AMOS 1:11 - Pathien Lekhabu Inthieng (BSI)

¹¹ Lalpain hieng ang hin a tih, “Edom bawsietna pathum leiin, anih, pali leiin, a hremna sukbo naw ning; a unau chu kâwlhnâm leh a hnawt a, a lunginsietna po po a peihâwn vawng a, a lunginsenna chu ân puokdartir rawp hlak a, kumkhuoin a lunginsenna chu a vawng zing leiin;

AMOS 1:11 ပူးပေါင်းရင်းမြစ်များ

2 CHANCHIN SUINA 20:10

Tuhin, ngai ta, Ammon le Moab mihai le Seir tlâng Aigupta rama inthawka an hung suok laia nangin Israel mihai inrûntir lo le, insuksiettir lo a i în umtirhai khan,

2 CHANCHIN SUINA 20:11

ngai ta, nangin hluo dinga i mi pêk, i chana inthawka hunga mi hnawt suok dinga an mi hung thawzie hi lo hre la.

2 CHANCHIN SUINA 28:17

Edom mihai chu an hung nâwk a, Juda ram chu an hung rûn a, salah an ṭhuoi tâwl si a.

INPÂKNA HLABU 137:7

Aw Lalpa, Jerusalem ni chu Edom thlahai chungah a se tiengin hre zing rawh: “A lungphûm chen khawmin, Sukchim ro, sukchim ro,” tituhai kha.

INPÂKNA HLABU 85:5

Kan chungah i lunginsen kumkhuo ding am a nih? I lunginsen chu suon po po chenin în langtir pei ding am a nih?

THUHRILTU 7:9

Lunginsen dingin i lungrilah inhmaw naw rawh, Lunginsenna chu mi invêthai ângsûnga um a ni si a.

ISAI 57:16

Kumkhuoin ka do âwm si naw a, lunginsen rawp bawk naw ning ah; chuong naw chun, mi lungril ka hmaah châu a ta, hringna ka siemhai khawm chu châu bawk an tih.

HOSEA 8:3

Israelhai chun thil ṭha chu an hnâwl a; Hmêlma chun anni hnawt a tih.

JOEL 3:19

Juda nauhai chunga nunsetaka thawa, an ramah mi thiem thisen an insuo leiin Aigupta ram chu bo a ta, Edom ram chu thlalêr ram ṭâwl nîng a tih.

MIKA 7:18

Nang anga khawhlona ngaidamtu le a rochan la um sun bawsietna fekhêltu Pathien tu am an um a?A lunginsenna chu kumkhuoin a vawng zing nawh, lunginsietnaa chun a lâwm êm êm hlak leiin.

ZEKARIA 1:15

Chuongchun, hnam nuomsaa umhai chunga chun ka lungni naw êm êm a; lungni naw dep chu ka ni de a, anni chun sukrinumna chu an sukzuol pei si a, tiin,’ a ta.

MALAKI 1:2

Lalpa chun, “Ka hmangai cheu a, nangni ruok chun, ‘Khaw lai am i mi hmangai a?’ in la ti rawp a,” a ta. Lalpa chun, “Esau chu Jakob unaupa a ni naw am a nih? Jakob chu ka hmangai a,

MALAKI 1:4

Edom mihai chun, “Hnein ei um ta ngeia chu, kîr nâwk ei ta, hmun se tahai chu siem ṭhâng ei tih,” ti hai sien khawm; sipaihai Lalpa chun hieng hin a tih, “Bâwl an ta chu, kei thlûng ka tih: chun, mihai chun anni chu, ‘Khawhlona ram le, kumkhuoa an chunga Lalpa lunginsenna zing zing hnam,’ tîng an tih.

EPHESI 5:1

Chuongchun, a nau dittakhai angin Pathien umdân latuhai ni ro.

DÂN PAHNINA 23:7

“Edom mihai chu in thîm ding a ni nawh, in unauhai an ni si a; Aigupta mihai chu in thîm ding a ni nawh, an rama chun in va mikhuol ta leiin.