AMOS 3:11 - Pathien Lekhabu Inthieng (BSI)

¹¹ Chuleiin, Lalpa Pathien chun hieng ang hin a tih, “Ram vêla khawm chun hmêlma um an ta, chun, i hrâtna chu i kuoma inthawk chun la hmang a ta, i lal inhai la suksieng a tih,” tiin.

AMOS 3:11 ပူးပေါင်းရင်းမြစ်များ

INṬANNA 34:27

Jakob naupasalhai chun an mi thathai chu an va nangchîng a, an farnu an sukkhawhlo pêk leiin khuo chu an rawk ta a.

2 LALHAI 15:19

Assuria lal Pula chun an ram chu a hung thaw a; ram chu a nei nghetpui theina dingin Menahem chun Pula chu tangka talent sâng a pêk a.

2 LALHAI 15:29

Israel lal Peka inlal laiin Assuria lal Tiglath-pileser chun Ijon khuo dâm, Abel-beth-maaka khuo dâm, Janoa khuo dâm, Kedes khuo dâm, Hazor khuo dâm, Gilead le Galili ram dâm, Naphtali ram po po chu a lâk a; chun, Assuria rama chun salah a ṭhuoi a.

2 CHANCHIN SUINA 36:19

Chun, Pathien in chu an raw a, Jerusalem kul chu an vuokchim a, chutaka a lal inhai po po chu meiin an raw a, chutaka bûr le bêl ṭhahai po po chu an suksiet bawk a.

JOB LEKHABU (THE BOOK OF JOB) 20:21

A fâk zo naw dinga hla hrim thil a um naw a, Chuleiin, a hausakna chun dai sâwt naw nih.

AMOS 2:5

an pahai chîng hlak khêlhrilhai khan anni chu a ṭhuoi hmang leiin; chuleiin, Juda chunga chun mei tir ka ta, Jerusalem khaw lal inhai chu kâng vawng a tih,” tiin.

AMOS 3:10

An lal inahai pâwngnêkna le suomhmangna siekhâwmtuhai chun sukdik dân an thiem si nawh,” Lalpain a ti a.

AMOS 3:15

Chun, thlasik in le nipui in vaw sieng ka ta, saiha inhai chu bohmang a tih, in ropuihai chun tâwpna nei an tih,” Lalpa chun a tih.

AMOS 6:14

“En ta u, Aw Israel sûngkuohai, nangni hi do dingin hnam hung inngîrsuotir ka ta, chun, Hamath khaw kawtsuoa inthawkin Araba vadung chenin suknawmnâng an ti cheu,” Lalpa, sipaihai Pathien chun a ti si a.

AMOS 6:8

Lalpa, sipaihai Pathien chun, Lalpa Pathien chun ama le ama insâlin ṭawng ân khâm a: “Jakob chapona chu ka tirdak a, a lal inhai ka theida a; chuleiin, khuo le a sûnga um po pohai chu kân mantir ding a nih,” tiin.