2 TIMOTHE 3:3 - Pathien Lekhabu Inthieng (BSI)

³ hmangaina insiengpui nei naw dâm, mi nunrawng dâm, hêktu dâm, insûm thei naw dâm, mi ṭium dâm, ṭhat nuom dêr lo dâm,

2 TIMOTHE 3:3 ပူးပေါင်းရင်းမြစ်များ

INṬANNA 49:7

An lunginsenṭeuna chu ṭawngsephurin um raw se, a ṭium si a. An lung puom hlena chu ṭawngsephurin um raw se, a nunrâwng si a. Jakobrawihai lai chun anni chu thedar ka ta, Israelrawihai lai chun anni chu sukdar ka tih.

INPÂKNA HLABU 15:4

Hnâwla umhai chu hmusit a, Lalpa ṭituhai ruok chu chawimawi hlak a, Mâni ta dinga pawi ding khawm inkhâma tiem ta chu sukdanglam ngailo;

INPÂKNA HLABU 22:6

Kei ruok chu mihriem hrim ka ni naw a, chawkchawnâl el ka nih, Mihriemhai hrilsiet le mihai hmusit ka nih.

ISAI 53:3

Ama chu mihriemhai hmusit le dit nawin a um a; lungngainahai nei mi le natna hre mi a na, mihaiin an hmai an hipsan ang ang chun ama chu hmusitin a um a, eini hlak chun ama chu ei ngaisâng si nawh.

ISAI 60:14

Chun, nangma sukrimsituhai naupasalhai chu kûnin i kuomah hung an ta; nangma hmusittuhai po po chu chibai bûkin i kepha hnuoiah kûn an tih; nang chu, “Lalpa khawpui, Israelhai Mi Inthieng Zion,” tîng an ti che.

DANIEL 8:23

Chun, an ram hun nuhnung tienga, bawsetuhai an hung puitling pha chun lal hmêl ṭiumtak, thu khir- tak takhai hre thei hung ngîrsuok a ta.

MATTHAI 10:21

“Chun, sukhlum dingin unaupa le unaupa inmantir an ta, pa khawmin a nau inmantir bawk a tih; nauhai khawmin an nu le pahai do an ta, insukhlumtir bawk an tih.

MATTHAI 4:1

Chu zoa chun Isu chu Diebol thlêma um dingin Thlarauin thlalêrah a ṭhuoi ta a.

LUKA 10:16

“Tûkhawm nangni thu ngai chu keima thu ngai a nih; tûkhawm a dit naw cheu chu kei a mi dit naw a nih; tûkhawm kei mi dit naw chu a mi tirtu dit naw a nih,” a ta.

LUKA 16:14

Chun, Pharisai tangka ngainatuhai chun chuong thu chu an hriet a, an nuisan a.

JOHAN 6:70

Chun, Isûn an kuomah, “Nangni sâwm le pahnihai hi keia thlang in ni naw am a nih? Nangni laia pakhat diebol a ni nâwk nghâl si,” a ta.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 1:29

chuongchun, rîtlona tinrêng dâm, suolna tinrêng dâm, inhnarna tinrêng dâm, lungril ṭhat nawna tinrêng dâmin an hung sip ta a; îtsîkna dâm, tuolthatna dâm, inhalna dâm, inhlêmna dâm, lungril setak dâma sip an na; inberu hmanghai,

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 1:31

hrietthiemna bo, thu tiem bawsietuhai, piengpui lunginsietna nei naw mihai, lunginsietna nei naw mihai an lo ni ta a;

1 KORINTH 7:5

Ṭawngṭai dinga in inpêk theina ding le in inpâwl nâwk theina dingin sâwt nawtê kâr dinga rem in ti ve ve chau naw chun atu tu khawm insukdâwng naw ro, chuong naw chun, in insûm zo naw leiin Setanin thlêm a ti cheu.

1 KORINTH 7:9

Insûm theina an nei naw chun innei el raw hai se, hur nêkin innei a ṭha lem si a.

1 THESSALONIKA 4:8

Chuleiin, a pawisa nawtu chu mihriem pawisa naw a ni naw a, Pathien, a Thlarau Inthieng pe hlaktu cheu kha pawisa naw a ni lem.

1 TIMOTHE 3:11

Chuong ang bawkin nuhmeihai khawm mi inzâum an ni ding a nih; hêktuhai ni lovin, insûm thei le iengkima ringum an ni ding a nih.

TITA 1:8

Mi lâwm dân thiem, a ṭha tieng dit, lungril indiktak, mi fel, mi inthieng, insûm thei mi a ni lem ding a nih.

TITA 2:3

Pitarhai khawm chu an um dân hrima Pathien inza mihai, hêktuhai le uoin he mihai ni lo a, thil ṭha tieng inchûktirtuhai an hung ni a,

JAKOB 2:6

Nangni ruok chun pasie chu in sukmuolpho ta lem a nih. Mi hausahai chu a suknawmnatu cheu le, rorêlna ina kei lût hlaktu cheu chu an ni naw am a nih?

2 PETER 2:14

mit uirea sip, suol bân thei nawhai an nei a; mi det nawhai an thlêm thlûk a; inhnar hmang lungril an put a; ṭawngsephur nauhai an nih.

2 PETER 2:19

Anni chu sietna suok ni pum zingin mihai chu zalênna thu an tiem hlak a; mi chu ama hnetu taphawt suokah a um hlak si a.

2 PETER 3:3

Hi hi hre hmasa unla, ni nuhnungahai chun nuisawtuhai chu, anni châkna anga umin, nuisaw pumin hung an ta,

JUDA 1:16

Chuonghai chu chiertu le sawisêltuhai an na, anni châkna ang peiin an um a, an bauhai khawmin uongna thu puomtakin a hril a, hlâwkna dit leiin mi an ngaina hlak a nih.

JUDA 1:18

“Hun nuhnunga chun Pathien ngaisaknaw tieng anni châkna ang peia umin, nuisawtuhai la hung um an tih,” ti in kuoma an hrilziehai kha.

THUPUONGSUO 13:15

Chun, Sahrâng lim chu a ṭawng theina ding le, Sahrâng lim chibai bûk naw taphawt ân sukhlumtir theina dingin Sahrâng lim kuoma chun inthuokna pêk phal a nih.

THUPUONGSUO 13:17

inchikna, Sahrâng hming amanih, a hming nambar amanih, neihai chau naw chun, tûkhawmin iengkhawm an inchâwkin an zawr thei nawna dingin.

THUPUONGSUO 16:6

Anni chun mi inthienghai le zâwlneihai thisen an insuo a; chun, nangin dâwn dinga thisen ma i pêk thung hi dâwn tlâk an ni hrim deh,” a ti ka hriet a.

THUPUONGSUO 17:6

Chun, chu nuhmei chu mi inthienghai thisen le Isu martarhai thisena inruiin ka hmu a. Ka hmu phingleh mak ka ti bêk bêk a.