AMOS 8:14 - Pathien Lekhabu Inthieng (BSI)

¹⁴ Samari khaw suolna sâla ṭawng inkhâm a, ‘Aw Dan, i Pathien a hring angin,’ le, ‘Beer-seba fena lampui a hring zing angin,’ tihai kha, chuong mihai khawm chu tlûng an tih, tho nâwk dêr naw ni hai,” tiin.

AMOS 8:14 ပူးပေါင်းရင်းမြစ်များ

1 LALHAI 12:32

Chun, Jeroboam chun Juda rama ruoiṭhe an nei hlak ang bawkin thla rietna, chu thla ni sâwm le ni nga ni chu ruoiṭhe niah a ruot ve a, maichâma chun an hang fe a, Bethela chun a bâwngte lim siem kâwla inthâwiin chuong ang chun an thaw a nih; chun, a siem bâwlhmun thiempuhai chu Bethela chun a sie a.

1 LALHAI 14:16

Chun, Israelhai chu thil insuksuoltira a thaw Jeroboam suolnahai leiin Israelhai chu nghatsan a tih,” a ta.

1 LALHAI 16:24

Semer ta Samari tlâng chu tangka talent hniin ân châwk a; chun, tlânga chun khuo a siem a; a khaw siem hminga chun chu tlâng neitu Semer hming chawiin Samari ân puttir a.

2 LALHAI 10:29

Nisienlakhawm, Nebat naupa Jeroboam suolna-Israelhai thil insuksuoltira a thawhai chu Jehu chun a bân chuong naw a; chu chu Bethel khuo le Dan khuoa rângkachak bâwngte lim biek a nih.

2 CHANCHIN SUINA 36:16

nisienlakhawm, Pathien tirkohai chu an nuisan a, a thu chu an hmusit a, a zâwlneihai chu an nuiêu a, sukṭhat nâwk theina um ta lo hiel khawpa, mipuihai chunga Lalpa lungsenna chu chawkthoa a um hiel chen chun.

INPÂKNA HLABU 140:10

Meilinghai an chungah tla sienla, Meia peiin um hai sienla, An tho nâwk ta nawna dingin khur inthûktakah peiin um raw se.

INPÂKNA HLABU 36:12

Sawtaka sawn thilsuksuoltuhai chu an tlu zing a, Nam thlûk an na, tho thei ta naw ni hai.

THUVARHAI 24:16

Mi fel chu vawi sari tlu sien khawm a tho nâwk hlak si a, Mi khawhlohai ruok chu lungzîngnaa pei thlûkin an um.

THUVARHAI 29:1

Kâwka um rawpa, rîng sukngar hlak chu, Kârlovin se dar a ta, sukdam nâwkna um naw nih.

ISAI 24:20

Hnuoi hi zu inrui ang elin pêm thlawk thlawk a ta, bûktê insâwi angin insâwi dar dar a tih; a bawsietna chu a chungah riktakin um a ta, chuongchun, tlûng a ta, tho nâwk ta naw nih.

ISAI 43:17

tawlailîr le sakawr, sipaihai le thilthawtheina ṭhuoi suoktu chun (chuonghai chu ân zâl khâwm rum a, tho nâwk ta naw ni hai a, an chimit zo a, khâwnvar phita sukmit angin sukmitin an um tah) hieng ang hin a tih,

JEREMIA 25:27

Chun, an kuoma chun hieng hin tîng i ta: Israel Pathien, Lalpa chun hieng hin a tih: Dâwn unla, inrui unla, inluok unla, tlu unla, tho nâwk ta naw ro, nangni laia kâwlhnâm ka hung tir ding lei chun.

JEREMIA 51:64

chun, ‘Hieng ang bawk hin Babulon chu tlumhmang a ta, a chunga thil ṭhanaw ka hung intlungtir dinghai lei chun tho nâwk ta ngai naw ni a, rimsi hle tâng an tih,’ ti rawh,” a ta. Jeremia thuhai chu chu chen chu a nih.

HOSEA 10:5

Samaria rama chênghai chu Beth-aven bâwngtê lei chun thlaphângin um an tih; A kuoma inthawka a bo ta leiin chutaka mihai chu lungngai an ta; Chutaka thiempuhai a ropuina chunga lo lâwm hlakhai khawm.

HOSEA 13:16

Samaria chu sukrêmin um a tih, A Pathien chungah a hel si a; Kâwlhnâma sukthlûkin um an ta, An nautêhai chu peinawi nîng an tih, An nuhmei nau vawn laihai chu phirthlêr nîng an tih.

HOSEA 13:2

Tu khawm hin an suol zuol ta deu deu a, An tangkaruoin milim a sunga sung an insiem fâwm a, Anni ngaidân ang peia milim chu: Chuonghai po po chu themthiemhai kutsuok a ni sa khawmin, Inthâwina inhlântu taphawthai chun Bâwngtê chu fâwp raw hai se, an ti hlak.

HOSEA 4:15

Israel, nang chun nawchizawr chîng la khawm, Juda chu tlu ve lul naw raw se. Gilgala chun hung naw unla, Beth-avena khawm hang fe naw ro; “Lalpa a hring zing angin” tiin inkhâm bawk naw ro.

AMOS 5:1

Aw, Israel chihai, hi thu nangni sûnna dinga ka hril hi hre ro:

AMOS 5:2

“Nunghâk, Israel chu a tlu ta a, ngîr nâwk ta naw nih: a ram chunga chun pei thlâk a ni tah a nih, ama chu inngîrtir dingin tukhawm an um nawh.”

AMOS 5:5

nisienlakhawm, Bethel khuo chu zawng naw unla, Gilgala chun lût naw bawk unla. Beer-seba khuoah kai bawk naw ro; Gilgal khuo chu matheilovin sala manin a um ding a ni si a; Bethel khuo chu teplo hung nîng a tih.”

MIKA 1:5

Hieng po po hi Jakob bawsietna le Israel sûngkuo suolnahai lei a nih. Jakobhai bawsietna chu ieng am a na? Samaria ni lo am a nih? Juda bâwlhmunhai chu ieng am a na? Jerusalem ni lo am a nih?

ZEPHANIA 1:5

chun, inchung sîpa inthawka vâna thil umhai chibai bûktuhai le, Milkom hminga inkhâmtuhai le, Lalpa hminga ṭawng inkhâma betuhai le;

THILTHAWHAI 18:25

Ama chu Lalpa Lam thu inchûktir tah a na, lungrila ṭhahnemngaitak a ni leiin Isu chanchin nguntakin a hril a, ân chuktir hlak a, Johan baptisma thu chau a hriet si a.

THILTHAWHAI 19:23

Chun, chuong lai vêl chun Lam thu lei chun buoina namên lo a hung suok ta a.

THILTHAWHAI 19:9

Nisienlakhawm, a ṭhen chu an kawmaw a, an awi nuom naw a, mipui hmaah Lam thu chu an hrilsiet phingleh, ama chun anni a fe san a, inchûktirhai chu a kei hran a, ni tin Turanna inchûktirnaah a sêl hlak a.

THILTHAWHAI 24:14

Nisienlakhawm, hi thu hi i kuomah inphuong ka tih, ‘Chi hran,’ an ti, Lam dân angin ei thlatuhai Pathien ka biek hlak, Dân le zâwlneihai lekhabua ziek po po ringin.

THILTHAWHAI 9:2

Thiempu Laltak kuomah a fe a, Damaskaa inkhâwmna in po poa mihai kuoma pêk dingin lekha a hni a, chu Lama mi chu tukhawm a hmu chun, nuhmei khawm, pasal khawm, Jerusalema khuop puma hung ṭhuoi theina dingin.

DÂN PAHNINA 33:11

Mal sâwm rawh, Lalpa, a sum a pai, A kutsuokhai chu lo pawm la, A thawtuhai kâwng chu vaw la; A theidatuhai kâwng leh, an châng nâwk ta nawna dingin,” a ta.

DÂN PAHNINA 9:21

In suolna leia in siem bâwngte lim chu ka lâk a, ka raw a, ka suknâwi a, pilvut angin ka râwtnawi dar a; a phit chu tlânga inthawka vadung hung luonga chun ka phul a.