2 TIMOTHE 3:8 - Pathien Lekhabu Inthieng (BSI)

⁸ Chun, Janni le Jambriin Mosie an kal ang khan, chuong mihai khawm chun thutak hi an kal hlak, lungril se tah, ringna kawnga chun Pathien dit naw zawng mi an nih.

2 TIMOTHE 3:8 ပူးပေါင်းရင်းမြစ်များ

FESUOKNA 7:11

Chun, Pharao khawmin mi varhai le dawithiemhai a ko khâwm a, Aigupta aisânthiemhai khawm chun dawi hmangin chuong ang tak chun an thaw ve ta a.

FESUOKNA 7:22

Chun, Aiguptaa aisânthiemhai khawm chun dawi hmangin chuong ang tak chun an thaw ve a. Pharao lungril chu sukngarin a um zing a, Lalpain a hril ta ang khan an thu chu a ngai naw a.

FESUOKNA 8:18

Aisânthiemhai chun an dâwi hmangin hrikhai suksuok dingin an thaw ve a, nisienlakhawm, an thei naw a. Chuongchun, sa le mihriem chunga chun hrikhai chu an um ta a.

FESUOKNA 8:7

Chun, aisânthiemhai khawm chun an dawi hmangin chuong ang tak chun an thaw a, Aigupta ram chunga chun uṭawkhai chu an hung suok ve a.

THILTHAWHAI 15:24

“Kan pâwl laia mi tuhai amaniin thu hrilin an sukbuoi cheu a, in lungril an suklungzîng ti kan hriet a, an kuomah thu iengkhawm kan pêk si nawh.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 1:28

Chun, Pathien hriet an nuom naw leiin, thil mawi naw tak tak thaw dinga a dit naw zâwng lungril nei phalin Pathienin a nghatsan ta a;

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 16:18

Chuong ang mihai chun, ei Lalpa Krista rawng chu an bâwl naw a, anni phîng rawng an bâwl lem hlak a nih. An bau ṭhat le an bau thiemin mi mâwlhai lungril an hlêm hlak a nih.

EPHESI 4:14

Chuongchun, indiknawna zâwrna angin, var vervêka mihriem hlêm fâwmin, inchûktirna thli tinrênga khing tieng khing tienga vawr le lên lên naupang ni ta nâwm ei ni a,

1 TIMOTHE 1:19

ringna le sie le ṭha hrietna inthiengtak pawm tlatin. Mi ṭhenkhathaiin chuong chu pei thlain, ringna kawnga chun lawngkawi angin an kawi se ta a.

1 TIMOTHE 4:2

Chuong mi khêlhliphai chu anni sie le ṭha hrietna ngeia thîr linga bel ang an na,

1 TIMOTHE 6:5

lungril sie nei le thutak nei naw mi nina, sêlhrâtna dâm a suok hlak; chuonghai chu, Pathien ngaisak hi hlâwkna amanih titu an nih.

2 TIMOTHE 4:15

Lalpa chun a thil thaw ang peiin thung a tih. A kuoma khan nang khawm fimkhurtakin um rawh, ei thu a kal nasa hle si a.

TITA 1:10

Dân ang nawa um, thu hril mei meihai le hlêmtuhai tamtak an um si a, sertanhai laia mi an ni deu tak.

TITA 1:16

“Pathien kan hriet,” tiin an ṭhang hlak a; nisienlakhawm, tirdakum dâm, thu awi naw dâm, thil ṭha tinrêng thaw kawnga Pathien dit naw zâwnghai an nih, an thilthawin an inphatsan hlak si a.

2 PETER 2:14

mit uirea sip, suol bân thei nawhai an nei a; mi det nawhai an thlêm thlûk a; inhnar hmang lungril an put a; ṭawngsephur nauhai an nih.

1 JOHAN 2:18

Nauhai, hun nuhnung tak chu a ni tah, Krista kaltu hung a tih ti in hriet ang khan, tu khawm hin Krista kaltu tamtak an hung suok tah; chuleichun, hun nuhnung tak a ni tah ti ei hriet.

1 JOHAN 4:1

Dittakhai, thlarau nazawng chu ring naw ro, amiruokchu, thlarauhai chu Pathiena inthawk an ni le ni naw infie ro; thuhriltu tehlêm tamtak khawvêlah an hung suok ta leiin.

THUPUONGSUO 2:20

Nisienlakhawm, demna che ka nei; nuhmei, Jezebel, Zâwlneinu inti kha, i ngai thei leiin; ama chun ka suokhai chu indit le milim biekna thil fâk inchûktirin, a ṭhuoi hmang bawk hlak a nih.

THUPUONGSUO 2:6

Nisienlakhawm, hi hi i ṭhatna chu a nih. Nikolahai thilthawhai i theida hi; chu chu kei khawmin ka theida ve a nih.