AMOS 5:21 - Pathien Lekhabu Inthieng (BSI)

²¹ In ruoiṭhehai ka theidain ka hmusit a, in inkhâwmpui ursûnahai chun lâwm bawk naw ning.

AMOS 5:21 ပူးပေါင်းရင်းမြစ်များ

INṬANNA 8:21

Chun, Lalpain riminhnik chu a hriet a; chun, Lalpa chun a lungrilin, “Hnuoi chu mihriem lei chun ṭawngsie inphur nâwk ta naw ning, mihriem lungril ngaituonahai chu an chîntea inthawkin a suol si a; tuta ka hrem ang hin thilsiem hringna nei tinrêng chu hrem nâwk ta ngai nâwng ka tih.

THUVARHAI 15:8

Mi khawhlo inthawina chu Lalpa ta dingin tirdakum a na, Mi tluong ṭawngṭâina ruok chu a lâwm zâwng a nih.

THUVARHAI 21:27

Mi khawlo inthawina chu tirdakum a na, Lungril suola a hung lâk pha lem chun a va ni nasa âwm de!

THUVARHAI 28:9

Dân chu ngai dinga a na sit nawtu chu, A ṭawngṭâina khawm chu tirdakum a nih.

ISAI 66:3

Bâwngchal thattu chu mihriem thattu ang a na; berâmtea inthâwitu chu ui rîng suktliektu ang a nih; thilpêk inhlântu chu vawk thisen inhlântu ang a nih; beraw rawtu chu milim malsâwmtu ang a nih, anih, anni lampui chu an thlang ta a, an thil tirdakumahai chun an lungril a lâwm hlak.

JEREMIA 14:12

Bu an nghei pha khawm, an khêkri chu ngai naw ning a; inthâwina le pumrawhmang thilinhlân an inhlân pha khawm pawmpêk naw ningah; amiruokchu, anni chu kâwlhnâm le, ṭâm le hripuiin sukbohmang lem ka tih” a ta.

JEREMIA 6:20

Ram hlataka inthawka mafuhai le, Seba-a inthawka berawhai chu ieng kawngroa ka kuoma hung am an ni leh? In pumrawhmang thilinhlânhai chu pawm a ni naw a, in inthâwinahai khawm chu ka ta dingin lâwmum a ni nawh.

EZEKIEL 23:18

Chuongchun, a nawchizawrna chu langchangtaka a thaw a, a saruokna a hlîm chun, ka lungril chu amaa inthawk chun ân her a, a unaunua inthawka ka lungril a lo inher ta ang bawk khan.

HOSEA 2:11

A hlimna po po, a ruoiṭhe dâm, a thla thar dâm, A châwlni dâm le a hunbi ruoiṭhehai po po khawm suktâwp vawng ka tih.

HOSEA 5:6

An berâm ruolhai le an bâwng ruolhai leh, Lalpa zawng dingin fêng an ta; Nisienlakhawm, ama chu hmu nâwng an tih, An kuoma inthawkin ân siekieng ta a nih.

HOSEA 8:13

Ka ta dingin inthawinahai inhlânin, inthawina sahai fa hai sien khawm, Lalpa chun a pawm nawh. Chuongchun, an rîtlona hre zing a ta, an suol hrem a ta, Aigupta ramah kîr nâwk an tih.

LEVI DÂN 26:31

In khuohai chu sukrêm ka ta, in hmun inthienghai chu sukrêm bawk ka tih; in rim inhnikhai khawm chu inhnam naw bawk ka tih.

AMOS 4:4

“Bethela chun hung unla, bawse ro, Gilgala chun hung unla, bawsietna chu sukpung ro; chun, in inthâwinahai chu tûk tin hung la unla, in sâwma pakhathai chu ni thum dan peiah hung la ro,

AMOS 4:5

chawl ṭhang lâwmthu hrilna inthâwina chu inhlân unla, mâni nuomzâwnga inhlânhai chu hril unla, puong ro; Aw Israel nauhai, hi hi in nuom sih a,” Lalpa Pathien chun a tih.

AMOS 6:8

Lalpa, sipaihai Pathien chun, Lalpa Pathien chun ama le ama insâlin ṭawng ân khâm a: “Jakob chapona chu ka tirdak a, a lal inhai ka theida a; chuleiin, khuo le a sûnga um po pohai chu kân mantir ding a nih,” tiin.

AMOS 8:10

In ruoiṭhehai chu lungngainaa le in hlahai po po chu ṭapnaah inchangtir ka tih; kâwng po po chu saiip puon indierkeitir ka ta, lu tin sîpa chun kâwkna hung intlungtir ka tih; chun, naupa khât nei sun ta dinga lungngaina ang le, a tâwpna chu khâkna ni angin siem ka tih.

MATTHAI 23:13

“Nisienlakhawm, nangni Dân inchûktirtu le Pharisai vervêkhai, in chung a rik; vân ram lampui chu mihai in khâr pêk si a; nangni hlak in lût si naw a, mi a lût dinghai khawm in inlûttir phal ngai si naw a.

EPHESI 5:2

Chun, Kristain a hmangai cheu a, riminhnik dinga Pathien kuoma thil inhlâna ding le, inthâwinaa ei aia ân pêk ang bawk khan, hmangainaah um ro.

PHILIPPI 4:18

Nisienlakhawm, iengkim ka nei a, ka hau a nih: Epaphrodita kuta in iengkhat hung inphurhai kha ka lo hmu a, ka phuiinsui tah. Chuongchu thil riminhnik rim, inthâwina dawn tlâk, Pathien lâwm zâwng a nih.