5 an pahai chîng hlak khêlhrilhai khan anni chu a ṭhuoi hmang leiin; chuleiin, Juda chunga chun mei tir ka ta, Jerusalem khaw lal inhai chu kâng vawng a tih,” tiin.
Amiruokchu, châwlni chu insera, châwlnia Jerusalem dâi kawtkhârhaia phur phura lût lo dinga ka thu in ngai naw chun, chutaka dâi kawtkhâra chun mei sêm ka ta, Jerusalem in ropuihai chu kânghmang a ta, sukmit ni ngai hrim hrim naw ni.
Thil ṭha tiengah ni lovin, thil ṭha naw tiengah hi khawpui chunga hin ka hmai kân nghat ta si a, Lalpa chun a tih: Babulon lal kuta pêk nîng a ta, ama chun meiin râwng a tih.
Israel chun a siemtu a theinghil a, In ropuihai a bâwl a; Juda chun khawpui kul neihai a sukpung a; Nisienlakhawm, a khawpuihaia chun mei tir ka ta, A in ropuihai chu kâng zo a tih.
Chuleiin, Lalpa Pathien chun hieng ang hin a tih, “Ram vêla khawm chun hmêlma um an ta, chun, i hrâtna chu i kuoma inthawk chun la hmang a ta, i lal inhai la suksieng a tih,” tiin.
Hieng ang hin Lalpa Pathien chun a mîn entir a; chun, en ta u, Lalpa Pathien chun meia do dingin a ko a; mei chun tui inthûk lien chu a kâng vawng a; ram khawm chu a kâng zo mêk bawk a.