AMOS 4:7 - Pathien Lekhabu Inthieng (BSI)

⁷ “Chun, bu sîk hun ding thla thum a la ni laiin in chunga ruo sûr ding khawm ka chel a, khawpui pakhat chungah kân sûrtir a, khawpui dang chungah kân sûrtir naw a; hmun khat chungah a sûr hlak a, a sûr nawna hmun chu a ṭâwl hlak.

AMOS 4:7 ပူးပေါင်းရင်းမြစ်များ

FESUOKNA 10:22

Chun, Mosie chun vân tieng a bân a phar a; chuongchun, ni thum sûng chu Aigupta ram sûng po poa chun inthim sa mup el chu a um ta a;

FESUOKNA 10:23

chu ni thum sûng chun tukhawm an hmuna inthawkin an suok naw a, inhmu khawm an inhmutuo thei bawk nawh; Israel mihai umnahaia ruok chun var an nei seng a.

FESUOKNA 8:22

Chu ni chun ka mihai umna Gosen ram chu suktum ka ta, tho ruol hrim um der naw ni hai, hnuoi chunga hin kei Lalpa ka nih ti i hriet theina dingin.

FESUOKNA 9:26

Israel mihai chêngna Gosen rama bak chun riel chu a tla ve naw a.

FESUOKNA 9:4

Chun, Lalpa chun, Aigupta mihai le Israelhai ran ruolhai thlier a ta, Israelhai ta taphawt chu iengkhawm thi naw tawp an tih, a tih,’ tiin hril rawh,” a ti a.

ISAI 5:6

Sukrêm vawng ka ta; sâtderin um naw ni a, cho phitin um bawk naw nih; buor le hlohlingneihai mâwng lem a tih; sûmhai khawm a chungah ruo hrim hrim insûrtir lo dingin thu pe bawk ka tih.

JEREMIA 14:22

Khawhri be mihai teplohai lai chun ruo insûrtir thei hrim an um am? Annawleh, vânhai chun ruohai chu a pêk thei am a nih? Aw Lalpa kan Pathien, nang chu ama chu i ni a ni naw maw? Chuleiin, nangma chu nghâk zing kan ti che, hieng thilhai po po hi i siem si a.

JEREMIA 14:3

A miṭhahai chun an nauhai chu tui chawi dingin an tir a, khurahai chun an hung a, tui hlak an hmu naw a; an tuitheihai chu a ruokin an kîr a, an inzakin an buoi a, an luhai chu an inkhum a.

JEREMIA 14:4

Rama chun ruotui a um si naw a, leihnuoi beidawngumtak lei chun hnuoi inlettuhai chu an inzak a, an luhai an khum a.

JEREMIA 3:3

Chuleiin, raw sûrhai chu cheltâng an na, ruo nuhnung tieng chu a um ta naw a nih; Chuongsa khawm chun nawchizawr hmâichang i put a, inzak i tum dêr si naw a.

JOEL 2:23

Nangni Zion nauhai, lâwm ro, Lalpa in Pathiena chun hlim ro; ruo hmasa chu inkhi chiein a pêk si cheu a, in ta dingin ruo ân sûrtir a, thla khatnaa ruo hmasa le ruo nuhnung chu.

ZEKARIA 14:17

Chun, leihnuoia hnamhai po po tukhawm Laltak, sipaihai Lalpa chu be dinga Jerusalema hang fe nawhai chunga chun ruo sûr naw ni.

JOHAN 4:35

Nangnîn, ‘Bu sîkna ding thla li a la um,’ in ti a ni naw am a ni? Ngai ro, ka hril cheu hi, dâk unla, lohai en ro, tuta inthawkin sîk dingin a hmin a nih.

1 KORINTH 4:7

Nang tûin am a sukdanglam chuong che a? Dawng naw chu ieng am i nei leh? I dawng a ni si chun iengdinga i dawng ni lo anga i uongpui am a na?

DÂN PAHNINA 11:17

chuong a ni chun Lalpa lung chu in chungah hung inthawk a ta, vân chu khâr a ta, ruo sûr naw ni a; hnuoi chun a ra insuo naw ni a, chuongchun, Lalpa pêk cheu, ram ṭhataka inthawk hi bohmang vak el in tih.

JAKOB 5:17

Mi fel ṭawngṭaina chun thil nasatak a thaw hlak. Elija chu eini mizie ang nei mihriem bawk a ni a, ama chun ruo sûr nâwna dingin ṭhahnemngaitakin a ṭawngṭai a; chun, kum thum le thla ruk sûng po chu, hnuoi chungah ruo a sûr ta naw a.

THUPUONGSUO 11:6

Chuonghai chun an thu hril sûng po ruo sûr naw dinga vân sukping theina an nei a; an nuom pha phaa thisena inchangtir dingin tuihai chungah thu an nei a, khawvêl hi hremna tinrênga hrem dingin thu an nei bawk a.