2 TIMOTHE 3:14 - Pathien Lekhabu Inthieng (BSI)

¹⁴ Nisienlakhawm, nang chu, tû kuoma inchûk am i ni ti hrein, i thil inchûkhai le i hriet chienghaia chun um zing rawh:

2 TIMOTHE 3:14 ပူးပေါင်းရင်းမြစ်များ

THILTHAWHAI 17:31

chu ni chun, a mi ruot chu, hnuoia mihai ro feltakin inrêltir a tih. Chu thu chu, Pathienin ama chu mithi laia inthawka a keithona chun, mi po po kuomah ân hriettir tah a nih,” tiin.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 14:5

Mi pakhatin ni khat hi ni dang nêkin a ngaihlu bîk hlak a, mi dangin ni po po chu inang sengin a ngai hlak a nih. Mi tin mani lungrilah inhre chieng raw se.

KOLOSSA 2:2

An lungrilah thlamuongna nei a, hmangainaa insuikhâwma, kawng tinrêngah hrietchiengna hau a, Pathien thurûk, Krista ngei chu an hrietchieng thei ka nuom a nih.

1 THESSALONIKA 1:5

khânga kan Chanchin Ṭha chu thu chaua tlung lova, thilthawtheina le Thlarau Inthieng le nasataka ring tlatna leh a hung tlung lem kha. Nangni hma sielin in chungah ieng ang mi am kan lo ni ta kha in hriet si a.

1 THESSALONIKA 2:13

Hi hi lei hin ma lovin Pathien kuomah lâwmthu kan hril bawk hlak, Pathien thu kan kuoma inthawka in hriet, in pawm lai khan, mihriem thu pawmin in pawm naw a, Pathien thu pawma in pawm lem lei khan; chu chu Pathien thu a ni hrim a, nangni a ringtuhai sûnga sin thaw hlak bawk chu a nih.

1 TIMOTHE 4:16

Nangma le i inchûktirnaa chun fimkhur la, chuong thilhai chu thawin um zing rawh; chuong anga thawin nangma le i thu ngaituhai chu i sandam ding a nih.

2 TIMOTHE 1:13

Krista Isua um, ringna le hmangaina neiin thu indik dân ka bâua i hriethai kha nei tlat rawh.

2 TIMOTHE 2:2

Chun, hretu tamtakhai laia ka bâua thu i hriethai kha, chuong chu, mi ringum, mi danghai inchûktir sâwng thei dinghai kuoma chun inkawltir rawh.

2 TIMOTHE 3:15

Krista Isua ringna um lei chun sandamna hmu khawpa sukvar thei che Lekha Inthienghai chu i naupang laia inthawka hre tah i ni kha.

TITA 1:9

Inchûktirna indik tak kawnga chun mi ân fui theina ding le, sêltuhai chu thiemnaw ân changtir theina dingin inchûktirna ang pei thu ringum chu pawm tlat mi a ni bawk ding a nih.

HEBRAIHAI 10:22

ei lungrila sie le ṭha hrietna faitaka umin, ei taksa khawm tui inthienga sâwpa umin, ringna famkim neia lungril indiktak putin hnai ei tiu.

HEBRAIHAI 6:11

Chun, in beiseina chu a famkima hmu dingin a tâwp chenin in ṭhahnemngaina pângngai insuo pei unla kan ti bêk bêk a nih.