2 TIMOTHE 4:10 - Pathien Lekhabu Inthieng (BSI)

¹⁰ Dema chun tulai khawvêl hi a ngainat leiin a mi mâksan ta a. Thessalonikaah a fe ta si a; Kreske chu Galati ramah a fe ta a, Tita chu Dalmati ramah a fe ta bawk a, Luka chau ka kuomah a um tah.

2 TIMOTHE 4:10 ပူးပေါင်းရင်းမြစ်များ

MATTHAI 12:32

Chun, tukhawm Mihriem Naupa sawisêl taphawt chu a sawisêlna chu ngaidam nîng a ta; tukhawm Thlarau Inthieng meu sawisêl taphawt chu a sawisêlna chu, hi dam sûnga khawm, hun la hung tlung dinga khawm chun, ngaidam ni naw nih.

MATTHAI 26:56

Nisienlakhawm, zâwlnei lekha thuhai a tlung theina dingin hieng po po hi a hung tlung tah a ni hi,” a ta. Chu lai chun, inchûktirhai po po chun ama an thlathlam a, an tlân hmang ta vawng a.

LUKA 14:33

Chuong ang bawkin, nangni lai hin tûkhawm a nei po po mâksan naw chu, ka închûktir ni thei naw nih.

LUKA 16:13

Siehlaw tukhawmin hotu pahni rawng a bâwl kawp thei nawh; pakhat chu theidain pakhat chu dit a tih, annawleh, pakhat ṭanin pakhat hmusit a tih. Pathien le sum rawng in bâwl kawp thei nawh,” a ta.

LUKA 17:32

Lota nuhmei hre zing ro.

THILTHAWHAI 13:13

Chun, Paula chu a rawihai le chun, Paphos khuoa inthawk chun lawngin an fe a. Pamphulia rama Perga an tlung a; chun, Johan khan anni chu a mâksan a, Jerusalemah a kîr nâwk ta a.

THILTHAWHAI 15:38

Pamphulia ramah anni a kîr san a, sinthawnaa an kuoma a fe ve ta naw lei khan.

THILTHAWHAI 16:6

Chun, Thlarau Inthiengin Asia rama thu hril a khap leiin Phrugia le Galati ram chu an fang suok a;

THILTHAWHAI 17:1

Chun, Amphipoli le Apollonia an khêl a, Thessalonika an tlung ta a; chutaka chun Judahai inkhâwmna in a um a.

THILTHAWHAI 17:11

Chutaka mihai chu Thessalonika mihai nêk chun an lo ṭha lem a, chuongchun, lungril lâwmtakin thu chu an pawm a, an thu hril chu ân dik le ân dik naw hrietna dingin ni tin Pathien Lekhaah an zawng hlak a.

THILTHAWHAI 17:13

Nisienlakhawm, Thessalonikaa Judahai chun Paulain Beroia khuoah Pathien thu a hril ti an hriet phingleh, chutaka khawm chun an va fe a, mipuihai an infui a, an buoi nâwk ta a.

THILTHAWHAI 18:23

Chun, chutaka chun sâwt rei a um hnungin, a fe nâwk a, inchûktirhai po po sukdetin Galati ram le Phrugia ram chu a fang suok vawng a.

2 KORINTH 2:13

ka unaupa Tita ka hmu naw leiin ka thlarau tieng chun muongna hrim hrim ka nei chuong naw a; chuongchun, anni chu bau ṭhain ka ṭhe a, Makedonia ramah ka fe ta a.

2 KORINTH 7:6

Nisienlakhawm, inngaitlâwmhai thlamuongtu Pathien chun, Tita hungna chun a mi thlamuong ta a;

2 KORINTH 8:16

Chun, in chunga ka ṭhahnemngaina ang Tita lungrila pe hlaktu Pathien kuoma chun lâwmthu um raw se.

2 KORINTH 8:23

Tita hi chu ka ruolpa le nangni tienga ka sinthawpui a na; chun, kan unauhai hi chu kohranhai tirko, Krista ropuina chu an nih.

2 KORINTH 8:6

Chuongchun, inhmaa an lo thaw ṭan ta lei khan hi lunginsietna khawm hi nangnia thaw zo nghâl dingin Tita chu kan ngên ta rau a.

GALATI 1:2

ka kuoma unau um po pohai chun, Galati rama kohranhai kuomah:

PHILIPPI 2:21

An rêngin Isu Krista thil zawng lovin, mâni thil an zawng hlak si a.

1 TIMOTHE 6:10

Tangka sum ngainat hi suol tinrêng bul a ni si a; chu chu ṭhenkhatin an inhnar a, ringna chu an fe hmang san a, anni le anni lungngaina tamtakin an insun tlang ta nghuon a.

1 TIMOTHE 6:17

Hi khawvêla hausahai hi chapo naw ding le sum ringum nawah an beiseina innghat lova, thil po po lâwmna dinga mi petu Pathien chunga chun innghat lem dingin kâwk rawh.

2 TIMOTHE 1:15

Asia rama um po pohaiin an mi nghatsan ti ka hriet a, anni lai chun, Phugel le Hermogen an ṭhang a nih.

2 TIMOTHE 4:16

Ka thiemna thu ka hril hmasak ṭum chun tûkhawmin an mi ṭhangpui nawh, an mi thlathlam ta vawng lem a nih; a maw chu phurin um tâwl naw raw hai se.

TITA 1:4

Tita, ringna hmunkhata ka nau taktak kuomah: Pa Pathien le Krista Isu ei Sandamtu kuoma inthawka lunginsietna le inremna um raw se.

PHILEMON 1:24

ka sinthawpui Marka hai, Aristarka hai, Dema hai, Luka hai khawmin chuong ang bawkin an bûk che.

2 PETER 2:15

Bosar naupa Balaam, thil suksuol hlaw ngainatu lampui chu an hraw leiin lampui indik chu an mâksan a, an invâk hmang ta a.