2 TIMOTHE 2:7 - Pathien Lekhabu Inthieng (BSI)

⁷ Ka thu hril hi ngaituo rawh; Lalpa chun kawng iengkimah hriettheina a pêk ding che a ni si a.

2 TIMOTHE 2:7 ပူးပေါင်းရင်းမြစ်များ

1 CHANCHIN SUINA 22:12

Lalpa chun hrietthiem theina le thlierthiem theina pe sienla che; Israel chunga thuneina pe raw se che; chuongchun, Lalpa i Pathien dân chu i kawl zing theina dingin,

1 CHANCHIN SUINA 29:19

ka naupa Solomon kuoma khawm, i thupêkhai le, i thu inhriettirhai le, i thuruothai chu zâwm dingin le, hieng thilhai po po hi thaw a, a châkkhai ka lo sielâwk tahai chun lalin bâwl dingin lungril ṭha famkim pe bawk rawh,” a ta.

INPÂKNA HLABU 119:125

I siehlaw ka na, hrietthiemna mi pe la, I thuinhriettirhai chu ka hriet theina dingin.

INPÂKNA HLABU 119:144

I thuinhriettirhai chu kumkhuoa dingin a fel a nih, Hrietthiemna mi pe la; chuongchun, hring zing ka tih.

INPÂKNA HLABU 119:73

I kutin i mi siemin, i mîn din a nih, I thupêkhai chu kân chûk thiem theina dingin hrietthiemna mi pe rawh.

INPÂKNA HLABU 64:9

Chuongchun, mi po poin ṭîng an ta, Pathien sinthaw chu hril an tih; A thilthaw khawm chu vartakin ngaituong an tih.

THUVARHAI 24:32

Chun, ka en a, ka ngaituo rak a, Inchûktirna ka hmuin ka hriet ta a.

ISAI 1:3

Bâwngchal chun a pu a hriet a, sabengtung khawma a pu bupêkna a hriet bawk a, Israelhai ruok chun an hriet si naw a; ka mihai chun an ngaituo naw a nih,” tiin.

ISAI 28:26

A Pathien chun ama chu feltakin a thununin ân chûktir hlak si a.

ISAI 5:12

Ṭingṭang le perkhuonghai, khuongtê le theihlehai, uoin leh an ruoiṭhenaahai chun a um hlak a, nisienlakhawm, Lalpa sinthaw chu an ngaisâng ngai naw a, a kut thilthaw chu an ngaituo ngai bawk nawh.

DANIEL 1:17

Chun, hieng tleirâwlhai pali hi Pathien chun varna le thiemna po poa bengvarna le hrietna a pêk a; chun, Daniel chun thilhmulâwkhai le manghai chung po poa chun hrietthiemna a nei a.

LUKA 21:15

in hmêlma po poin an sêl thlâk thei nawna ding bau le varna ka pêk ding cheu a ni si a.

LUKA 24:45

Chuongchun, Pathien Lekha Thu hrietna dingin an lungvar a sukvar ta a,

LUKA 9:44

“Chuong thu chu in naah lût raw se, Mihriem Naupa hi mihriemhai kuta inmantirin a um ding a ni si a,” a ta.

JOHAN 14:26

Chun, Thlamuongtu, Thlarau Inthieng, Pain ka hminga a hung tir ding khan, ama chun iengkim inchûktir a ti cheu a, in kuoma ka hril po po kha inhriet suoktir nâwk a ti cheu.

JOHAN 16:13

Nisienlakhawm, ama Thlarau indiktak chu a hung tlung pha chun, thutak po poa chun ṭhuoi lût a ti cheu a, ama phuok fâwmin thu a hril âwm si naw a, thu a idawng taphawt chu hril lem a tih; thil hung tlung dinghai khawm inhriettir a ti cheu.

THILTHAWHAI 7:10

A rinum tuor po poah a san suok pei a, Aigupta ram lal Pharao khawm ân lunginsiettir a, mi vartak a ni ti ân hriettir bawk a. Chuongchun, ama chun Aigupta ram le a ina mi po po chungah hotuin a siem ta a.

1 KORINTH 12:8

Mi pakhat kuomah Thlaraua chun varna thu pêk a nih; mi dang kuomah chu Thlarau thu ma chun hrietna pêk a nih;

DÂN PAHNINA 32:29

Var hai sien chu hieng hi hrethiem an ta, An tâwpna ding an ngaituo thiem ding bah.

DÂN PAHNINA 4:39

Chuleiin, tuhin in lungrilah vawng unla, chungtieng vâna le hnuoitieng leihnuoia hin Lalpa chu Pathien a nih ti hre ro; a dang hrim an um nawh.

PHILIPPI 4:8

A tâwp taka chun, unauhai, ân dik taphawt dâm, ân zâum taphawt dâm, a fel taphawt dâm, ân thieng taphawt dâm, a ditum taphawt dâm, ân thang mawi taphawt dâm, ṭhatna hrim hrim a um a, inpâkna hrim hrim a um chun, chuong chu ngaituo ro.

KOLOSSA 1:9

Chuleichun, Thlarau tieng varna le hriet theina po poa a dit zâwng hrietnaa chun in hung sip theina dingin, kan hriet nia inthawk chu keini khawma ṭawngṭai le hnipêk cheu kan ma nawh.

1 TIMOTHE 4:15

Mi po po kuomah i ṭhathnemna ân lang theina dingin chuongahai chun taima la, chuonga chun inhmang zo rawh.

2 TIMOTHE 2:6

Loneitu sin inrim chu a ra chang hmasatu a ni ding a nih.

2 TIMOTHE 2:8

Isu Krista, David thlaa mi ka Chanchin Ṭha hril anga mithi laia inthawka thonâwk kha, hre zing rawh.

HEBRAIHAI 12:3

In hung sâwl a, in thlarau tieng in hung chau nawna dingin, misuolhai theidana nasatak tuormuolsuotu ngei chu ngaituo ro.

HEBRAIHAI 13:7

In hotu, Pathien thu lo hriltuhai cheu chu, hre zing unla, an um dâna thil suok chu ngaituoin an ring dân inchûk ro.

HEBRAIHAI 3:1

Chuongchun, unau inthieng vân kona chang vehai, ei thuringa Tirko le Thiempu Laltak, Isu chu ngaituo ro;

HEBRAIHAI 7:4

Chuongchun, chi thlatu Abrahamin a râllâk ṭha po sâwma pakhat a ipêk chu, chu mihriem ropuizie chu ngaituo ta u.

JAKOB 1:5

Nangni laia tûkhawmin varna a tlasam chun, mi po po kuoma hal lo le inro lova pe hlaktu Pathien chu hni raw se; chuongchun, a kuomah pêk nîng a tih.

JAKOB 3:15

Chu varna chu chung tienga inthawka hung thla chu a ni naw a, khawvêl le taksa châkna le khawhria inthawk a ni lem.

JAKOB 3:17

Chung tienga inthawka varna hung thla ruok chu a tîrin ân thieng phawt a; chu hnunga chun inrem a nuom a, a nun ân nêm a, a biek ân hawi a, lunginsietna le ra ṭhain a sip a, thlier bîk a nei naw a, a vervêk naw a nih.

1 JOHAN 5:20

Pathien Naupa chu a hung a. Mi Indiktak chu hre thei dingin hriettheina a mi pêk ti ei hriet bawk a; chun, eini, a Naupa Isu Kristaa ei um hin Mi Indiktaka chun ei um a nih. Ama chu Pathien indiktak a na, chatuona hringna khawm a nih.