2 THESSALONIKA 2:4 - Pathien Lekhabu Inthieng (BSI)

⁴ Ama chu, Pathiena an inbûk taphawt le sakhuo po po doin an chunga um tumin inchawimawi a tih; chuongchun, Pathien biekina ṭhungin Pathien ang rauin intâr suong a tih.

2 THESSALONIKA 2:4 ပူးပေါင်းရင်းမြစ်များ

ISAI 31:3

Aigupta mihai chu Pathien an ni naw a; mihriem el an na; an sakawrhai chu thlarau an ni naw a, tisa el an na; chuongchun, Lalpain a kut a phar pha chun a ṭhangpuitu chu pêm thlawk thlawk a ta, a ṭhangpuina khawm chu tlûng a ta, an rêng chun bohmang vawng lem an tih.

EZEKIEL 28:2

“Mihriem naupa, Tura lal kuoma chun hril la, Lalpa Pathien chun hieng hin a ti a nih; i lungril chu chawisângin a um a, Pathien ka na, Pathien ṭhungphaa chun ka ṭhung a, tuipuihai lairila chun i ti leiin i lungril chu Pathien lungrilah ngai la khawm, mihriem i ni si a, Pathien ni lovin;

EZEKIEL 28:6

chuleiin, Lalpa Pathien chun hieng hin a ti a nih; I lungril chu Pathien lungril anga i siem tâk leiin,

EZEKIEL 28:9

Nangma sukhlumtu che hmaa chun, ‘Pathien chu ka nih,’ i la ti rawp ding am a nih? Mihriem chau i ni si a, Pathien ni lo, nangma inhliemtu che kuta chun.

DANIEL 11:36

“Chun, lal chun a nuom ang angin thâwng a ta, ama le ama chu inchawimawi a ta, pathien po po chunga chun ama chu inchawisâng a tih; chun, pathienhai Pathien chu kalin thil râpthlâktak takhai chu hril a tih, thaw dinga tum ta po chu thaw a ni ding a na, lunginsenna chu hrîkthlâk a ni hmakhat chu hlawtling pei a tih.

DANIEL 11:45

Chun, a lal chêngna puon in chu tlâng inthienga tuipui inkâra chun kei a ta; nisienlakhawm, a tâwpna tlung tho a tih, tukhawma ama chu an ṭhangpui si naw a.

DANIEL 7:25

Achunghnungtak chu kalin thu hril a ta, Achunghnungtak mi inthienghai chu hung suksieng a tih: chun, hunhai le dân chu sukdanglam dingin ngaituong a ta, hun khat le hunhai le hun chenve sûng chu a kuta pêk nîng an tih.

DANIEL 7:8

Kihai chu ka ngaituo a; chun, ngai ta, anni lai chun ki dang, ki chitê hi a hung suok a, chu hmaa chun ki hmasa pathumhai kha an zung chena phawi dawkin an um tah a; chun, ngai ta, chu kia chun mihriem mithai ang mithai le, bau chapotaka ṭawngsuok chu a um bawk a.

THILTHAWHAI 17:23

Ka lêng malama, chibai in ibûkhai ka en laiin, maichâm pakhat, a chungah, ‘HRIET NAW PATHIEN TA DING,’ tia ziek ka hmu a nih. Chuongchun, hre lova chibai in ibûk hlak kha, ama thu chu ka hril cheu a ni hi.

1 KORINTH 8:5

Vâna manih, hnuoia manih pathien hmingput um hai sienkhawm, (chuong ang pathien tamtak le lalpa tamtak an um si a,)