AMOS 4:4 - Pathien Lekhabu Inthieng (BSI)

⁴ “Bethela chun hung unla, bawse ro, Gilgala chun hung unla, bawsietna chu sukpung ro; chun, in inthâwinahai chu tûk tin hung la unla, in sâwma pakhathai chu ni thum dan peiah hung la ro,

AMOS 4:4 ပူးပေါင်းရင်းမြစ်များ

THUHRILTU 11:9

Aw tlangvâl, i tlangvâlnaa chun hlim rawh; i vânglai nihaia chun i lungril chu hlim sienla, i lungril lampui chu hraw la, i mithmu ngeia chun; amiruokchu, hieng thil po poa ding hin Pathien chun rorêlnaah a ṭhuoilût ding che a nih ti hre rawh.

EZEKIEL 20:39

Nangni ta ding chun, Aw Israel sûngkuo, Lalpa Pathien chun hieng hin a tih: Fe unla, ka thu in ngai si naw ding chun mi tinin tuhin le hi hnunga khawm, a milimhai rawng chu va bâwl el raw se chu; amiruokchu, ka hming inthieng chu in thilpêkhai le in milimhai chun sukhmingsie ngai ta naw ti niu.

HOSEA 12:11

Gilead chu rîtlona a ni naw am a nih? Teplo el an ni annâwm; Gilgala chun bâwngchal an inhlân hlak a. Anih, an maichâmhai chu leilet changkuonga Lung dêng khâwm ang el an nih.

HOSEA 4:15

Israel, nang chun nawchizawr chîng la khawm, Juda chu tlu ve lul naw raw se. Gilgala chun hung naw unla, Beth-avena khawm hang fe naw ro; “Lalpa a hring zing angin” tiin inkhâm bawk naw ro.

HOSEA 9:15

An rîtlona po po chu Gilgal khuoah a um a; Chutaka chun anni chu ka theida si a. An thilthaw rîtlona lei chun ka ina inthawkin hnawt suok ka tih; Annirawi hi hmangai ta naw ning; An hotuhai po po chu hel hmang an ni si a.

AMOS 3:14

“Israel bawsietnahai chu ama chunga ka hrem chun, chu nia chun Bethel khuoa maichâmhai kihai chu tanbawng an ta, hnuoiah tlâng an tih.

AMOS 5:5

nisienlakhawm, Bethel khuo chu zawng naw unla, Gilgala chun lût naw bawk unla. Beer-seba khuoah kai bawk naw ro; Gilgal khuo chu matheilovin sala manin a um ding a ni si a; Bethel khuo chu teplo hung nîng a tih.”

MATTHAI 23:32

In puhai inkhîna chu suksip nghâl nghâl ro.

MATTHAI 26:45

Chu zoa chun, inchûktirhai kuomah a hung nâwk a, an kuomah, “Tuhin chu in unla châwl ta ro! Ngai ta u; a hun chu a hung tlung ta a, Mihriem Naupa hi mi suolhai kutah an inmantir ding a ni hi.

MARKA 14:41

Chun, a hung a, a vawi thumnaa chun an kuomah, “Tuhin chu in unla châwl ta ro, a hun tâwk tah! a hun chu a tlung a ni ta hi! Ngai ta u, Mihriem Naupa hi mi suolhai kutah an inmantir ding a ni hi.

MARKA 5:5

A sûn a zânin thlânahai le tlângahai chun a khêk hlak a, lung dâm khawmin ân ât rawp hlak a.

DÂN PAHNINA 26:12

“Kum thum kuma sâwmapakhat pêk kuma in thil rasuok po po sâwmapakhat in pêk zo chun, Levi mihai dâm, ram dang mihai dâm, pa neinawhai, hmeithaihaiin in umnaa chun an fâk a, an lo khawsak thei vena dingin in pêk ding a nih.