AMOS 1:9 - Pathien Lekhabu Inthieng (BSI)

⁹ Lalpain hieng ang hin a tih. “Tura khaw bawsietna pathum leiin, anih, pali leiin, a hremna sukbo naw ning; Edom mi kuomah mi po po chu a pêk a, unau thuthlung chu an hriet zing naw leiin;

AMOS 1:9 ပူးပေါင်းရင်းမြစ်များ

2 SAMUEL 5:11

Chun, Tura lal Hiram chun David kuomah mi a tir a, sidar thinghai a thawn a, themthiemhai le lung suttuhai a tir bawk a, David ta ding chun in an bâwlpêk a.

INPÂKNA HLABU 83:7

Gebalhai le Ammonhai le Amalekhai dâm, Philistinhai, Tura khuoa umhai leh.

JEREMIA 25:22

Zidon lalhai po po, Tura lalhai po po, tuisuoriet khêla thlierkâra lalhai po po leh;

JEREMIA 47:4

ṭhangpuitu la um taphawthai chu Tura le Zidona inthawka sât thlâk dingin, Philistin mihai po po suksietna dinga ni hung tlung chu a ni leiin, Kaphtor thlierkâra la umsunhai, Philistin mihai chu Lalpa chun a sukbohmang ding a ni si a.

EZEKIEL 27:1

Lalpa thu chu ka kuomah a hung tlung nâwk a;

EZEKIEL 27:27

I hausaknahai, i thuomhnawhai, i dâwrsumhai, i lawngpuhai, I ṭhuoituhai, i lawng remtuhai, i dâwrsum thleng vêltuhai, I indo mihai i sûnga um po pohai, I sûnga i pâwlhai um po pohai le chun, I sietna nia chun tuipui lairila chun tlâng in tih.

EZEKIEL 28:1

Lalpa thu chu ka kuomah a hung tlung nâwk a;

EZEKIEL 28:18

I sumdâwngnaa fel nâwnaa suolna tam leiin, I hmun inthienghai chu i lo sukpawrche ta a; Chuleiin, i sûnga inthawk mei ka hung lâk suok a, A kâng hmang che a, hnuoia pilvutah kân changtir che a, Nangma entuhai po po che mithmua chun,

AMOS 1:11

Lalpain hieng ang hin a tih, “Edom bawsietna pathum leiin, anih, pali leiin, a hremna sukbo naw ning; a unau chu kâwlhnâm leh a hnawt a, a lunginsietna po po a peihâwn vawng a, a lunginsenna chu ân puokdartir rawp hlak a, kumkhuoin a lunginsenna chu a vawng zing leiin;

AMOS 1:6

Lalpa chun hieng ang hin a tih, “Gaza khaw bawsietna pathum leiin, anih, pali leiin, a hremna sukbo naw ning; Edom mi kuoma pêk dingin mi po po sala an ṭhuoi leiin;

OBADIA 1:11

Khingtienga i ngîr nia, mikhuolhaiin a sum an lâk hmang nia, hnam dang mihai a kul kawtkhâra an hung lûta, Jerusalem chunga ai an sân lai khan nang khawm anni laia ṭhang angin i um kha.

ZEKARIA 9:1

Hadrak ram chunga Lalpa thu phurrik chu, Damaska chu ân nghatna hmun nîng a tih; mihriem le Israel hnam po po mit chu Lalpa tieng a ngha ta si a;

MATTHAI 11:21

“Korazin, i chung a rik! Bethsaida, i chung a rik! Nangnia thilmak thawa umhai kha, Tura le Sidona thaw ni sienla, saiip puon sila vut laia ṭhungin um tâng an tih.

MATTHAI 11:22

Nisienlakhawm, ka ti cheu hi ngaituo nia chun nangni tuor nêkin Tura le Sidon tuor chu a dân um lem a tih.

LUKA 10:13

“Korazin i chung a rik! Bethsaida, i chung a rik! Nangnia thil maktak thawa umhai kha Tura le Sidona thaw ni sienla, saiip puon sila vut laia ṭhungin sim dai tâng an tih.

LUKA 10:14

Nisienlakhawm, ngaituo nia chun nangni tuor nêk chun Tura le Sidon tuor ding chu a zie um lem a tih.