2 TIMOTHE 4:14 - Pathien Lekhabu Inthieng (BSI)

¹⁴ Alexander, dâr sung thiem kha ka chungah a suol bêk bêk hlak a nih;

2 TIMOTHE 4:14 ပူးပေါင်းရင်းမြစ်များ

2 SAMUEL 3:39

Lal dinga hrieknâl ni lang khawm, vawisûn hin ka hrât naw a nih; chun, hieng Zeruia nauhai hi ka ta dingin tuor hla an um taluo a nih; Lalpain thil ṭha naw thawtu chu a suolzie ang peiin thung raw se,” a ta.

INPÂKNA HLABU 28:4

An thilthaw ang pei le, an thilthawhai a suolzie ang peiin thung la, An kuta an sinthaw ang peiin thung la; An suol man chu inhmutir rawh.

INPÂKNA HLABU 62:12

Aw Lalpa, zainêmna hi i ta bawk a nih, Mi tin an thilthaw ang sengin i thung hlak si a.

JEREMIA 15:15

Aw Lalpa, nang chun i hriet a; mi hre zing la, mi hung sir la, a mi hremtuhai chu phuba hung la rawh; i teireingaitheina chun mi la hmang naw la, nangma lei chun kâwkna ka tuor a ni ti hre rawh.

ṬAP HLA 3:64

Aw Lalpa, an kuthaia an sinthaw ang peiin nangin thungna pe la.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 12:19

Dittakhai, in phuba la naw unla, Pathien lunginsenna inkien lem ro,“phuba hrim hrim keia lâk ding a nih, keiin thung ka tih, Lalpain a tih,” ti ziek a ni si a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 2:6

Pathien chun mi tin an sinthaw ang peiin rêlpêk a tih,

2 THESSALONIKA 1:6

Chuongchun, hi hi Pathien ta dingin thil feltak a nih: a sukrinumtuhai cheu chu rinumnaa thung le;

1 TIMOTHE 1:20

Chuhai lai chun Humenai le Alexander an na; Pathien hrilsiet naw an inchûk theina dingin anni chu Setan ka pêk a nih.

2 TIMOTHE 4:15

Lalpa chun a thil thaw ang peiin thung a tih. A kuoma khan nang khawm fimkhurtakin um rawh, ei thu a kal nasa hle si a.

1 JOHAN 5:16

Tûkhawmin a unau thina khawp nilo suol thawin hmu sienla, hnipêk a ta, chuongchun, Pathienin a hnitu kuoma chun thina khawp nilo suol thawtuhai ta ding chun hringna pêng a tih. Thina khawp suol a um a; chuong ang tieng chun hnipêk a tih ka ti a ni nawh.

THUPUONGSUO 18:20

“Aw vân le nangni mi inthienghai, tirkohai dâm, zâwlneihai dâm, lâwm ro, ama chun in chunga ro a rêlna chun Pathienin a chungah ro a rêl ve ta hi,” tiin.

THUPUONGSUO 18:6

Amain a pêk ang ngei khan pe thung unla, a thilthawzie ang pei chu a lêt hniin thung unla, a chawkpawlna noa chun a ta dingin a lêt hniin chawkpawlpêk ro.

THUPUONGSUO 6:10

anni chun rawl inringtakin, “Aw Lalpa, mi inthieng le indiktak, ieng chen am rorêl lova hnuoia umhai chunga kan thisen insuona phuba chu la lova i um ding?” tiin an khêk a.

1 SAMUEL 24:12

Lalpa chun nang le keia chungthu hi rêl raw se; chun, Lalpa chun i chungah phuba mi lapêk raw se; nisienlakhawm, kei chun chu i chungah kut thlâk naw hrim hrim ka tih.