AMOS 5:14 - Pathien Lekhabu Inthieng (BSI)

¹⁴ In hring theina dingin ṭhat nawna zawng lovin, ṭhatna zawng unla; chun, in hril angin, Lalpa sipaihai Pathien chu in kuomah um a tih.

AMOS 5:14 ပူးပေါင်းရင်းမြစ်များ

INṬANNA 39:23

Lalpa chu Josef kuomah a um a, a thilthaw taphawt Lalpa chun ân hlawtlingtir hlak leiin intângna in vêngtu chun a kuta thil um hrim hrim chu ama ngaisak ṭûl a ti ta naw a.

1 CHANCHIN SUINA 28:20

Chun, David chun a naupa Solomon kuoma chun, “Insukhrât la, insukhuoi la, thaw el rawh; ṭi naw la, beidawng bawk naw rawh; Lalpa Pathien, ka Pathien ngei chu i kuomah a um si a; Lalpa ina rawngbâwlna sin po pohai chu zo a ni vawng hmakhat chun inhlawsamtir naw ni che a, nghatsan bawk naw ni che.

2 CHANCHIN SUINA 15:2

Asa chu tuok dingin a va fe suok a, a kuoma chun, “Nangni Asa le Benjamin le Juda ram po pohai, mi lo ngai ta u; a kuoma in um sûng po chun Lalpa chu in kuomah a um a; chun, ama chu in zawng chun in ihmuin um a ta; amiruokchu, ama chu in nghatsan chun nghatsan vêng a ti cheu.

INPÂKNA HLABU 46:11

Sipaihai Lalpa chu ei kuomah a um a, Jakob Pathien chu ei kulbîng insâng a nih.

INPÂKNA HLABU 97:10

Aw Lalpa hmangaituhai, suol chu theida ro, Ama chun a mi inthienghai hringna chu a vawng ṭha hlak a; Anni chu mi rilohai kuta inthawkin a sanhim hlak.

FESUOKNA 3:12

Ama chun, “I kuomah um ngei ngei ka tih, chun, ka tir che a nih ti inchikna chu hi hi nîng a tih: Aiguptaa inthawka Israel mihai i hung ṭhuoi suok pha, hi tlâng chunga hin Pathien rawng la bâwl in tih, ti hi,” a ti a.

THUVARHAI 11:27

Thil ṭha nguntaka zawngtu chun ditsakna a zawng a nih, Pawitâwkna zawngtu chunga ruok chun pawitâwkna chu tlung a tih.

ISAI 55:2

Bu ni si lovah ieng dinga tangka in sêng am a na? Khawp le tlaina ni si lovah ieng dinga in tha in sêng am a na? Ka thu nguntakin ngai unla, thil ṭha chu fa ro, in hringna chu thil thau chun hlim raw se.

ISAI 8:10

Inrâwn khâwm ro, iengkhawm ni hliek naw ni; thu hril ro, puitling chuong bawk naw nih; Pathien ei kuomah a um si a,” tiin.

AMOS 3:3

An inrem chau naw chun mi pahni chu an intlawn ding am a nih?

AMOS 5:6

Lalpa chu zawng unla hring in tih, chuong naw chun, Josef inah mei angin hung suok a ta, kâng vawng a ta, Bethel khuoah a chun sukrêmtu ding tukhawm um naw ni hai;

MIKA 3:11

Chutaka hotuhai chun lâwmman beiseiin ro an rêl a, chutaka thiempuhai chun hlaw beiseiin an inchûktir a, chutaka zâwlneihai chun tangka beiseiin ai an sân a nih: Chuong sa khawm chun, “Lalpa chu eini lai a um naw am a nih? Thil ṭha naw ei chungah hung tlung naw nih,” tiin Lalpa chungah an innghat a nih.

MIKA 6:8

Aw mihriem, a ṭha chu ân entir ta che a nih; Lalpain a phût che chu ieng am a na? Indiktaka thaw le lunginsietna ngainat le i Pathien le thuhnuoirawltaka lêng hmunkhat chu a ni naw am a nih?

ZEPHANIA 2:3

Nangni a rorêlnahai anga thawtu, hnuoi chunga zainêm po pohai, Lalpa chu zawng ro; felna chu zawng unla, zainêmna chu zawng ro; Lalpa lunginsenna nia chun thupa in um theina dingin.

NAMBAR 16:3

Mosie le Aron chu sawisêlin an pungkhâwm a, an kuomah, “In insukngêng êm el, mipuihai chu an inthieng seng si a; Lalpa khawm anni lai a um si a; iengdinga Lalpa mipui pungkhâwmhai chunga hin in insie chunghnung bîk am a na?” an ta.

MATTHAI 1:23

“Ngai ta, nunghâk inthieng chu inrâi a ta, Naupasal nei a ta; A hming dingin Immanuel sak an tih,” tia a hril kha a hung tlung theina dingin chuong po po chu a hung um a nih. (Immanuel chu, “Ei kuomah Pathien a um” tina a nih).

MATTHAI 28:20

thu ka ipêk po po cheu pawm dingin inchûktir ro. Chun, ngai ta u, kei kumkhuoin khawvêl tâwp chen khawmin in kuomah um pei ka tih,” a ta.

MATTHAI 6:33

A ram le a felna chu zawng hmasa lem ro; chuongchun, chuong po po chu a pêk sa ding cheu a nih.

2 TIMOTHE 4:22

Lalpa chu i thlarau kuomah um raw se. Lunginsietna in kuomah um raw se.

JOSUA 1:9

Hrâttak le huoitakin um rawh; ṭi naw la, zâm bawk naw rawh, Lalpa i Pathien chu i fena taphawtah i kuomah a um pei ding annâwm,”tiin, a hril a.