AMOS 8:10 - Pathien Lekhabu Inthieng (BSI)

¹⁰ In ruoiṭhehai chu lungngainaa le in hlahai po po chu ṭapnaah inchangtir ka tih; kâwng po po chu saiip puon indierkeitir ka ta, lu tin sîpa chun kâwkna hung intlungtir ka tih; chun, naupa khât nei sun ta dinga lungngaina ang le, a tâwpna chu khâkna ni angin siem ka tih.

AMOS 8:10 ပူးပေါင်းရင်းမြစ်များ

INṬANNA 21:16

Chun, “Naupang thi ding chu ka en ngam nawh,” a ti leiin a fe a, hla fe thal kâp phâk ding chena hin, a hma zâwna chun a va ṭhung ta chawt a. Chuonga a hma zâwna a ṭhung lai chun inringtakin a ṭap ta a.

JOB LEKHABU (THE BOOK OF JOB) 20:23

A phîng chu suksip ding a ni phingleh, Pathien chun a lungsen ṭiumna chu a chungah buok a ta, A fâk lai chun a chungah a sûrin sûr a tih.

JOB LEKHABU (THE BOOK OF JOB) 3:5

Inthimna le thina hlim chun anni ta ngeiah hau sienla, A chungah sûm zîng tlat raw se; Ni inthimna chun suklâu raw hai se.

JOB LEKHABU (THE BOOK OF JOB) 30:31

Chuleiin, ka ṭingṭang chu sûnnaah ân chang a, Ka theihle chu mi ṭaphai râwlah ân chang bawk a.

ISAI 3:24

Chun, mawsawla rim inhniktak aiah thil hmawn um a tih; kâwnghrên aia chun hruihruol um bawk a tih; sam inkir bap aiah lukawlna um a ta; puon mawitak aiah saiip puon dierkei um a tih; hmêl ṭhat aiah thîr linga depsietna um a tih.

JEREMIA 2:19

Nangma rîtlona ngei chun sukdik a ti che a, i hnungtawlnahai chun nang chu kâwk a ti che; chuleiin, Lalpa i Pathien chu i nghatsan a, keima ṭina chu nangmaa hrim a um naw hi, thil rilotak le, thil kha a nih ti hi hmu la, hre rawh, Lalpa, sipaihai Lalpa chun a tih.

JEREMIA 48:37

“Lu tin chu a kâwk a, khâkhmul tin kildein a um a; kut po pohai chun thil chepnawi an chawi a; kâwnghai chunga chun saiip puonhai a um bawk a.

JEREMIA 6:26

Aw ka chipui naunu, saiip puonin inbel la, pilvuta chun inbuol rawh; naupasal khât sûn angin sûn la, sûnna natak el chun, ei chunga chun suksetu chu a hung vak ding a ni si a.

ṬAP HLA 5:15

Kan lungril hlimna a bo a, Kan lâmna chu lusûnaah ân chang a.

EZEKIEL 7:18

Saiip puonhaiin inchei an ta, ṭitnain anni chu inkhum a tih; an hmaihai chunga chun inzakna um a ta, an luhai po po chunga chun lukâwkna um a tih.

EZEKIEL 7:2

“Nang mihriem naupa, Israel ram kuoma chun Lalpa Pathien chun hieng ang hin a tih; Tâwpna, tâwpna chu ram kil lia inthawkin a hung tlung tah.

HOSEA 2:11

A hlimna po po, a ruoiṭhe dâm, a thla thar dâm, A châwlni dâm le a hunbi ruoiṭhehai po po khawm suktâwp vawng ka tih.

HOSEA 2:13

Riminhnik a rawpêk hlak Baal nihai chu a chungah thung ka ta, Chuong lai chun a nabehai le a în cheinahai chu ân bel a, A dit zâwnghai a pan a, kei a mi theinghil a nih, Ti hi Lalpa thu suok a nih.

JOEL 1:8

Nunghâkin saiip puon bil a, a ṭhatlai pasal a sûn angin ṭap rak rak ro.

LEVI DÂN 13:40

“Mi a sam a tla kawl chun lukawl a na; nisienlakhawm, ân thieng a nih.

AMOS 5:21

In ruoiṭhehai ka theidain ka hmusit a, in inkhâwmpui ursûnahai chun lâwm bawk naw ning.

AMOS 5:23

I ṭingṭang ri mawi chu ngai naw ningah, chuleiin, ka kuoma inthawkin i hla nasêtum chu la hmang rawh.

AMOS 8:3

Lalpa Pathien chun, “Chu nia chun biekin hlahai chu khêk rak rak ni tâng a ta, mithi ruong tam a ta, hmun tinah to zingin peihâwn an tih,” a ta.

NAHUM 1:10

Hling bawn anga umin an uoin dâwn chun chie hu hnêp angin um sienla khawm, bupâwl ṭâwl ang ela sukbohmang vawng nîng an tih.

ZEKARIA 12:10

Chun, David sûngkaw chunga le, Jerusalem hluotuhai chunga chun zângaina le hni châkna thlarau buok ka ta, kei an mi sun tahnung chu mi en an tih; miin a nau khât ta dinga an sûn hlak angin ama chu sûn an ta, miin a nau lutîr chu nasataka a tuorpui hlak angin nasatakin tuorpui an tih.

DÂN PAHNINA 16:14

In ruoiṭhenaa chun nangni leh, in naupasalhai, in naunuhmeihai leh, in suokpahai, in suoknuhai leh, in umnaa Levi mihai leh, ram dang mihai, pa neilo le hmeithaihai dâm leh hlimtakin in um ding a nih.