AMOS 5:7 - Pathien Lekhabu Inthieng (BSI)

⁷ rorêlna sairam thinga inchangtir a, felna chu hnuoia pei thlahai;

AMOS 5:7 ပူးပေါင်းရင်းမြစ်များ

INPÂKNA HLABU 125:5

An lampui kâwia pêthai ruok hi chu, Lalpa chun thil suksuoltuhai leh ṭhuoi hmang a tih; Israelhai chunga chun thlamuongna um raw se.

INPÂKNA HLABU 36:3

A baua thu suokhai chu suolna le hlêmna ruok a ni hlak a, Varna le thil ṭha thawna chu a bânsan ta a.

THUVARHAI 21:7

Mi khawhlo hrângsietna chun anni chu hrût hmang a tih, Rorêlna indik thaw an nuom naw leiin.

ISAI 1:23

I mi lienhai chu mi hel hmang, inru hmanghai ruolhai an nih, mi tinin tham an nuom a, lâwmman an hnawt hlak; pa bohai ro an rêlpêk ngai naw a, hmeithai thu hlak an kuom a tlung ngai nawh.

ISAI 10:1

Fel nawtaka thu ruottuhai le indik nawtaka ziektuhai chu an chung a rik ie!

ISAI 46:12

Lungril uong, felna hlata umhai, ka thu hi ngai ro; ka felna chu ka hung lâk hnai a, hlatakah um naw ni, ka sandamna khawmin sâwt riel naw nih;

ISAI 5:20

Thil ṭha naw chu thil ṭha ti a, thil ṭha chu thil ṭha naw ti hlaka, var chu inthima ngaia, inthim chu vara ngai hlaka, thil thlum chu thil khaa ngaia, thil kha chu thil thluma ngai hlaktuhai chu an chung a rik ie!

ISAI 5:7

Sipaihai Lalpa grêp huon chu Israel sûngkuo hi a na, Juda mihai hi a kûng ditumtak chu an ni si a; rorêlna fel a beisei a, nisienlakhawm, ngai ta, nêksâwrna a hung um ta lem a; felna a beisei a, nisienlakhawm, ngai ta, khêk ri a hung um ta lem a nih.

EZEKIEL 18:24

Nisienlakhawm, mi fel chu a felnaa inthawka ân her hmang a, suolna a thaw chun, mi rilovin a thaw hlak anga tirdakumnahai po po kha a thaw ve chun, a hring ding am a nih? A thilthaw felhai, a lo thaw tahai a ieng ieng khawm kha hriet zing ni ta naw ni a, a bawsietnaa a bawsietna le, a suolnaa a suksuolna chun, chuongahai chun a thi ngei ding a nih.

EZEKIEL 3:20

Chu bâkah mi fel chu a felnaa inthawka ân herhmang a, suol a thaw pha chun, ama hmaa chun tlûkna lung ka sie a, ama chu thi ngei a tih; ama chu vaulâwkna chu i lo pêk naw leiin, a suolnaa chun thîng a ta; chun, a thil fel thawhai chu hriet zing ni ta naw ni; amiruokchu, a thisen maw chu nangma kutah hung phût ka tih.

EZEKIEL 33:18

Mi fel chu a felnaa inthawka ân herhmanga thil suol a thaw chun, chutaka chun a thi ngei ding a nih.

HOSEA 10:4

Thuthlung an siemna tienga chun khêla inkhâmin. Thu teplo an hril a; Chuleiin, leilet changkuong thlûra hlo tûr nei ang elin Inkhingna a hung inder suok a nih.

AMOS 2:3

chu laia rorêltu chu sukbo ka ta, a mi lienhai po po chu, ama leh that ka tih,” Lalpa chun a tih.

AMOS 3:10

An lal inahai pâwngnêkna le suomhmangna siekhâwmtuhai chun sukdik dân an thiem si nawh,” Lalpain a ti a.

AMOS 6:12

Sakawrhai chu lungpui chungah an tlân ding am a nih? Chutaka chun miin sebâwngin hnuoi an inlet ding am a nih? Nangnîn rorêlna chu thina hloa le, felna chu sairam thingah in inchangtir hi;

MIKA 3:9

Nangni Jakobhai sûngkaw hotuhai le Israel sûngkaw hotuhai le Israel sûngkaw rorêltu, rorêlna tirdaka, indikna tinrêng suklinglettuhai, hi hi lo ngai ro, ka ngên cheu hi.

HABAKKUK 1:4

Chuleiin, dân chu a dul a, rorêlna chu a zîksuok thei naw a, Mi rilohai chun mi fel chu an inhuol vêl si a; Chuleichun, rorêlna chu a fe suol hlak a nih.

ZEPHANIA 1:6

Lalpa zuinaa hnungkîrtuhai le, Lalpa chu zawng ngai lo a, ama chanchin khawm indawn ngai lohai chu sukbohmang ka tih.”

DÂN PAHNINA 29:18

Chuong naw chun, nangni laia pasal amanih, nuhmei amanih, sûngkuo amanih, hnam amanih, chuong hnam pathienhai be ding chun an lungrilin tuhin Lalpa ei Pathien chu nghatsanin, nangni lai thil kha le sairam zung ṭo suokna bul dâm lo um khiet rawi in tih.