2 TIMOTHE 2:16 - Pathien Lekhabu Inthieng (BSI)

¹⁶ Amiruokchu, Pathien inza nawna tieng thu hril mei mei chu nghatsan hlak rawh; chuong ang mi chu Pathien ngâisak nawna tiengah nasa nâwk zuol an ta,

2 TIMOTHE 2:16 ပူးပေါင်းရင်းမြစ်များ

EZRA 10:10

Chun, thiempu Ezra chu a ngîr suok a, an kuomah, “In bawsiet ta a, Israel ram khawhlona chu belsa dingin hmêlmak nuhmei in nei nâwk nghâl a.

HOSEA 12:1

Ephraim chun thli a ring a, Khaw sakthli chu a zui hlak a; Khêl thu le inṭhedarna thu a sukpung tiel tiel a, Assuria leh thu an thlung a, Aigupta tieng chun hriek a phur lût a.

1 KORINTH 15:33

Hlêmin um naw ro, “Ruol rilohaiin nungchang ṭha an sukkhawhlo hlak.”

1 KORINTH 5:6

In uong san hi a ṭha naw ie, chawl tlâwmtêin bei tlang chu a zawpsuo vawng hlak ti in hriet naw am a nih?

1 TIMOTHE 1:9

Hieng hi hre hai sienla, “Dân hi mi feltak ta dinga siem a ni naw a, dân pawisa nawhai le dân bawsiehai ta ding dâm, mi inthieng nawhai le Pathien inzâ nawhai ta ding dâm, pahai thattuhai le nuhai thattuhai ta ding dâmin,

1 TIMOTHE 4:7

Amiruokchu, Pathien inza nâwna le pitarhai tienami thu mei mei chu dit naw rawh. Chun, Pathien ngaisak dingin insawizawi rawh.

1 TIMOTHE 6:20

Aw Timothe, i kuoma inkawltira um chu kawl ṭha rawh, Pathien inzâ naw tieng thu hril mei mei le, indik nawtaka, “Varna,” an iti insêlna hi nghat san rawh.

2 TIMOTHE 2:14

Chuong thu chu inhriet thartir zing la, thu mei meiah an insêl nawna dingin Lalpa mithmuah ṭhahnemngaitakin inhriettir rawh, chu chu iengkhawm a ṭhahnem naw a, a ngaituhai ta dingin bohmangna a ni lem hlak.

2 TIMOTHE 2:21

Chuleiin, miin chuong thilhaia inthawk ân siekieng chun, bêl inthieng, Lalpa hmang tlâk, sin thaw ṭha tinrênga in zosa, ngaihlut ding mi nîng a tih.

2 TIMOTHE 3:13

Mi suol le hlêmtuhai ruok chu mihai hlêmin le hlêma umin suol zuol deu deu an tih.

TITA 1:11

Chuonghai bau chu huppêk ding a nih, hlêpna inthieng naw dit leia thu inchûktir naw ding inchûktirin, mihai a sûng sûngin an chawk khawhlo hlak si a.

TITA 1:14

Judahai tienami thu le, thutak nghatsantuhai thupêkhai chu an ngaisak nawna dingin.

TITA 3:9

Nisienlakhawm, indawnna invêt dâm, thlatuhai thu suina dâm, insêlna dâm, Dân thua insuolna dâm chu nghatsan pei rawh; chuong chu thil ṭangkai naw, iengkhawm ni lo a ni si a.

HEBRAIHAI 12:15

Fimkhur takin en ro, Pathien lunginsietna chu tûkhawma in chân nawna dingin, chuong naw chun khâkna zung hung inder suoka sukbuoi cheuin, chu chun mi tamtak sukpawrchein an um hlak.

2 PETER 2:18

Thu teplo uortak taka hrilin, suola umhai laia inthawka tlân suok zinghai chu tisa châknaa hurnain an thlêm thlûk hlak si a.

2 PETER 2:2

Chun, mi tamtakin an hurna tieng thilhai chu chîng vêng an ta, anni leiin lampui indik tak chu hrilsiet ning a tih.

THUPUONGSUO 13:14

Hnuoia umhai kuomah, Sahrâng kâwlhnâma hliem hnung la dam chawimawina dingin ama lim an siem ding a ni ti hrilin, Sahrâng mithmua thilmak thaw dinga thu a ihmu, chuong thilmak lei chun hnuoia umhai chu a hlêm bawk a.

THUPUONGSUO 13:3

A lu pakhat chu thipui khawp raua hliem angin ka hmu a, nisienlakhawm, thipui khawp rau dinga hliem chu a dam ta a; chuongchun, hnuoia mi po poin Sahrâng chu mak an ti a, an zui a.