2 TIMOTHE 4:1 - Pathien Lekhabu Inthieng (BSI)

¹ Pathien mithmu le, mi hring le mithi ngaituotu ding, Krista Isu mithmua chun, ân lârna le a ram sâlin, ṭhahnemngaitakin kân hriettir che:

2 TIMOTHE 4:1 ပူးပေါင်းရင်းမြစ်များ

INPÂKNA HLABU 50:6

Chuongchun, vânhai khin a felna chu tlânginsampui a ta, Ama Pathien ngei chu rorêltu a ni si a.

INPÂKNA HLABU 96:13

Lalpa hmaa chun ama chu a hung ding a nih, Hnuoi ro rêl dingin a hung ding a ni si a. Khawvêl hi feltakin ro rêlpêk a ta, Mi tinhai chu a thutakin ro rêlpêk bawk a tih.

INPÂKNA HLABU 98:9

Hnuoi ro rêl dingin a hung ding a ni si a, Khawvêl hi feltakin ro rêlpêk a ta; Thlierbîk nei lovin mi tin ro chu rêl a tih.

MATTHAI 16:27

Mihriem Naupa hi a vântirkohai leh, a Pa ropuinaa inthuomin a hung ding a ni si a; chu pha chun mi tin an thilthaw ang peiin thung seng a tih.

LUKA 19:12

Chuongchun, hieng thu hi a hril a, “Mi ṭha tû amanih ram awpna thu laa hung kîr nâwk dingin ram hlatakah a fe a.

LUKA 19:15

“Chun, ram awpna thu chu a lâka a hung kir nâwk chun, a suok tangka a ipêkhai chu, an sukpung dân inhrietna dingin ân kotir a.

LUKA 23:42

Chun, “Isu, i ramah lala i hung phaleh, mi hre zing rawh aw,” a ta.

THILTHAWHAI 10:42

Ama chu mithihai le mi hringhai chunga Rorêltua Pathien iruot chu a nih ti, mi kuoma khêkpui le inhriettir dingin Pathienin thu a mi pêk a nih.

THILTHAWHAI 17:31

chu ni chun, a mi ruot chu, hnuoia mihai ro feltakin inrêltir a tih. Chu thu chu, Pathienin ama chu mithi laia inthawka a keithona chun, mi po po kuomah ân hriettir tah a nih,” tiin.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 2:16

Pathienin ka Chanchin Ṭha hril anga mihriemhai thurûk Isu Krista hmanga a ngaituo ni chun chuong ang chu nîng a tih.

KOLOSSA 3:4

Krista in hringna chu a hung inlâr pha chun nangni khawm ama kuomah ropuiin inlâr vêng in tih.

2 THESSALONIKA 2:8

Lâk hmang a ni pha chun Dân Bawsepa chu hung inlang nghâl tâng a tih. Lalpa Isun ama chu a baua thuokin sukhlum a ta, a hunga inlârnain sukbohmang a tih.

1 TIMOTHE 5:21

Hieng thu hi thlier bîk nei lovin, thlier bîk neia iengkhawm thaw lovin, Pathien le Krista Isu le Vântirko thlanghai mithmuin zâwm dingin ṭhahnemngaitakin kân hriettir che.

2 TIMOTHE 1:10

chu chu a mi sandamtu Isu Krista inlârna leiin, tuhin suklangin a um tah. Ama chun thina chu sukbohmangin, Chanchin Ṭhain hringna le bohmang thei nawna a suklang tah;

2 TIMOTHE 2:14

Chuong thu chu inhriet thartir zing la, thu mei meiah an insêl nawna dingin Lalpa mithmuah ṭhahnemngaitakin inhriettir rawh, chu chu iengkhawm a ṭhahnem naw a, a ngaituhai ta dingin bohmangna a ni lem hlak.

2 TIMOTHE 4:18

Lalpa chun suolna po poa inthawkin mi sansuok a ta, a vân rama chun himtakin mîn tlung a tih; ama chu chatuona ropuiin um raw se. Amen.

2 TIMOTHE 4:8

Tuhin chu felna lallukhum chu ka ta dingin siein a um ta a, chu chu Lalpa, ngaituotu feltak chun chu nia chun mi pêng a tih; ka kuoma chau ni lovin, a hung inlang nâwkna ngaituhai po kuoma khawm.

TITA 2:13

beiseina lâwmum ei Pathien ropuitak Sandamtu Isu Krista ropuina inlârna chu nghâk dingin a mîn chûktir a.

1 PETER 1:7

in ringna fiena, rângkachak meia fie hnung khawma bohmang hlak nêka hlu lem chu, Isu Krista inlâr pha chun inpâkna le chawimawina le ropuina ding a hung ni theina dingin.

1 PETER 4:5

Anni chun, mi hring le mithihai chunga rorel dinga inzosa kuoma chun an chanchin la hril an tih.

1 PETER 5:4

Chun, Berâm Vêngtu Laltak chu a hung inlang pha, ropuina lallukhum chuoi thei naw chu hmûng in tih.

2 PETER 1:11

chuongchun, Isu Krista ei Lalpa le Sandamtu chatuon rama lûtna chu nasataka inhmutir nîng in tih.

2 PETER 1:17

Ama chun Pa Pathien kuoma inthawkin chawimawina le ropuina a hmu a, chu lai chun ropuina nasataka inthawk chun hieng ang râwl hi a kuomah a hung tlung a, “Hi hi ka Naupa dittak, ka ilâwm bêk bêk a nih,” tiin.

1 JOHAN 2:28

Chuongchun, nauhai, amaah um zing ro; chuongchun, ama chu hung inlâr sien khawm, a hungin a hmaah inzak lovin huoitakin um thei ei tih.

THUPUONGSUO 1:7

Ngai ta u, ama chu sûmhai le chun a hung ding a nih; mit tinrêngin hmûng an ta, a suntuhai ngei khawm khan; khawvêla hnam po poin ama ṭa bawk an tih. Chuong angtak chun ning a tih, Amen.