2 TIMOTHE 4:5 - Pathien Lekhabu Inthieng (BSI)

⁵ Nang ruok chu iengkimah fimkhur la, rinum tuor la, Chanchin Ṭha hriltu tieng sin thaw la, i rawngbâwlna kha hlen rawh.

2 TIMOTHE 4:5 ပူးပေါင်းရင်းမြစ်များ

ISAI 62:6

Aw Jerusalem, i kul chungah râl vêngtuhai kân vêngtir a, asûn azânin ieng tika khawm to naw ni hai; nangni Lalpa hrietpuitua umhai, um ṭawk ṭawk dêr naw ro,

JEREMIA 6:17

nisienlakhawm, “Chu chu hraw naw ning ungah,” an ti a. Chun, in chunga chun vêngtu ka sie a, “Tawtawrâwt ri chu lo ngai ta u,” tiin, nisienlakhawm, anni chun, “Ngai naw ning ungah,” an ti a.

EZEKIEL 3:17

“Mihriem naupa, Israel sûngkuo vêngtu dingin ka siem che a nih: chuleiin, ka baua thu chu ngai la, keimaa inthawkin vaulâwkna chu pe rawh.

EZEKIEL 33:2

“Mihriem naupa, i chipui thlahai kuoma chun thu hril la, an kuomah hieng hin ti rawh: ‘Ram chunga chun kâwlhnâm ka hung intlungtir pha, rama mihai chun anni laia mi an lâk a, an ta dinga vêngtu anga an sie chun;

EZEKIEL 33:7

Chuongchun, nang mihriem naupa, Israel sûngkuo ta ding chun vêngtuah ka sie ta che a nih; chuleiin, ka baua thu chu hre la, anni chu keimaa inthawka vaulâwkna chu pe rawh.

MATTHAI 25:16

Chun, talent nga dawngtu chu chuonghai chun a va sumdâwng nghâl ta a, talent nga dang a sukdawk ta a.

MARKA 13:34

Mîn a in mâksana, a suokhai chu thu inneitira, an sin thaw ding pe seng a, kawtkhâr vêngtu khawm chu inring zinga um ding thu a pêk zet a, ram hlataka inzin ta dai ang a nih.

MARKA 13:37

Chun, in kuoma ka hril hi mi po po kuoma hril ka nih, inring zingin um ro,” a ti ta a.

LUKA 12:37

An pu a hung phaa suok lo nghâk zinga a hmu dinghai chu an hamṭha. Titakzetin ka hril cheu hi, ama chun a dier hung kei a ta, anni chu thlaithlêng awtin inṭhungtir a ta, an rawng hung bâwlpêk a tih.

THILTHAWHAI 21:8

Chun, a zînga chun kan suok a, Kaisari kan tlung a, Chanchin Ṭha hriltu Philip inah kan lût a, ama chu pasari hai lai khan pakhat a na, a kuomah kan châm a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 15:19

inchiknahai, thilmakhai, thilthawtheinaa le Thlarau Inthieng thilthawtheinaa chun a mi hmang a nih. Chuleiin, Jerusalem le a vêl rama inthawkin Illurikom ram chenin, Krista Chanchin Ṭha chu ram tinah ka hril kim ta a;

EPHESI 4:11

Chuongchun, ṭhenkhathai chu tirko ni ding dâmin, ṭhenkhathai chu zâwlnei ni ding dâmin, ṭhenkhathai chu Chanchin Ṭha hriltu ni ding dâmin, ṭhenkhathai chu kohran châwmtu le inchûktirtuhai ni ding dâmin a pêk a:

EPHESI 4:12

Krista taksa siem ṭha dinga, rawngbâwlna sin thawa, mi inthienghai sukfamkim dinga,

KOLOSSA 1:25

Pathien thu hril kim dinga enkawlna sin Pathienin in ta dinga a mi pêk ang peiin chuonghai rawngbâwltua siem ka nih.

KOLOSSA 4:17

Chun, Arkippa kuoma khan, “Rawngbâwlna Lalpaa i hmu kha hlen dingin fimkhur rawh,” ti ro aw.

1 THESSALONIKA 5:6

Chuleichun, mi danghai angin in ta nâwng ei tiu khai! Meng ei tiu a, fîmkhurin ngaiven lem ei tiu.

1 TIMOTHE 4:12

I naupangna tûkhawmin ngainêp naw raw hai seh, thu hril kawnga dâm, chângzie kawnga dâm, hmangaina kawnga dâm, ringna kawnga dâm, inthiengna kawnga dâm, ringtuhai sukhmutu ni lem raw khai.

1 TIMOTHE 4:15

Mi po po kuomah i ṭhathnemna ân lang theina dingin chuongahai chun taima la, chuonga chun inhmang zo rawh.

2 TIMOTHE 1:8

Chuongchun, ei Lalpa thu inhriettirna chu inzâpui naw la, ama mi intâng kei khawm hi mîn zâpui bawk naw rawh. Chanchin Ṭha leia rinum hi Pathien thilthawtheina ang angin mi tuorpui lem rawh.

2 TIMOTHE 2:10

Chuleiin, Krista Isua um sandamna chu, chatuona ropuina leh an hmu ve theina dingin, thlanghai lei chun iengkim ka tuor hlak.

2 TIMOTHE 2:3

Krista Isu sipai ṭhatak angin rinum mi tuorpui rawh.

2 TIMOTHE 4:17

Chanchin Ṭha keima leia hril kima a um theina ding le, Jentailhai po poin an hriet theina dingin, Lalpa chun a mi ṭan a, a mi sukhrât ta lem a nih; chun sakeibaknei baua inthawk kha sansuokin ka lo um ta a nih.

HEBRAIHAI 13:17

In hotuhai thu awi unla, an thu thuin um ro; chanchin hril ding an ni leiin, lungngai puma hril lova, hlim puma an hril theina dingin, in thlarau an vêng pêk hlak cheu a nih; lungngai puma hril chu in ta dingin a pawi ding a ni si a.

1 PETER 1:13

Chuleiin, in lungril dier keiin, ngaiven unla, Isu Krista inlâr pha chun lunginsietna a hung chawipêk ding cheu chu beidawng lovin beisei tlat ro;

THUPUONGSUO 3:2

Invêng la, thil la um, thi vâng vânghai kha sukdet rawh; i thilthawhai hrim ka Pathien mit tlung zoin ka hmu si nawh.