AMOS 7:15 - Pathien Lekhabu Inthieng (BSI)

¹⁵ Lalpa chun berâm ruol vêngnaa inthawk chun a mi lâk a, Lalpa chun ka kuomah, ‘Fe la, ka mi Israelhai kuomah thu hril rawh,’ a mi ti a.

AMOS 7:15 ပူးပေါင်းရင်းမြစ်များ

2 SAMUEL 7:8

Chuleiin, ka siehlaw David kuomah, Sipaihai Lalpa chun hieng ang hin a ti a nih, ‘berâm tlatna hmuna inthawka i berâm vêng lai chun ka mi Israelhai chunga hotu dingin ka lâk che a;

1 LALHAI 19:19

Chuongchun, chutaka inthawk chun a suok ta a, Saphat naupa Elisa chu a va hmusuok a, ama chun hnuoi a lo inlet a, a hmaa chun sebâwng tuok sâwm le tuok hni a um a, a sâwm le pahnina chu ama chun a lo khal a; chun, Elija chun a va pan a, a puon chu a vân bâttir a.

JEREMIA 1:7

Nisienlakhawm, Lalpa chun ka kuomah hieng hin a hril a: “Naupang el ka nih, ti naw rawh, Tu kuoma khawm ka tirna phawt che kuoma chun i fe ding a ni si a; Thu ka pêk ang pei che chun thu hril bawk i tih.

JEREMIA 26:12

Chun, Jeremia chun lalhai po po le mipuihai po po kuoma chun thu a hril ta a, “Lalpa chun thu in lo hriet ta ang po po khan hi khawpui le hi in siet ding thu hril dingin a mi hung tir a nih.

AMOS 3:8

Sakeibaknei ân rûm a, tuin am ṭi nâwng a ta? Lalpa Pathien chun thu a hril a, tuin am hril naw thei an ta?” tiin.

MATTHAI 9:9

Chun, Isu chutaka inthawkin a fe pei a, sie chawina hmuna ṭhung mi pakhat, a hming Matthai, a hmu a; a kuomah, “Mi hung zui rawh,” a ta. Chuongchun, a tho a, a zui ta a.

THILTHAWHAI 1:8

Nisienlakhawm, Thlarau Inthieng chu in chungah a hung tlung pha leh thilthawtheina la nei in tih; chuongchun, Jerusalema dâm, Judai le Samari ram khaw tina dâm, kâwlkawdawng chenin ka thu hretuhai nîng in tih,” a ta.

THILTHAWHAI 4:20

Keini chu thil kan hmu le kan hriethai kha hril lovin kan um thei nawh,” an ta.

THILTHAWHAI 5:20

“Pathien biekinah va ngîr unla, mi kuomah hieng hringna thu po po hi va hril ro,” a ta.

1 SAMUEL 10:11

Chun, kha hmaa ama lo hre hlakhaiin zâwlneihai thu hril duol duolnaah a ṭhang ve ti an hriet chun mihai chu an inbiek a, “Kis naupa chunga thil hung um hi ieng am a ni ta leh? Saula khawm chu zâwlneihai lai a ṭhang ve am a ni el tah?” an ta.