2 TIMOTHE 4:17 - Pathien Lekhabu Inthieng (BSI)

¹⁷ Chanchin Ṭha keima leia hril kima a um theina ding le, Jentailhai po poin an hriet theina dingin, Lalpa chun a mi ṭan a, a mi sukhrât ta lem a nih; chun sakeibaknei baua inthawk kha sansuokin ka lo um ta a nih.

2 TIMOTHE 4:17 ပူးပေါင်းရင်းမြစ်များ

INPÂKNA HLABU 109:31

Ama chu pase changtieng chun ngîr a ta, A hringna rorêlpêktuhaia inthawka sandam dingin.

INPÂKNA HLABU 22:21

Sakeibaknei baua inthawk chu mi sanhim la, Anih, ramsielchal kiha mi chu nangin i mi dawn ta a.

THUVARHAI 20:2

Lal ṭiumna chu sakeibaknei inrûm ri ang a na, Ama suklungsentu chun ama hringna chunga ngei chun thil a suksuol a nih.

THUVARHAI 28:15

Rorêltu suol chu mi pase chunga chun, Sakeibaknei inrûm hlak le savawm inhûk hlak ang hi a nih.

ISAI 41:10

ṭi naw ro, kei in kuomah ka um si a; lunginzîng naw ro, kei in Pathien ka ni si a; sukhrât ka ti cheu a, anih, ṭhangpui ka ti cheu, anih, ka felna kut changtiengin chel zing ka ti cheu.

ISAI 41:14

Nang chawkchawnâl Jakob le Israel mihai, ṭi naw ro, ṭhangpui ka ti cheu, Lalpain a tih, nangni intlantu cheu chu Israelhai Mi Inthieng chu a nih.

JEREMIA 2:30

A thlâwn elin in thlahai chu ka lo vuok ta a; ṭhat phanain an hmang si nawh; sakeibaknei hnukinrâwl ang elin nangni kâwlhnâm ngei chun in zâwlneihai a fâk zo a ni hi.

DANIEL 6:22

Ka Pathien chun a vântirko a hungtir a, sakeibakneihai bau chu a hung sukchîp a, an mi sukna hrim hrim nawh; a hmaa chun keimaa indik nawna um lo chu hmuin a um a; aw lalpa nanga hmaa khawm iengkhawm ka sukpawi nawh,” a ta.

DANIEL 6:27

Ama chun a sansuokin a sanhim a, Hnuoi le vâna khawm thilmakhai le inchiknahai a thaw a, Ama chu sakeibakneihai thilthawtheinaa inthawka Daniel sanhimtu chu a nih,” tiin.

MATTHAI 10:19

Nisienlakhawm, an inmantir pha cheu khawm, ‘Iengtin am, ieng thu am ka hril ding?’ tiin lungkham naw ro; in hril ding chu a hun taka chun ân hriettir ding cheu a ni si a.

LUKA 1:1

Eini laia thil hung tlung tahai chanchin,

LUKA 21:15

in hmêlma po poin an sêl thlâk thei nawna ding bau le varna ka pêk ding cheu a ni si a.

THILTHAWHAI 23:11

Chun, zâna chun Lalpa chu Paula kâwlah a ngîr a, “Thlamuongtakin um rawh, Jerusalema ka thu în hriettir ang bawkin Roma khawm în hriettir ding a nih,” a ta.

THILTHAWHAI 9:15

Nisienlakhawm, Lalpa chun a kuomah, “Fe el rawh, Jentailhai, lalhai, Israel mipuihai kuoma ka hming put lûtna dinga ka bêl ruot a nih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 15:31

Judai rama awinawhai laia ka him theina ding le Jerusalem ta dinga sawmdâwlna ka ichawi hi, mi inthienghai lâwm zâwngtak a hung ni theina dingin.

2 KORINTH 12:9

Chun, ama chun ka kuomah, “Ka lunginsietna i ta dingin a hun deh, ka thilthawtheina hi hrâtnawnaah i sawnnaw sukfamkima a um,” a ti ta a. Chuongchun, Krista thilthawtheina chu ka chunga a um theina dingin, lâwmtakin ka hrâtnawnahai hi suong lem tâng ka tih.

EPHESI 3:8

Kei mi inthieng po po laia chîntak nêka chîn lem kuoma hin chu lunginsietna chu pêk a nih: Krista hausakzie suisuok ruollohai chanchin chu Jentailhai kuoma hril ding le,

1 TIMOTHE 1:12

A mi sukhrâttu Krista Isu ei Lalpa kuoma chun lâwmthu ka hril a nih; ringumah a mi ngai a, a rawngbâwltuah a mi ruot ta leiin.

2 TIMOTHE 2:1

Chuongchun, nang, ka nau, Krista Isua lunginsietna uma hin suknghetin um rawh.

2 TIMOTHE 2:9

Chu Chanchin Ṭha lei chun thil suksuoltu angin khuop hiel khawpin rinumhai ka tuor hlak a nih; nisienlakhawm, Pathien thu chu khuopin a um si nawh.

2 TIMOTHE 3:11

mi mi suknawmnatna dâm, ka tuorna dâm leh; Antiokeia dâm, Ikonioma dâm, Lustraa dâm ka chunga thil hung tlunghai le suknawmnat ka tuorna kha, chuong po poa chun Lalpa chun a mi sandam ta si a.

2 TIMOTHE 4:5

Nang ruok chu iengkimah fimkhur la, rinum tuor la, Chanchin Ṭha hriltu tieng sin thaw la, i rawngbâwlna kha hlen rawh.

TITA 1:3

nisienlakhawm, ama hun takahai chun a thu chu thuinchaa chun a suklang ta a, chu thuincha chu Pathien ei Sandamtu thupêk ang peia inkawltir ka nih.

HEBRAIHAI 11:33

Chuonghai chun ringnain ramhai an lâk a, thil fel an thaw a, thutiemhai an chang a, sakeibaknei khâkhai an sukchîp a, mei thilthawtheina an sukmit a, kâwlhnâm ngei chenin an pumpel a.

1 PETER 5:8

Ngaiven unla, fimkhur ro; in khingpui Diebol chu sakeibaknei inrûm hlak angin a fâk thei ding zawngin ân vêl ruoi hlak a nih.

2 PETER 2:9

Lalpa chun, ama ngaisaktuhai chu thlêmnaa inthawka sansuok dân le, fel nawhai chu rorêl nia dingin hrem puma khêk dân a hriet;

1 SAMUEL 17:37

Chun, David chun, “Sakeibaknei kutbâwra inthawk le, savawm kutbâwra inthawka mi sansuoktu Lalpa chun chu Philistin mi kuta inthawk chun mi sansuok a tih,” a ta. Chun, Saula chun David kuoma chun, “Fe raw le, i kuomah Lalpa um a tih” a ta.