2 TIMOTHE 2:12 - Pathien Lekhabu Inthieng (BSI)

¹² Ei tuor chun, Ama leh ro rêl ei tih; Ama ei inphat chun, Ama khawmin mîn phat a tih;

2 TIMOTHE 2:12 ပူးပေါင်းရင်းမြစ်များ

THUVARHAI 30:9

Ka hung tlai hin inphat ka ti che a “Lalpa chu tu am a na?” ti hlau rawi ka tih, Annawleh, ka hung pasiet hin inru rawi ka ta, Ka Pathien hming hi hrilsietnain hmang rawi ka tih.

MATTHAI 10:33

Nisienlakhawm, tukhawm mihai hmaa a mîn phat taphawt chu, ka Pa vâna mi hmaah inphat vêng ka tih.

MATTHAI 26:35

Peterin a kuomah, “I thinaa chun thi ve ding ni lang khawm inphat naw tawp ka ti che,” a ta. Chuong ang bawk chun, inchûktirhai po po chun an ti ta seng a.

MATTHAI 26:75

Chun, Peter chun, Isûn “âr a khuong hmain nangin vawi thum mîn phat i tih,” a ti kha a hung hriet nâwk ta a. Chun, a suok a, a ṭap ta ngâwi ngâwi a.

MARKA 10:33

“Ngai ta u, Jerusalemah ei hang fe nâwk ding a ni hi; Mihriem Naupa hi thiempu lalhai le Dân inchûktirtuhai kuoma inmantirin a la um ding a nih. Anni chun thi dingin a chungah thu rêlthlûng an ta, Jentailhai kuomah pêng an tih.

MARKA 8:38

Tukhawm tulai ruolthar uire le suksuol hmanghai laia kei le ka thu inzapuihai po chu, Mihriem Naupa hin vântirko inthienghai le a Pa ropuinaa inthuoma a hung pha chun, ama chu hung inzapui ve thung a tih,” a ta

LUKA 12:9

Nisienlakhawm, mihai hmaa mîn phat chu Pathien vântirkohai hmaah inphat ni vêng a tih.

LUKA 22:29

ka Pain ram a mi ruotpêk angin ram ka ruotpêk cheu hi,

LUKA 22:30

chuongchun, ka rama ka dawkâna in fâka in dâwn theina dingin; chuongchun, Israel hnam sâwmpahnihai ro rêlpêkin lalṭhungphaah la ṭhung in tih.

LUKA 9:26

Tûkhawm kei le ka thu inzapui taphawt chu, Mihriem Naupa hin ama ropuina leh, a Pa ropuina leh, a vântirko inthienghai ropuina leh a hung pha chun ama chu hung inzapui vêng a tih.

THILTHAWHAI 14:22

“Rinum tamtak tuorin Pathien ramah ei lût ding a ni hrim a nih,” tiin inchûktirhai lungril an sukdet a, ringnaa chun um zing dingin an infui a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 5:17

Mi pakhat bawsietna leiin, mi pakhat lei hmana thinain ro a rêl si chun, lunginsietna nasatak le felna thilpêk lo changtuhai khan mi pakhat Isu Krista lei khan hringnaa chun ro rêl ngei an tih.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:17

Chun, nauhai ei ni chun rohluotuhai, Pathien rohluotu, Krista hluopuituhai ei nih; chuleiin, ama ei tuorpui ding a nih, a kuoma chawimawia ei um ve theina dingin.

PHILIPPI 1:28

Ieng kawnga khawm dotuhai sukṭitin in um naw a, chu chu anni ta ding chun bohmang ding an nih ti inhriettirna fietak a nih, nangni ta ding ruok chun sandam ding in nih ti inhriettirna fietak a ni lem a; chu khawm chu Pathiena inthawk a nih.

1 TIMOTHE 5:8

Nisienlakhawm, tûkhawmin mâni mihai ta ding a ngaituo lâwk naw a, mâni insûnga mihai ta ding hman a ngaituo lâwk naw chun, ringna chu ân phat san a, awi naw mi nêkin a suol lem a nih.

JUDA 1:4

Mi tuhai amanih arûka lût an um si a; chuonghai chu Pathien ngaisak naw mihai an na, Pathien lunginsietna chu hurnaah an inchangtir a, ei hotu le ei Lalpa neisun Isu Krista chu, an awi naw bawk a. Chuong ang mihai thiemnaw chang ding zie chu tienlaia inthawk tah ziek a nih.

THUPUONGSUO 1:6

khuoletui le a Pathien le a Pa tienga thiempua mi siemtu kuomah, anih, ama kuom ngeiah, ropuina le rorêlna chu chatuonin um raw se! Amen.

THUPUONGSUO 1:9

Kei Johan, in unaupa le, Isu rinumna dâm, khuoletui dâm, selna dâm inṭâwmpuitu cheu hi, Pathien thu lei le, Isu inhriettirna thu leiin Patmos thlierkâr an tia chun ka um a.

THUPUONGSUO 2:13

Setan lalṭhungpha innghatna hmuna um i nih ti ka hriet. Nisienlakhawm, ka hming i ṭan tlat a, chun, ka thu hretu ringum Antipa, Setan umna hmuna nangni laia an that lai khawm khan, i ringna in phat chuong nawh.

THUPUONGSUO 20:4

Chun, lalṭhungphahai ka hmu a, a chungah mi an ṭhung a, an kuoma chun rorêlna an pêk a. Chun, Isu inhriettirna thu lei le, Pathien thu leia lu tanhai thlarau le sahrâng le a lim chibai bûk lova, an bâwka manih, an kuta manih inchikna nei nawhai thlarau chu ka hmu bawk a. Chuonghai chu an hung hring a, kum sâng khat sûnga dingin Krista leh rorêlin an um a.

THUPUONGSUO 20:6

Thonâwkna hmasaa ṭhanghai chu an hamṭhain an inthieng a nih; chuonghai chunga chun thi hnina chun thu hrim a nei naw a. Pathien le Krista thiempuhai nîng an ta, ama leh kum sâng khat rorêlin um lem an tih.

THUPUONGSUO 3:10

Ka selna thu i pawm lei khan, hnuoia umhai fie dinga khawvêl po po chunga fiena hun hung tlung dinga inthawk chun, kei khawmin humhim ka ti che.

THUPUONGSUO 3:21

A hnetu taphawt chu ka lalṭhungphaah ka kuomah inṭhungtir ka tih; kei khawmin ka hne a, ka pa kuomah lalṭhungphaa ka ṭhung ang khan.

THUPUONGSUO 3:8

I thilthawziehai ka hriet. Ngai ta, tûkhawm ikhâr thei naw kawtkhâr hawng sa i hmaah kân umtir, thilthawtheina tlâwmtê i nei leiin: chu chu sa khawm chun ka thu i pawm a, ka hming khawm în phat naw kha.

THUPUONGSUO 5:10

Kan Pathien ta dingin khuoletui le, Thiempuahai i siem ta si a; Chun hnuoiah ro rêl an tih,” tiin.