2 TIMOTHE 3:5 - Pathien Lekhabu Inthieng (BSI)

⁵ Pathien ngaisak hawina nei an ta, nisienlakhawm, a thilthawtheina chu awi naw ni hai; chuong ang chu nghatsan rawh.

2 TIMOTHE 3:5 ပူးပေါင်းရင်းမြစ်များ

ISAI 29:13

Chun, Lalpa chun, “Hieng mihai hin an mi hung hnai a, an bau le an hmûr hin an mi chawimawi hlak deha chu, an lungril chu keia hlatah an sawn hlak a, an mi ṭina chu mihriemhai thupêk miin an inchûktir el chu a nih;

MATTHAI 7:15

“Zâwlnei tehlêmhai lai chun fîmkhur ro; chuonghai chu berâm vun silin in kuomah an hung hlak a; an sûng tienga ruok chu satene hnukinrâwltakhai an ni si a.

EPHESI 4:14

Chuongchun, indiknawna zâwrna angin, var vervêka mihriem hlêm fâwmin, inchûktirna thli tinrênga khing tieng khing tienga vawr le lên lên naupang ni ta nâwm ei ni a,

2 THESSALONIKA 3:14

Chun, tûkhawmin hi lekhathawna kan thu hi a zâwm naw chun, ama chu inchik unla, pâwl dêr naw ro, ân zak theina dingin.

2 THESSALONIKA 3:6

Chun, unauhai, kan kuoma inthawka thurosie an ihmu anga um lova, um ṭha nuom lo, unau tinrênghaia inthawk chun insiekieng dingin, ei Lalpa Isu Krista hmingin thu kan pêk cheu.

1 TIMOTHE 4:7

Amiruokchu, Pathien inza nâwna le pitarhai tienami thu mei mei chu dit naw rawh. Chun, Pathien ngaisak dingin insawizawi rawh.

1 TIMOTHE 4:8

Taksa insawizawina hi ṭhahnem chu a ṭhahnem ve bawk a, Pathien ngaisakna ruok hin chu, hringna tuta umsa le la hung um ding pêk tiemna a nei leiin kawng tinrêngah a ṭhahnem a nih.

1 TIMOTHE 5:8

Nisienlakhawm, tûkhawmin mâni mihai ta ding a ngaituo lâwk naw a, mâni insûnga mihai ta ding hman a ngaituo lâwk naw chun, ringna chu ân phat san a, awi naw mi nêkin a suol lem a nih.

1 TIMOTHE 6:5

lungril sie nei le thutak nei naw mi nina, sêlhrâtna dâm a suok hlak; chuonghai chu, Pathien ngaisak hi hlâwkna amanih titu an nih.

2 TIMOTHE 2:16

Amiruokchu, Pathien inza nawna tieng thu hril mei mei chu nghatsan hlak rawh; chuong ang mi chu Pathien ngâisak nawna tiengah nasa nâwk zuol an ta,

2 TIMOTHE 2:23

Amiruokchu, indona a siem hlak ti hrein, insêlna invêt le, var nawahai chun ṭhang nuom naw.

TITA 1:16

“Pathien kan hriet,” tiin an ṭhang hlak a; nisienlakhawm, tirdakum dâm, thu awi naw dâm, thil ṭha tinrêng thaw kawnga Pathien dit naw zâwnghai an nih, an thilthawin an inphatsan hlak si a.

TITA 3:10

Ringdân tum nei mi chu vawikhat vawihni kâwk hnung chun inthlawppui ta naw rawh;