2 THESSALONIKA 2:9 - Pathien Lekhabu Inthieng (BSI)

⁹ Chu Dân Bawsepa hungna chu Setan sinthaw zie ang peiin, thilthawtheina tinrêng dâm, inchikna tinrêng dâm, khêl thilmak tinrêng leh,

2 THESSALONIKA 2:9 ပူးပေါင်းရင်းမြစ်များ

2 CHANCHIN SUINA 18:20

Chun, thlarau pakhat chu a hung suok a, Lalpa hmaa chun a ngîr a, ‘Keiin hang thlêm ka tih,’ a ta. Chun, Lalpa chun, ‘Iengtinam ie?’ a ta.

FESUOKNA 7:22

Chun, Aiguptaa aisânthiemhai khawm chun dawi hmangin chuong ang tak chun an thaw ve a. Pharao lungril chu sukngarin a um zing a, Lalpain a hril ta ang khan an thu chu a ngai naw a.

FESUOKNA 8:18

Aisânthiemhai chun an dâwi hmangin hrikhai suksuok dingin an thaw ve a, nisienlakhawm, an thei naw a. Chuongchun, sa le mihriem chunga chun hrikhai chu an um ta a.

FESUOKNA 8:7

Chun, aisânthiemhai khawm chun an dawi hmangin chuong ang tak chun an thaw a, Aigupta ram chunga chun uṭawkhai chu an hung suok ve a.

ISAI 29:10

Lalpa chun îmu hêna thlarau chu in chungah a buok a, in mit, zâwlneihai chu, ân sîmtir a; in lu, hmutheituhai chu, ân khum ta si a.

EZEKIEL 14:5

an milimhai leia keimaa inthawka an invâkhmang vawng tâk leiin, Israel sûngkuo chu an lungrilhai ka lâk theina dingin’ tiin.

MATTHAI 12:22

Chu lai chun, mitdel ṭawngtheinaw khawhri iman pakhat a kuomah an hung ṭhuoi a; chun, ama chun a lo sukdam a, chuongchun, ṭawngtheinaw chu a hung ṭawng theiin, a hung hmu thei ta a.

MATTHAI 24:24

Krista tehlêm le zâwlnei tehlêmhai an hung suok ding a ni si a; thei hai sien la chu, thlanghai rau khawm an hlêm theina dingin inchikna le thilmak ropuitakhai thâwng an tih.

MATTHAI 4:10

Chu phingleh Isûn, “Setan, fe hmang dai rawh; ‘Lalpa i Pathien chibai bûk la, ama rawng chau bâwl rawh,’ ti ziek a nih,” a ta.

MARKA 13:22

Krista tehlêm le zâwlnei tehlêmhai an hung suok ding a ni si a; chuonghai chun inchikna le thilmak tak tak thâwng an tih, thei hai sienla, thlanghai rau khawm an hlêm theina dingin.

LUKA 11:25

chun, a va tlung chun phît faia cheimawiin a va hmu a.

JOHAN 4:48

Isûn a kuomah, “Inchiknahai le thilmakhai in hmu naw chun ring tawp naw ti niu,” a ta.

JOHAN 8:41

Nangni chun chu in pa thil chu in thaw hlak,” a ta. Anni chun a kuomah, “Uire naua pieng kan ni naw ie, Pa pakhat chau kan nei, Pathien chu,” an ta.

JOHAN 8:44

Nangni chu in pa Diebola inthawka suok in na, in pa dit zâwng thaw in nuom a nih. Ama chu a tîra inthawk tuolthattu a nih, thutakah a ngîr ngai nawh, a sûngah thutak hrim a um naw leiin. Khêl thu a hrilin a mizie dungzuiin a hril hlak, khêlhlip a ni si; thukhêl pa khawm a nih.

THILTHAWHAI 13:10

“Nang mi hlêm le theidaum tinrênga sippa, nang diebol naupa, nang felna tinrêng kawp nawpa, Lalpa kawng feltakhai hi suksiet ma naw ti ni maw?

2 KORINTH 11:14

Chu chu a mak nawh, Setan meu khawm var tirkoah ân siem fâwm hlak si a.

2 KORINTH 11:3

Nisienlakhawm, rûl chun a zâwrnain Evi a hlêm ang khan Krista tienga takna le inthiengnaa inthawk chu ieng amanih tiin in lungril chu sukkhawhlo rawi an tih ti kân lau a nih.

2 KORINTH 4:4

Krista Pathien angpui, a ropuizie Chanchin Ṭha var chun anni a sunvar thei nawna dingin chuongahai chun khawvêl pathienin awinawhai mit a sukdel ta a.

EPHESI 2:2

chuongahai chun inhma khan hi khawvêl dân angin in um kha, boruoka thuneina lal, tuta awinaw nauhai sûnga sin thaw zingtu thlarau dân ang hin.

2 TIMOTHE 3:8

Chun, Janni le Jambriin Mosie an kal ang khan, chuong mihai khawm chun thutak hi an kal hlak, lungril se tah, ringna kawnga chun Pathien dit naw zawng mi an nih.

JAKOB 3:15

Chu varna chu chung tienga inthawka hung thla chu a ni naw a, khawvêl le taksa châkna le khawhria inthawk a ni lem.

THUPUONGSUO 12:17

Chuongchun, dragon chu nuhmei chunga chun a hung lunginsen a, a thla la um Pathien thupêkhai zâwm a, Isu inhriettirna thu pawmhai chu do dingin a fe ta a.

THUPUONGSUO 12:9

Chun, dragon lientak, Rûlpui tar, Diebol le Setan an ti, khawvêl po po hlêmtu chu, an pei thlâk ta a; hnuoiah an pei a, a tirkohai khawm an pei thlâk sa ve a.

THUPUONGSUO 18:23

Khâwnvar khawm i sûngah var nâwk ta naw tawp a ta; pasal le mo ri khawm i sûngah hre nâwk ta naw tawp an tih. I sumdâwngtuhai chu hnuoia mi lienhai an ni si a; i dâwiin hnam po po hlêm an ni kha.

THUPUONGSUO 19:20

Chun, Sahrâng chu an man a, zâwlnei tehlêm-Sahrâng inchikna nei le a lim chibai bûktuhai a hlêmna hlak thilmak a mithmua thawtu kha-an man sa a. An pahni chun kâta kâng mei dîla chun a hringin an pei a.

THUPUONGSUO 20:10

Chun, anni hlêmtu, Diebol chu Sahrâng le zâwlnei tehlêm umna, mei le kât dîla chun an pei ta a; chuongchun, chatuonin a sûn a zâna sawisakin um an tih.

THUPUONGSUO 9:11

Vânsam khur tirko chu an chunga laltakah an nei a, Hebrai ṭawngin a hming chu Abaddon a nih, Grik ṭawng ruok chun a hming chu Apolluon a nih.