AMOS 6:13 - Pathien Lekhabu Inthieng (BSI)

¹³ nangni iengkhawmlo chunga lâwm a. “Eini hrâtnain a ni nâwm a ni kihai ei lâk?” tituhai.

AMOS 6:13 ပူးပေါင်းရင်းမြစ်များ

2 LALHAI 13:25

Chun, Jehoahaz naupa Jehoas chun Hazael naupa Benhadadin a pa Jehoahaz a rûn a, khuo a lâkpêkhai kha a lâkpêk nâwk a, Joas chun vawi thum a hne a, Israel ram khuohai chu a lâk nâwk a.

2 LALHAI 14:25

Lalpa Israelhai Pathien a siehlaw, Gath-hepher mi Amittai naupa zâwlnei Jona hmanga a thuhril ang khan, Hamath lûtnaa inthawka Araba tuipui chenin Israel ramah a bel nâwk a.

JOB LEKHABU (THE BOOK OF JOB) 31:25

Ka hausakna hi a hung nasat lei a ka hlim a, Ka kut chun tamtak a hung hmu leia ka lâwm a ni chun,

JOB LEKHABU (THE BOOK OF JOB) 31:29

“Keia mi theidatu sietnaa chun ka hlim a, Annawleh, ama chu thil ṭha nawin a hmu suok phaa kân sie chung chun;

JOB LEKHABU (THE BOOK OF JOB) 8:14

Chuonghai ringsan tak chu kawidar vawng a ta, Chuonghai ringsan chu aiumrîl ang a nih.

JOB LEKHABU (THE BOOK OF JOB) 8:15

A in chu innghai a ta, nisienlakhawm, ngîr si naw ni, Dettakin chel a ta, nisienlakhawm, um zing naw ni.

INPÂKNA HLABU 2:2

Hnuoia lalhaiin an ep huoi huoi a, Hotuhai khawm an inrâwn khâwm a, Lalpa le a hrieknâl chunga chun:

INPÂKNA HLABU 75:4

Mi uonghai kuoma chun, “Iengleangin um naw ro,” ka ti a, Mi rilohai kuomah, “In ki suksâng naw ro,” ka ti bawk a.

INPÂKNA HLABU 75:5

In ki chu chungtieng suksâng naw unla, Rîng tlûn pumin ṭawng naw ro.

THUHRILTU 11:9

Aw tlangvâl, i tlangvâlnaa chun hlim rawh; i vânglai nihaia chun i lungril chu hlim sienla, i lungril lampui chu hraw la, i mithmu ngeia chun; amiruokchu, hieng thil po poa ding hin Pathien chun rorêlnaah a ṭhuoilût ding che a nih ti hre rawh.

ISAI 7:1

Uzzia nau Jotham naupa Ahaz inlal lai chun, Suria lal Rezin le Israel lal Remalia naupa Peka chu Jerusalem rûn dingin an hang fe a; nisienlakhawm, an hne thei naw a.

ISAI 7:4

a kuomah, ‘Fimkhur la, um ṭawk ṭawk rawh, meiser bawng khu mei mei pahni, Suria le Rezin le Remalia naupa lunginsenna nasatak chu, ṭi naw la, i lungril chu inlau naw raw se.

ISAI 8:6

“Hieng chihai hin Siloa tui damtêa luong dêl dêlhai chu an dit naw lei le, Rezin le Remalia naupa chunga an lâwm leiin,

JEREMIA 50:11

Aw nangni ka rochan hung rûntuhai, in hlima in lâwm lei le, sazukpui bu chilse a, sakawr hrâttak inhrâm anga in tha a fân leiin; in nu chu nasatakin inzak a tih;

JEREMIA 9:23

Lalpa chun hieng hin a tih: mi var chun a varna suong naw raw se; mi thilthawthei khawm chun a thilthawtheina suong bawk naw raw se; mi hausa khawm chu a hausakna suong bawk naw raw se;

EZEKIEL 29:3

hieng hin ti rawh; Lalpa Pathien chun hieng hin a tih: ‘Ngai ta, Aigupta lal Pharao, Rûlpui a vadungpuihai laia bawk a, Ka vadungpui hi keia ta bîk a na, Keima ta dingin ka siem tah,’ titu, ka dodâl che a nih.

EZEKIEL 29:9

Chun, Aigupta ram chu ram sie le râusan hung ni tâng a ta; ama chun, Vadungpui chu ka ta a na, keia siem a nih, a ti tâk lei khan, Lalpa chu ka nih ti mi hre tâng an tih.

DANIEL 4:27

Chuleiin, aw lalpa, ka thurâwn hi i kuoma chun pawmtlâka ngai ni raw se; i suolnahai chu felnain thleng la, i khawhlonahai chu mi rimsihai chunga lunginsietna inentir bawk rawh; i tluongtlungna hi sukseia a um theina dingin,” a ta.

DANIEL 4:30

Lal chun a hril a, “Hi hi Babulon ram ropuitak, ka thilthawtheina hrât nasatak chun, lal chêngna ding le, ka în lalna ropuina dinga ka siem chu a ni naw am a nih?” a ta.

JONA 4:6

Chun, Lalpa Pathien chun ûm a lo ruot a, chu chu Jona chunga chun ân zâmtir a, a rinumnaa inthawka sansuok dinga a lu zâr hlietu dingin. Chuongchun, Jona chu ûm lei chun nasatakin a lâwm ta a.

ZEPHANIA 3:11

Chu nia chun i thil thawhai po po, ka chunga i bawsietnahai lei chun inzak ta naw ti ni a; nanga sûnga inthawkin nasataka nang chapopuituhai che chu ka lâk suok ding a ni ta si a; chuongchun, ka tlâng inthienga chun chapo ta ngai hrim hrim naw ti nih.

ZEKARIA 1:19

Ama chun, “Hi kihai hi Juda le Israel le Jerusalem sukdartuhai chu an nih,” tiin a mi dawn a.

JOHAN 16:20

Titakzetin, ka hril cheu hi, nangni in mitthli tlâng a ta, ṭap rak bawk in ta, khawvêl ruok chu lâwm an tih, nangni lungngai in ta, nisienlakhawm, in lungngai chu lâwmin inchang a tih.

JAKOB 4:16

Nisienlakhawm, in uongnahai hi in suong lem si a; chuong ang suongna po po chu suol a nih.

THUPUONGSUO 11:10

An thi leiin hnuoia umhai chu lâwm an ta, hlimna siem an ta, thilpêkhai inthawn tuo bawk an tih; zâwlnei pahni hai chun hnuoia umhai chu an sukrimsik hlak leiin.

RORELTUHAI 9:27

Chuongchun, lo tieng an fe a, an grêphai chu an lo a, an chîl a, ruoi an ṭhe a, an pathien inah an lût a, an fâkin an dâwn a, Abimelek chu an deusaw a.

1 SAMUEL 4:5

Chuongchun, Lalpa thuthlung bâwmin an riekhmun a hung tlung chun, Israel mi po pohai chu inringtakin an khêk ta dur dur el a, hnuoi chen khawm a tlawr ri dur dur el a.