AMOS 2:9 - Pathien Lekhabu Inthieng (BSI)

⁹ “Nisienlakhawm, anni hmaah Amor mihai sidar thing anga insâng le thingsaisuo anga hrât khawm kha ka sukbohmang ta a; a chungtienga a ra le, a hnuoitienga a zung khawm ka sukbo a.

AMOS 2:9 ပူးပေါင်းရင်းမြစ်များ

INṬANNA 15:16

Chun, suon linaa chun hitaka hin hung kîr nâwk an tih, Amorhai suolnahai hi a la kim hri si nawh,” a ta.

1 CHANCHIN SUINA 1:14

Chun, Jebus mihai, Amor mihai, Girgas mihai;

JOB LEKHABU (THE BOOK OF JOB) 18:16

A hnuoi tiengah a zunghai chu ṭâwl a ta, A chungtieng chun a kau chu vuoi bawk a tih.

FESUOKNA 3:8

chuleiin, Aigupta mihai kuta inthawka anni sansuok ding le, chu rama inthawka, Kanaan mihai, Hit mihai, Amor mihai, Periz mihai, Hiv mihai le Jebus mihai hmun, ram lien le ram ṭha, khuoizu le nenetui luong rama ṭhuoi lût dinga hung thla ka nih.

FESUOKNA 34:11

“Vawisûn thu ka pêk che hi zâwm rawh. Ngai rawh, Amor mihai, Kanaan mihai, Hit mihai, Periz mihai, Hiv mihai le Jebus mihai chu i hmaa inthawkin ka hnawt suok ding a nih.

ISAI 10:33

Ngai ta, Lalpa, Sipaihai Lalpa chun, thil râpthlâktakin a kâuhai chu sât thlâng a ta, insângtak takhai chu phûrin um a tih, a dâwk bîkhai khawm chu râwt hnuoiin um a tih.

ISAI 5:24

Chuleiin, meichawkin bupâwl a liek hmang duok duok hlak ang le, hlohna ṭâwl chu meichawka a tlu zawt zawt angin an zung chu hmawnna angin um a ta, an pâr chu pilvut angin intung lui lui a tih; sipaihai Lalpa dân chu an dit naw a, Israelhai Mi Inthieng thu chu an ngainêp leiin.

EZEKIEL 17:9

Hril rawh, Lalpa Pathien chun hieng hin a ti a nih; a puitling ding am a nih? A hna inder tharhai po po chu a vuoi theina dingin a zunghai chu a phâwi dawkin, a rahai chu a sât thlâk naw ding am a nih? A zunghaia phâwi dawktu ding mi tam rak le thilthawtheina nasatak khawm ngai chuong naw nih.

MALAKI 4:1

Sipaihai Lalpa chun a tih, “Ngai ta u, ni chu a hung tlung a, rawtuina thuk angin a chawk si a; chapotaka thawtuhai po po le, khawhlotaka thawtuhai po po chu pâwl kûng el nîng an ta: chu ni hung tlung chun anni chu kâng hmang a tih, a zung amanih, a kau amani khawm mâksanpêk dêr lovin.

NAMBAR 32:13

Chun, Israelhai chunga chun Lalpa lung chu a chawk a, Lalpa mithmua thil ṭha naw thawtu suon po po chu an bohmang vawng hmakhat chun thlalêrah kum sâwmli ân vâkvaitir a.

DÂN PAHNINA 1:28

Iengdingin am chu chun hang fêng ei ta? Ei unauhai chun, Mihriem chu eini nêkin an lien a, an insâng lem bawk a; khuohai chu a lien tâwl hle a, vân tawngin kulhai a nei a; chun, Anakim thlahai khawm chu kan hang hmu bawk a, tiin kan lungril an sukzawp a,’ in ti a.

DÂN PAHNINA 3:11

(Basan lal Og chau a nih, Repha mihai laia la um sun chu; a khum chu thîr a na, Ammon thlahai khuo Rabaa chun a la um zing a ni naw am a nih? Mihriem tawnga inkhiin a dungtieng tawng kuo, a khangtieng tawng li a nih.)

JOSUA 10:12

Chuongchun, Lalpain Amor mihai chu Israelhai kuta a pêk ni chun Josua chun Lalpa kuomah thu a hril a, Israel mihai mithmua chun, “Nisa, Gibeon chungah ngîr zing rawh. Nang khawm, thlapa, Aijalon ruoma hin um zing rawh”, a ta

JOSUA 3:10

Josua chun, “Hitaka hin Pathien hring chu nangni lai a um a, in hmaa hin Kanaan mihai, Hit mihai,Hiv mihai, Periz mihai, Girgas mihai, Amor mihai, Jebus mihai hi a hnawt suok ngei ngei ding a nih ti hre ngei in tih.