AMOS 6:10 - Pathien Lekhabu Inthieng (BSI)

¹⁰ Chun, mithi sungkuo hnai an ruonghai râwtu ding ruonghai inhlawm dinga chu ina hung chun, insungrila mi pakhat kuomah chun, “I kuomah a dang an la um am?” tîng a ta. Ama chun, “an um ta nawh” tîng a ta. Chun ama chun, “To zing rawh, Lalpa hming chu ei sâm ding a ni si naw a,” la tîng a tih.

AMOS 6:10 ပူးပေါင်းရင်းမြစ်များ

2 LALHAI 23:16

Chun, Josia chu a hei ngha a, tlânga thlânhai chu a hei hmu a; chuongchun, thlâna ruhai chu a vân lâktir a, chuong thu lo hriltu Pathien miin a lo hril, Lalpa thu ang ngeiin maichâma chun a raw a, a suksiet ta a.

2 LALHAI 6:33

Chun, chuonga anni a la biek lai mêk chun ngai ta, a mi tir chu a hung tlung thla ta a; chun, laltak chun, “Ngai ta, hi thil ṭha naw hi, Lalpa hung tir a ni hi, Lalpa chu iengdingin am la nghâk ta rawp ka ti a?” a ta.

JEREMIA 16:6

Hi rama hin a lien le a chîn khawm thîng an ta; phûmin um naw ni hai a, mihai khawma anni chu ṭa naw ni hai, anni le anni khawm in ât naw ni hai, an ta dingin an lu sukkâwk bawk naw ni hai;

JEREMIA 44:26

Chuleiin, Aigupta rama Juda chêng po pohai, Lalpa thu chu lo ngai ta u: Ngai ta u, ‘Lalpa Pathien chu a hring zing angin,’ tiin, Aigupta ram po poa Juda mi tukhawm baua chun ka hming chu lam a ni ta nawna dingin, ka hming ropuitak chu sâlin ṭawng kân khâm a nih, Lalpa chun a tih.

JEREMIA 9:21

Thina chu ei tukverhaia chun a hung a, ei in ropuihaia chun a hung lût si a,kawtthlêra inthawla tlangvâlhai le, puotienga inthawka naupanghai chu sâtthla dingin.

EZEKIEL 20:39

Nangni ta ding chun, Aw Israel sûngkuo, Lalpa Pathien chun hieng hin a tih: Fe unla, ka thu in ngai si naw ding chun mi tinin tuhin le hi hnunga khawm, a milimhai rawng chu va bâwl el raw se chu; amiruokchu, ka hming inthieng chu in thilpêkhai le in milimhai chun sukhmingsie ngai ta naw ti niu.

EZEKIEL 24:21

‘Israel sûngkuo kuoma chun hril la, Lalpa Pathien chun hieng hin a tih; Ngai ta, ka hmun inthieng in thilthawtheina chapopui le, in mithai châkna, in lungrilin a hmangai chu ka sukhmingsiet ding a nih; chun, in naupasalhai le in nau nuhmeihai in hnunga in mâksanhai kha kâwlhnâmah tlung an ta.

AMOS 5:13

Chuongchun, mi var chu chuong ang huna chun to zing a ta, hun ṭha naw a ni leiin.

AMOS 8:3

Lalpa Pathien chun, “Chu nia chun biekin hlahai chu khêk rak rak ni tâng a ta, mithi ruong tam a ta, hmun tinah to zingin peihâwn an tih,” a ta.

NAMBAR 17:12

Chun, Israel mihai chun Mosie kuomah, “Ngai ta, kan bohmang a ni annâwm, kan se zo tah, kan se zo vawng tah annâwm.

1 SAMUEL 31:12

mi huoisenhai po po chu an tho a, zânkhawvârin an fe a, Saula ruong le a naupasalhai ruong Beth-san kul banga inthawk chun an lâk a; chun, Jabes an hung tlung a; chutaka chun an raw a.