AMOS 3:6 - Pathien Lekhabu Inthieng (BSI)

⁶ Khawpuiah tawtawrâwt an mûtin, mi ṭi lovin an um hlak am a nih? Lalpa thaw lo chun khawpuia chun sietna a tlung thei ding am a nih?

AMOS 3:6 ပူးပေါင်းရင်းမြစ်များ

INṬANNA 50:20

Nangni chun ka chungah thil suol thaw in lungril a; nisienlakhawm, Pathien chun, vawisûna an um ang ngei hin, mi tamtak dama sanhimna dingin thil ṭhaa inchangtir a lo lungril lem a ni si a.

2 LALHAI 6:33

Chun, chuonga anni a la biek lai mêk chun ngai ta, a mi tir chu a hung tlung thla ta a; chun, laltak chun, “Ngai ta, hi thil ṭha naw hi, Lalpa hung tir a ni hi, Lalpa chu iengdingin am la nghâk ta rawp ka ti a?” a ta.

ISAI 45:7

Var ka siem hlak a, inthim khawm ka siem hlak a nih; inremna ka siem hlak a, intheidana khawm ka siem hlak; kei hi Lalpa, chuong thilhai po po thaw hlaktu chu ka nih,” tiin.

JEREMIA 10:7

Aw hnamhai Laltak, tuin am ṭi nâwng an ti che a? Nang chun i phu hrim si a, hnamhai laia mi var po po lai le, an lalram sûngahai chun, nanga ang hrim tukhawm an um nawh.

JEREMIA 4:19

Ka phîng, ka phîng! ka lungah a na; ka lung chu a to ṭawk ṭawk naw tawp a; ka to ṭawk ṭawk thei nawh; indona inṭhi lâwkna tawtawrâwt ri chu, aw ka thla, i lo hriet ta leiin.

JEREMIA 4:5

Juda rama chun hrilfie unla, Jerusalema chun puong ro, “Rama chun tawtawrâwt chu mût unla, khêk inring unla, hieng hin ti ro: Hung inkhâwm tâwl unla, khawpui kulneiahai chun fêng ei tiu,” tiin.

JEREMIA 5:22

Kei chu in mi ṭi naw maw? Lalpa chun a tih; Ka hmaah in inthin naw ding maw? Kumkhaw thupêk anga a liem thei nawna dinga tuipui ramri dinga ṭieupho, kumkhuoa a kân ngai lo ding chu ka sie a.Tuifâwn chu hung invawr sien khawm, luongliem thei naw nih. Hung inrûm thla hum hum sien khawm a kuong chu luongliem bawk naw nih.

JEREMIA 6:1

Nangni Benjamin thlahai, Jerusalem sûnga inthawk chun himna dingin tlânhmang ro; Tekoaa chun tawtawrâwt mût unla, Beth-hake-rema chun inchikna chu khai unla; thil ṭha naw chu, bohmangna le chun, hmâr tienga inthawk chun a hung dâk si a.

EZEKIEL 33:3

ram chunga chun kâwlhnâm chu a hung tlung phaa a lo hmu chun tawtawrâwt mût sienla, mipuihai chu vaulâwk raw se;

HOSEA 5:8

Gibea khuoa chun tawtawrâwt mût unla, Rama khuoa chun tawtawrâwt mût ro; Beth-avena chun khêk rak rak unla, Aw Benjamin, i hnung tieng kha!

AMOS 3:5

A ta dinga tawktar a um naw chun vate chu hnuoia châng chun a âwk hlak am a nih? Châng chu iengkhawm âwk lovin hnuoia inthawk chun ân chim hlak am a nih?

ZEPHANIA 1:16

in insâng kilkhâwr takhai chunga le khawpui kul neihai chunga suklâuna le tawtawrâwt mût ni chu a nih.

ZEKARIA 8:10

Khâng nihaia khan chu mihriem ta dingin inhlawfâkna a um naw a, ran ta ding khawma inhlawfâkna hrim a um naw a; hmêlma leiin mi a lût le suok ta ding khawma muongna hrim a um nawh: mi po po mâni tuolbâwmhai kalin ka sie si a.

THILTHAWHAI 2:23

Nangni ngeiin in hriet ang khan; kha mipa kha Pathien rêl tlat le hriet lâwk angin an inmantir a, nangnîn mi suolhai kutin krawsah in hemde a, in sukhlum ta a.

THILTHAWHAI 4:28

i kut le i lungrilin tlung dinga i ruot lâwk taphawthai kha thaw dingin.

2 KORINTH 5:11

Chuongchun, Lalpa ṭina châng hrein, mihriemhai chu kan thlêm hlak a, Pathien kuoma ruok chun inlangtirin kan um a; nangni sie le ṭha hrietnaa khawm inlangtira kan um ka beisei.