2 TIMOTHE 1:7 - Pathien Lekhabu Inthieng (BSI)

⁷ Pathienin ṭitna thlarau a mi pêk naw a, thilthawtheina le hmangaina le lungril feltak neina thlarau a mi pêk lem a ni si a.

2 TIMOTHE 1:7 ပူးပေါင်းရင်းမြစ်များ

INPÂKNA HLABU 119:80

Ka muolpho nawna dingin, Ka lungril hi i thuruothaia chun ṭha famkimin um raw se.

THUVARHAI 2:7

Mi tluong ta ding chun varna hrisêl chu a siekhâwl a; Lungril ṭhataka fetuhai ta ding chun phaw a nih.

THUVARHAI 8:14

Thurâwnna chu ka ta a na, hrietna hrisêl leh, Hrethiemin ka um a, thilthawtheina ka nei a nih.

ISAI 11:2

chun, Lalpa thlarau-varna le hriet theina thlarau, remruotna le hrâtna thlarau, hrietna le Lalpa ṭina thlarau chu-a chungah fûng a tih.

MIKA 3:8

Nisienlakhawm, Jakobhai kuoma an bawsietna inhriettir dingin le, Israelhai kuoma an suolna inhriettir dingin Lalpa thlarau leia thilthawtheina dâm, rorêlna dâm le hrâtna dâm chun ka sip takzet a nih.

ZEKARIA 4:6

Ama chun ka kuomah, “Hi hi Zerubbabel kuoma Lalpa thu, ‘Sipaiin ni lovin, thilthawtheina khawma ni lovin, amiruokchu, ka thlarauin,’ tia sipaihai Lalpain a hril chu a nih,” a ta.

LUKA 10:19

Ngai ta u, rûlhai le ainuvêthai sirdena thu le, hmêlma thuneina po po letthlâkna thu ka pêk cheu hi; iengkhawmin sukna naw tawp a cheu.

LUKA 15:17

“Chun, ân hriet suok phingleh, ‘Ka pa kuoma inhlâwfahai bu fâk sêng lova nei an tam vei leh, kei hlak chu hitaka hin phîngṭâmin ka thi ding a ni si a!

LUKA 24:49

Chun, ngai ta u, ka Pa thil tiem chu in chungah ka hung tir ding a nih; nisienlakhawm, chung tienga inthawka thilthawtheinaa inthuom in ni hmakhat chu khawpuia hin um zing ro,” a ta.

LUKA 8:35

Chun, thil um dân chu en dingin mihai an suok tâwl a; chun, Isu kuom an hung tlung a, khawhri isuoksanpa chu puon sila lungvar pângngai putin, Isu ke bula ṭhung an hung hmu a; chuongchun, an ṭi ta a.

JOHAN 14:27

“Thlamuongna ka mâk pêk cheu hi; keima thlamuongna ka pêk cheu a; khawvêlin a pêk ang cheuin ka pêk naw cheu hi. In lungril lunginzîng naw raw se, ṭi khawm ṭi naw raw se.

THILTHAWHAI 1:8

Nisienlakhawm, Thlarau Inthieng chu in chungah a hung tlung pha leh thilthawtheina la nei in tih; chuongchun, Jerusalema dâm, Judai le Samari ram khaw tina dâm, kâwlkawdawng chenin ka thu hretuhai nîng in tih,” a ta.

THILTHAWHAI 10:38

Nazareth Isu chungchâng thu kha, khânga ama chu Pathienin Thlarau Inthieng le thilthawtheinaa a vurzie kha; ama chun mi chunga thawṭhain le diebol suknawmnat po po sukdamin a fang vêl hlak, Pathien a kuoma a um leiin.

THILTHAWHAI 20:24

Nisienlakhawm, kân tlânsiekna lam ka hmabâk suo ding le, Pathien lunginsietzie Chanchin Ṭha inhriettir ding, Lalpa Isua inthawka kha rawngbâwl sin ka hmu kha, thaw zo phawt lang chu, ka hringna khawm thlâkhlâ tlâkah ka ruot nawh.

THILTHAWHAI 21:13

Paula chun a dawn a, “Iem a ta, in ṭap in ṭap a, ka thla in suksie ie! Lalpa Isu hming lei chun Jerusalema khuop chau ni lovin, thi khawm ka huom in sawnnaw,” a ta.

THILTHAWHAI 26:11

Chun, inkhâwmna in tinah ka hrem rawp hlak a, Pathien inhrilsiettir ka tum hrâm hlak a; an chungah ka rilo bêk bêk a, ram dang khuo chena khawm ka suknawmna hlak a.

THILTHAWHAI 26:25

Nisienlakhawm, Paula chun, “Festa ṭhatak, kân vêt naw ie; thu indiktak le thu vartak ka hril lem a ni hi.

THILTHAWHAI 6:8

Chun, Stephan chu zaidamna le thilthawtheinain a sip a, mi lai thilmak le inchikna ropuitak a thaw hlak a.

THILTHAWHAI 9:22

Saula ruok chu a hung hrât nâwk zuol a, ama chu Krista a ni takzet ti a hrilfie a, Damaskaa Juda umhai chu a sêldawng rawp hlak a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 5:5

Chun, Thlarau Inthieng ei kuoma a mi pêk khan Pathien hmangaina chu ei lungrilah a hung buok ta leiin beiseina chun a mi sukbeidawng naw a.

ROM MIHAI KUOMA TIRKO PAULA LEKHATHAWN (THE LETTER OF PAUL TO THE ROMANS) 8:15

Ṭia um nâwk dingin suok nina thlarau in chang a ni si naw a; nau nina thlarau in chang lem a nih; chu thlarau zâra chun, “Abba! (Pa)” tiin ei khêk hlak hi.

1 KORINTH 2:4

Ka ṭawngbau suok le ka thu hrilhai chu thu vara thlêmna thu a ni naw a, Thlarau le thilthawtheina inhriettirin a ni lem kha;

GALATI 5:22

Thlarau ra ruok chu hmangaina dâm, hlimna dâm, inremna dâm, dawtheina dâm, ngilneina dâm, ṭhatna dâm, ringumna dâm,

KOLOSSA 1:8

Thlarauin nangnia hmangaina ân neitir cheu thu keini mi hriltu kha a ni bawk.

HEBRAIHAI 2:15

thîna ṭi leia dam sûnga suoka um po pohai chu a sansuok theina dingin.

1 PETER 1:22

Unauhai hmangai taktak dingin, thutak zâwma in thlarau in sukthieng ta leiin lungrila ṭhahnemngaitakin inhmangai tuo ro.

1 JOHAN 4:18

Hmangainaa chun ṭitna hrim a um nawh; hmangaina famkimin ṭitna a hnawt suok lem hlak a nih, ṭitnaa chun hremna a um si a; a ṭitu chu hmangainaah a la famkim naw a nih.