hung intlungtir ding a nih; ka kuomah hung khêk an ta, nisienlakhawm, anni chu lo ngai naw ning ah.

JEREMIA 42:16

hieng hi hung nîng a tih: chu Aigupta rama chun kâwlhnâm in ṭi hlak khan hung hnawt phâk a ti cheu a, ṭâm in iṭi khan chu Aigupta rama chun a hung hnawt rak rak ding cheu a nih; chuongchun, chutaka chun thîng in tih.

JEREMIA 48:44

Ṭitnaa inthawka tlân chu khurthima chun tlâng a ta, khurthima inthawka suok chu chânga chun âwk a tih; anni hremna kum chu ama chungah, Moab chunga ngei chun, kân tlungtir ding a nih, Lalpa chun a tih.

EZEKIEL 1:28

Ruo sûr nia sûma sumrisâng inlang angin, a vêla varna inlang dân chu a um a. Hi hi Lalpa ropuina angpui inlang dân chu a nih. Chun, chu chu ka hmu phing chun, bawkkhupin ka tlu a, chun, mi pakhat râwl thu hung hrilin ka hriet a.

EZEKIEL 10:4

Chun, cheruba inthawk chun Lalpa ropuina chu a tungin a kai a; in kawtkhâr bula chun a ngîr ta a; chun, in chu sûmin a hung sip a, tuollai chu Lalpa ropuina var chun a hung sip ta a.

EZEKIEL 15:7

An chunga chun ka hmai innghat ka ta; meia inthawk chun fe suok sienkhawm mei bawkin anni chu kânghmang a tih; chun, chuonga anni chu ka hmai kân nghat pha chun Lalpa chu ka nih ti mi hre tâng an tih.

EZEKIEL 9:2

Chun, ngai ta, hmârtienga um, dâi kawtkhâr chunghnung lema chun mi paruk, mi tinin mâni sukhlumna hriemhrei chu kuta chawiin an hung a; anni laia pakhat chu puonzai inhmiin ân chei a, a kâwngah lekhaziektu lekhatui bûr a pai a. Chun, anni chu an va lût a, dârsen maichâm bula chun an ngîr ta a.

AMOS 3:14

“Israel bawsietnahai chu ama chunga ka hrem chun, chu nia chun Bethel khuoa maichâmhai kihai chu tanbawng an ta, hnuoiah tlâng an tih.

AMOS 7:17

chuleiin, Lalpa chun hieng ang hin a ti a nih, ‘I nuhmei chu khawpuiah nawchizawr nîng a ta, i naupasalhai, i naunuhmeihai chu kâwlhnâmin tlûng an ta; i ram chu inkhina hruiin sem an ta; chun, nangma ngei khawm ram thieng naw sûnga chun thîng i ta, matheilovin, Israel chu a rama inthawkin salah ṭhuoi hmang an tih,’ tiin,” a dawn a.

AMOS 7:9

chun, Isak bâwlhmunhai chu rausan hung nîng an ta, Israel hmun inthienghai chu suksiet nîng a tih, chun, Jeroboam sûnghai chu kâwlhnâmin do ka tih,” a ta.

HABAKKUK 3:13

I mihai sandamna dingin i fesuok a, I hriek nâl sandamna ding chun. Mi rilo sûngkuoa inthawk chun lu chu i sukhliem a, Ring chenin a lungphûm chu i suklang ta a.

ZEPHANIA 1:12

Chuong huna chun, Jerusalem chu khâwnvarhai sitin dap ka ta, mi an in kilkhâwrhaia chêng a, an lungrila, “Lalpa chun thil ṭha thaw naw ni a, thil ṭha naw khawm thaw chuong hliek naw ni,” tituhai chu hrem ka tih.

ZEPHANIA 2:14

A sûnga chun ran ruolhai riek an ta, ran chi tinrênghai chu: kaikuongrâl le saku chu, a khawpui laia chun riek an ta, an râwlhai chu tukvera inthawka hriet nîng a ta: sidar thinga remhai khawm chu a sukruok ta si a.

JOHAN 1:18

Tukhawmin ienglai khawmin Pathien an hmu nawh; a Naupa khât nei sun, Pa ângsûnga um ngei khan a chanchin a hril tah a nih.

JOHAN 1:32

Chun, Johanin a thu ân hriettir a, a hril a, “Thlarau chu vaṭhu angin vâna inthawka ṭum ka hmu a, a chungah a fu zing a.

THILTHAWHAI 26:13

chun, i aw, lalpa, lampuia ka fe laiin, sûnchang lai takin, vâna inthawkin var, nisa nêka var lem, kei le ka fepuihai vêl chu a hung khaw var a.

JOSUA 10:18

Chuongchun, Josua chun, “Pûk kawtkhâra chun lung lientak tak inhlum unla, a vêngtuhai khawm inumtir ro.

THUPUONGSUO 1:17

Ama chu ka hmu phingleh thi ang dêrin a ke bulah ka tlu ta a. Ama chun a kut changtieng chu ka chunga innghatin,ka kuomah, “Ṭi naw rawh; kei Hmasatak le, Nuhnungtak le,

THUPUONGSUO 8:3

Chun, vântirko dang a hung a, rângkachak riminhnik rawna bâwm chawiin maichâm kâwla chun a ngîr ta a; lalṭhungpha hmaa rângkachak maichâm chunga mi inthienghai po po ṭawngṭainahai belsana dingin, riminhnik tamtak a kuomah an pêk a.