AMOS 8:5 - Pathien Lekhabu Inthieng (BSI)

⁵ “Bu ei zawr theina dingin thla thar chu iengtik âm bo a ta, beiphit bu ei insuo theina dingin châwlni chu iengtik âm a bo ding a na? Epha sukchîna, shekel suklien a, indik nawtaka hlêmna bûkna hmang a,

AMOS 8:5 ပူးပေါင်းရင်းမြစ်များ

2 LALHAI 4:23

Chun, ama chun, “Vawisûn kher kher iengdingin am ama kuoma chun fêng i ta? thla thar a ni naw a, Châwlni khawm a ni bawk si naw a,” a ta. Chun, ama chun, “Ṭha tho de nih,” a ta.

FESUOKNA 31:13

“Israel mihai kuoma chun hril la, ‘Ka châwlnihai chu titakzetin in inser ding a nih: Lalpa a sukthiengtu cheu chu ka nih ti in hriet theina dinga in thlahai chena dingin nangni le keia inkâra inchikna chu a ni si a.

THUVARHAI 11:1

Bûkna indik naw chu Lalpa ta dingin tirdakum a nih; Inkhîna indik ruok chu a lâwm zâwng a nih.

THUVARHAI 16:11

Inkhina le bûkna indikhai chu Lalpa ta a na, Ip riknahai po po khawm chu ama sinthaw a nih.

THUVARHAI 20:23

Bûkna danglamhai chu Lalpa ta dingin tirdakum a na, Bûkkhaina indik naw khawm chu a ṭha nawh.

ISAI 1:13

Thilpêk mei meihai chu hung chawi ta ngai naw ro; thil riminhnik khawm chu ka ta dingin thil tirdakumtak a nih; thla thar dâm, châwlni dâm inkhâwmpuia infiel khâwm dâm mei mei chu ka ngai thei naw tawp el; khawhlona mei mei a nih, inkhâwm ropuitak khawm hi.

ISAI 58:13

“Châwlni bawse lo dinga, ka ni inthienga i nuom zâwng thaw lo dinga i kepha chu în nghatkîrtir a, châwlni chu ni lâwmum le Lalpa ni inthieng chu inzaum i ti a, mâni lampui hraw lova, i chawimawi chun,

HOSEA 12:7

Sumdâwngtu a na, a kutah bûkna indik naw a um a, Hlêm ngawt a châk hlak a nih.

HOSEA 12:8

Ephraim chun, “Ka hausa takzet el ta a, Kân sukmuk takmeu el ta a nih; Ka sinthaw po poahai hlak chun Keimaa thil suol an hmu ding hlak um dêr lo,” a ti a.

LEVI DÂN 19:36

Khâina indiktak, bûkna indiktak, epha indiktak, hin indiktak in nei ngei ding a nih: Kei hi Lalpa in Pathien, Aigupta rama inthawka ṭhuoi suoktu cheu ka nih.

ZEKARIA 5:6

Kei chun, “Ieng am a na?” ka ta. Ama chun, “Hi hi bâwm a fe suok chu a nih,” a ta. “Hi hi ram po poa an khawhlona chu a nih,” a ti bawk a.

ZEKARIA 5:8

Chun, “Hi hi Khawhlona a nih,” a ta; bâwm sûnga chun a nam lût nâwk a; a bau chu suon riktak chun a sîn nâwk a.

MALAKI 1:13

Chun, ‘Ngai ta u, nghawk a va um ngei de!’ in ta, in hnâr in hnâwtkhum a, sipaihai Lalpa chun a tih. Chun, pâwngnêka lâk chu in hung lâk a, a kebai ruol, a damnaw ruol leh; chuong ang chun thilinhlân chu in hung lâk a na, hi in kut thilthaw hi ka pawmpêk ding cheu am a nih? sipaihai Lalpa chun a tih.

NAMBAR 10:10

In hlimna nia dâm, in Fekân ruoiṭhe hunbi neia dâm, in thla thara dâm le, in pumrawhmang thilinhlâna le in inremna thilinhlân inthâwinahaia chun tawtawrâwt chu in mût ding a nih; chuongchun, in Pathien hmaa in ta dinga hrietzingna a ni ding a nih; kei hi Lalpa in Pathien ka ni hi,” tiin.

KOLOSSA 2:16

Chuongchun, fâk thua manih, dâwn thua manih, ruoiṭhe ni thua manih, thla thar thua manih, châwlni thua manih tûkhawmin sawisêl naw raw hai se cheu;

1 SAMUEL 20:5

David chun Jonathan kuomah, “Ngai ta, zinga hin thla thar a ni ding a na, lal kuoma thlaithlêng awt ngei ding ka na, nisienlakhawm, a ni thum ni zântieng chenin phûl tieng inbihmang dingin fe lem ka tih.