AMOS 1:1 - Pathien Lekhabu Inthieng (BSI)

¹ Juda lal Uzzia inlal lai le Israel lal Joas naupa Jeroboam inlal laia, simkhawleihnuoi inhnîng hma kum hnia, Tekoa ran ruol vêngtuhai laia mi Amos thu Israel chungchâng thu a hmu chu.

AMOS 1:1 ပူးပေါင်းရင်းမြစ်များ

2 SAMUEL 14:2

Chuongchun, Joab chun Tekoa khuoah mi a tir a, chutaka nuhmei var pakhat chu a vân ṭhuoitir a, a kuomah, “Lusûn angin insiem la, lusûnna puon sil la, sahriek khawm innâl lovin, nuhmei sâwttak mithi sûn ta angin um rawh;

1 LALHAI 19:19

Chuongchun, chutaka inthawk chun a suok ta a, Saphat naupa Elisa chu a va hmusuok a, ama chun hnuoi a lo inlet a, a hmaa chun sebâwng tuok sâwm le tuok hni a um a, a sâwm le pahnina chu ama chun a lo khal a; chun, Elija chun a va pan a, a puon chu a vân bâttir a.

2 LALHAI 14:21

Chun, Juda mi po pohaiin kum sâwm le kum ruk mi Azaria chu an ṭhuoi a, a pa Amazia aiah lalin an siem ta a.

2 LALHAI 14:23

Juda lal Joas naupa Amazia kum sâwm le kum nga ân lal kum chun Israel lal Joas naupa Jeroboam chu Samari khuoah ân lal ṭan a, kum sâwmli le kum khat ân lal a.

2 CHANCHIN SUINA 11:6

Bethlehem dâm, Etam dâm, Tekoa dâm,

2 CHANCHIN SUINA 20:20

Chun, zîngkâr inhmatakin an tho a, Tekoa thlalêra chun an hang fe a, chun, chuonga an fe suok lai chun Jehosaphat chu a ngîr a, “Aw Juda le Jerusalema chêngtuhai, mi lo ngai ta u; Lalpa in Pathien chu ring unla, chuongchun, sukdetin um in tih; a zâwlneihai chu ring unla, chuongchun, hlawtling in tih,” a ta.

FESUOKNA 3:1

Mosie chun a tarpupa Jethro, Midian mihai thiempupa berâm ruol chu a enkawl a: chun, berâm ruol chu thlalêr tlâktieng pangah a ṭhuoi a, Pathien tlâng Horeba chun a hung a.

ISAI 1:1

Amoz naupa Isaiin Judahai lal Uzzia, Jotham, Ahaz le Hezekia hai inlal laia Judahai le Jerusalem chungchâng thua inlârna a hmu chu.

JEREMIA 1:1

Benjamin rama Anathotha um thiempuhai laia mi, Hilkia naupa Jeremia thuhai chu.

JEREMIA 28:8

Zâwlnei keia hma le nangma hmaa, kha hmaa lo um tahai khan ram tamtak chunga le, lalram ropuitakhai chunga le, indo thu dâm, thil ṭha naw thu dâm, hripui thu dâm an lo hril hlak a.

JEREMIA 6:1

Nangni Benjamin thlahai, Jerusalem sûnga inthawk chun himna dingin tlânhmang ro; Tekoaa chun tawtawrâwt mût unla, Beth-hake-rema chun inchikna chu khai unla; thil ṭha naw chu, bohmangna le chun, hmâr tienga inthawk chun a hung dâk si a.

JEREMIA 7:27

Chun, hieng thuhai po po hi an kuoma chun i hril ding a nih; amiruokchu, i thu chu ngai naw ni hai; anni chu ko bawk i ta, nisienlakhawm, dawn naw ni hai che.

HOSEA 1:1

Juda lalhai Uzzia, Jotham, Ahaz le Hezekia inlal lai le Israel lal Jeroboam, Joas naupa inlal laia Beeri naupa Hosea kuoma Lalpa thu hung tlung chu.

AMOS 7:14

Chun, Amos chun Amazia kuomah, “Zâwlnei ka ni naw a, zâwlnei naupa khawm ka ni bawk nawh; ran ruol vêngtu le theichang kûng enkawltu ka ni lem a nih;

MIKA 1:1

Juda lal Jotham, Ahaz le Hezekia hai inlal laia Moreseth mi Mika kuoma Lalpa thu hung tlung, Samaria khuo le Jerusalem chungchâng thu a hmu chu.

ZEKARIA 14:5

Chun, ka tlâng kâra ruomah chun tlânsieng in ta; tlâng kâra ruom chun Azel a tlung rak ding a ni si a: anih, Juda lal Uzzia inlal laia simkhawleihnuoi inhnînga in tlânsiet ang khan, tlânsieng in tih; chun, Lalpa ka Pathien chu hung a tih, a kuoma mi inthienghai po po leh.

MATTHAI 4:18

Chun, Galili dil panga a lêng malamin, unau pahni, Simon (Peter an ti chu) a unau Andri leh dila chun lên dêngin a hmu a; nga mantu an ni hrim a.

1 KORINTH 1:27

nisienlakhawm, Pathienin khawvêl thil invêthai chu a thlang lem a, mi varhai chu a sukmuolpho theina dingin;