AMOS 5:16 - Pathien Lekhabu Inthieng (BSI)

¹⁶ Chuleiin, Lalpa, sipaihai Pathien, Lalpa chun hieng ang hin a tih, “Khawlaidung lien po poah ṭap rak rakna um a ta, kawtthlêr po poah. ‘A va pawi de aw!’ tîng an tih; lusûn dingin loneituhai ko an ta, ṭap rak rak dingin ṭap thiemhai ko an tih.

AMOS 5:16 ပူးပေါင်းရင်းမြစ်များ

2 CHANCHIN SUINA 35:25

Chun, Jeremia khawm chun Josia chu a sûn a; vawisûn ni chen hin, hlasaktu pasal le hlasaktu nuhmeihai khawm chun Josia an sûnna hla chu an lân sam a; Israel rama chun thupêkhaiah an siem a, chuong chu, ngai ta, sûnnaa chun ziek an nih.

ISAI 15:8

Khêkri chu Moab ramri vêlahai chun a um si a, khêk rak rak ri chu Eglaim khuo chenin ân hriet a nih; khêk rak rak ri chu Beerelim khuo chenin ân hriet a nih.

ISAI 22:12

Chu nia chun Lalpa, sipaihai Lalpa chun, ṭap ding le, âwm inchum ding le, lu sukkawl ding le, saiip puon dierkei dingin a ko a;

JEREMIA 30:5

“Lalpa chun hieng hin a tih: Thlamuongna ni lovin, ṭitna le inthin râwl ka hriet a.

JEREMIA 4:31

Nuhmei pakhat nauhase nat tuor, a nau lutîr hung suok dinga a na tuor râwl ang chu ka hriet si a, Zion naunu, thuok insama, a kuthai phara, “Tuhin ka chung a rik de! tuolthattuhai hmaa chun ka thla chu a thidang si a,” titu râwl chu a nih.

JEREMIA 9:10

Ṭap ka ta, tlânghai ta dinga sûnin ṭapinrûm ka tih, ramrenaa ran tlatna hmunhai ta ding chun sûn ka ta; Chuong hmunhai chu inramin an um ta leiin, tukhawmin an hraw thleng ta ngai naw a, ran ruol inbu ri khawm chu hriet a ni ta naw a, chunglêng vatehai le ramsahai khawm chu an tlânsein, an tlânhmang tah.

JEREMIA 9:16

An thlatuhai le anni khawma an hriet ngailo hnamhai laia chun sukdar ka ta; anni chu ka sukbohmang vawng hmakhat chun an hnungah kâwlhnâm tir ka tih.

HOSEA 4:3

Chuleiin, ram chun sûn a ta, A sûnga chêng tinrêng chu chau an tih, Ramsahai le chunglêng vatehai leh; Anih, tuipuia ngahai chenin lâk hmang nîng an tih.

JOEL 1:11

Aw, nangni lo neituhai, inzak unla, nangni grêp hrui enkawltuhai, bupui le buṭei leiin khêk rak rak ro; loa bu sîk ding chu a bohmang ta si a.

JOEL 1:14

Bu nghei hun inser thieng unla, inkhâwmpui ursûn siem unla, Lalpa in Pathien ina chun tarsiehai le hi rama chênghai po po chu ṭhuoi khâwm unla, Lalpa chu ko ro.

JOEL 1:15

Chu ni chu a chung a rik ie! Lalpa ni chu a hnai ta si a, Iengkimthawtheia inthawka bohmangna ang hung tlung a tih.

JOEL 1:8

Nunghâkin saiip puon bil a, a ṭhatlai pasal a sûn angin ṭap rak rak ro.

AMOS 3:13

Ngai unla, Jakob sûnghai chunga chun inhriettir ro,” sipaihai Pathien, Lalpa Pathien chun a tih.

AMOS 5:27

Chuleiin, Damaska khaw khêltieng salah infetir ka ti cheu,” Lalpa, a hming sipaihai Pathien chun a tih.

AMOS 8:10

In ruoiṭhehai chu lungngainaa le in hlahai po po chu ṭapnaah inchangtir ka tih; kâwng po po chu saiip puon indierkeitir ka ta, lu tin sîpa chun kâwkna hung intlungtir ka tih; chun, naupa khât nei sun ta dinga lungngaina ang le, a tâwpna chu khâkna ni angin siem ka tih.

AMOS 8:3

Lalpa Pathien chun, “Chu nia chun biekin hlahai chu khêk rak rak ni tâng a ta, mithi ruong tam a ta, hmun tinah to zingin peihâwn an tih,” a ta.

MIKA 1:8

Hi hi lei hin ṭap ka ta, khêk rak rak ka ta, ke lâwng le saruokin invâk ka ta, sihalhai angin khêk ka ta, varîngseihai angin inrûm ka tih.

MIKA 2:4

Chu nia chun nangni demin tekhithu hril an ta, ṭap hla lungriemithlâk umtaka inzâwtin, “Rawk vawngin ei um ta a nih, ka mihai chan a sukdanglam a, ka kuoma inthawkin a tâwl hmang tah a ni hi! Hel hmanghai kuomah ei lo a sem dar tah a ni hi,” tîng an tih.

THUPUONGSUO 18:10

sawisakna ṭi leia hlataka ngîrin, Babulon khaw ropui, khaw det chu a chung a rik, a chung a rik! Dârkâr khat chauah i chungah rorêlna chu a hung tlung ta si,” an ti a.

THUPUONGSUO 18:19

Chun, ṭap le lungngai pumin, A chung a rik ie, a chung a rik ie! “A neinungna leia tuipuia lawng neituhai po po an hung hausakna khaw ropui chu, dârkâr khat sung chaua inram a hung ni ta hi!” tia khêkin an luah pilvut an the a.