AMOS 5:15 - Pathien Lekhabu Inthieng (BSI)

¹⁵ Suolna chu theida unla, ṭhatna ngaina unla, kawtkhâra rorêlna chu inngîr nghet ro; Josefhai laia hlabîkhai chunga chun Lalpa, sipaihai Pathien chun lunginsietna a nei el rawi mawh.

AMOS 5:15 ပူးပေါင်းရင်းမြစ်များ

2 SAMUEL 16:12

Lalpa chun ka rimsikzie hi hung hmûng a ta. Lalpa chun vawisûna hienga ṭawngsie a mîn phur hi a ṭha tiengin a mi hung thung el khawm a ni thei a nih,” a ta.

1 LALHAI 20:31

Chun, a rawihai chun a kuomah, “Ngai ta, Israel sûng kuohai laia lalhai hi mi lunginsietthei tak an nih ti thu kan hriet a, saiip puon bilin, ei lua hin hruia inkhitin Israel lal kuomah mi vân fetir raw khai; ama chun a hla nuom khiet rawi che mawh,” an ta.

2 LALHAI 13:7

Jehoahaz chu a mihai laia sakawr chung chuong mi sâwmnga le tawlailîr sâwm le, sipai sîng khat ti naw chu nei a phalpêk si naw a, Suria lal chun a sukbohmang vawng a, pilvut childip ang elin a siem a nih.

2 LALHAI 15:29

Israel lal Peka inlal laiin Assuria lal Tiglath-pileser chun Ijon khuo dâm, Abel-beth-maaka khuo dâm, Janoa khuo dâm, Kedes khuo dâm, Hazor khuo dâm, Gilead le Galili ram dâm, Naphtali ram po po chu a lâk a; chun, Assuria rama chun salah a ṭhuoi a.

2 LALHAI 19:4

A pu Assuria lalin Pathien hring hming hrilse dinga a tir Rabsake thuhrilhai po po chu, Lalpa i Pathien chun hrieng a ta, a thuhril, Lalpa i Pathienin a thu hriet chu a la kâwk rawi mawh; chu chu lei chun a la um sunhai chu ṭawngṭaipêk rawh,’ a ti che,” an ta.

INPÂKNA HLABU 119:104

I thununna thuhai leiin hrietthiemna ka nei hlak, Chuleiin, um dân indik naw tinrêng hi ka theida a nih.

INPÂKNA HLABU 34:14

Suol chu fe san la, thil ṭha thaw rawh; Inremna zawng la, a hnawtin hnawt rawh.

INPÂKNA HLABU 36:4

A khumlaizâwla chun thilsuol a ngaituo hlak a, Lampui ṭha nawa chun a fe hrâm hrâm a, Suolna chu a tirdak nawh.

INPÂKNA HLABU 37:27

Suol fe san la, thil ṭha thaw rawh, Chuongchun, kumkhuoin chêng zing rawh.

INPÂKNA HLABU 80:1

Aw Israelhai vêngtu, Berâm pâwl anga Josefhai ṭhuoitu, na lo sit raw aw; Nang cherubhai chunga ṭhung chu, hung var suok rawh.

INPÂKNA HLABU 97:10

Aw Lalpa hmangaituhai, suol chu theida ro, Ama chun a mi inthienghai hringna chu a vawng ṭha hlak a; Anni chu mi rilohai kuta inthawkin a sanhim hlak.

FESUOKNA 32:30

A zînga chun Mosie chun mipui kuoma chun, “Thil suol nasatak in thaw ta chu a ni a, chuleiin, Lalpa kuomah tuhin hang fêng ka tih, in suolna ta dingin intlanna ka siem thei tâkduoiin,” a ti a.

JEREMIA 18:8

chu hnam, a chungthu ka hril chu an thil ṭha nawa inthawka an hung kîr chun, thil ṭha naw an chunga thaw dinga ka ngaituo chu la kir ka tih.

JEREMIA 22:3

Lalpa chun hieng hin a tih: Felna le rorêlna chu tirsuok unla, nêksâwrtu kuta inthawk suksieta um chu sansuok ro; thil dik naw chu thaw naw unla, thawluina chu thaw naw unla, hmeithaihai le, mikhuolhai le pa neilohai chunga chun; hi hmuna hin mi thiem thisen chu insuo bawk naw ro.

JEREMIA 31:7

Lalpa chun hieng hin a ti si a; Jakob ta ding chun lâwmin hla sak unla, hnamhai lua um ta ding chun khêk bawk ro, puong dar unla, inpâk unla, “Aw Lalpa, Israel hla bîkhai, i mihai hi sandam rawh,” ti ro.

EZEKIEL 45:9

“Lalpa Pathien chun hieng hin a tih; Aw Israel lalhai, inhuntâwktir ta ro; pâwngnêkna le suksietna chu sie hmang unla, indikna le rorêl fel chîng ta unla; ka mihai hnawt suok hi ma ta ro; Lalpa Pathien chun a tih.

DANIEL 2:49

Chun, Daniel chun lal chu a hni a, ama chun Sadrak hai, Mesak hai, Abednego hai chu Babulon chungchâng thuha hotu dingin a ruot a. Daniel ruok chu lal rorêlna ina chun a um ta lem a.

JOEL 2:14

Lalpa in Pathien kuomah, beiphit inhlân le dâwn ding inhlânahai khawm chun, kîrin lungril inlêtin, malsâwmna mâksanin um naw ni ti tuin am a hriet a?

AMOS 5:10

Kawtkhâra kâwktu chu an theida a, thu fel hriltu chu an tirdak a.

AMOS 5:24

Nisienlakhawm, rorêlnahai chu tuihai angin le felna chu vadungpui angin luong raw se.

AMOS 5:6

Lalpa chu zawng unla hring in tih, chuong naw chun, Josef inah mei angin hung suok a ta, kâng vawng a ta, Bethel khuoah a chun sukrêmtu ding tukhawm um naw ni hai;

AMOS 6:12

Sakawrhai chu lungpui chungah an tlân ding am a nih? Chutaka chun miin sebâwngin hnuoi an inlet ding am a nih? Nangnîn rorêlna chu thina hloa le, felna chu sairam thingah in inchangtir hi;

AMOS 7:3

Hi thuah hin Lalpa chu ân lêt a, Lalpa chun, “Ni nâwk ta naw nih,” a ta.

JONA 1:6

Chuongchun, lawng hotu chu a kuoma chun a hung a, “Aw nang a inpa, iengtizie am a na? Tho la, i Pathien ko rawh, Pathien chun, ei bohmang nawna dingin a mi ngaituo rawi mawh,” a ta.

JONA 3:9

Ei bohmang nawna dingin, Pathien chu ngha kîrin, a lungril inlêtin, a lunginsenna nasataka inthawk chun inlêt naw ni ti tuin am a hriet a?” tiin.

MIKA 2:12

Aw Jakobhai, in rêngin ko khâwm ngei ka ti cheu a; Israel mi la um sunhai chu ṭhuoi khâwm ngei ka tih; Bozra khaw berâm angin sie khâwm ka ta, ran ruol an hlo petna hmuna um angin; mipui an ni lei chun sa mur mur an tih.

MIKA 3:2

Thil ṭha in theida a, thil ṭha naw in ngaituo a, an vun in inhlippêk a, an rua inthawkin taksa chu in sâwkthlâk a,

MIKA 5:3

Chuleiin, nau invawitu chun a nei hmakhat chun anni chu nghatsan a tih: chuongchun, a unau la um sunhai chu Israel thlahai lai chun kîr nâwk an tih.

ZEPHANIA 2:3

Nangni a rorêlnahai anga thawtu, hnuoi chunga zainêm po pohai, Lalpa chu zawng ro; felna chu zawng unla, zainêmna chu zawng ro; Lalpa lunginsenna nia chun thupa in um theina dingin.

MALAKI 3:18

Chun, hung kîr tâng in ta, Pathien rawng bâwl mi le a bâwl naw mi, thil khawhlo le thil fel chu thlier tâng in tih,” a ta.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 12:9

Hmangaina chu vervêkna ṭhang lovin ni raw se. Suol tieng chu theida unla, ṭha tieng chu pawm tlat ro.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 7:22

Ka lungril takin Pathien dân chungah ka lâwm si hlak a;

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:7

tisa dit zâwng chu Pathien dona a ni si a. Chu chu Pathien dânin a um nghâl si naw a, um khawm a um thei bawk nawh.

3 JOHAN 1:11

Dittak, suol chu inchûk naw la, ṭhat chu inchûk lem rawh. Thil ṭha thawtu chu Pathiena inthawk a na, thil suol thawtu chun Pathien a hmu ngai nawh.