2 THESSALONIKA 2:2 - Pathien Lekhabu Inthieng (BSI)

² “Lalpa Ni chu a tlung zing tah,” tina thlarau leiin amanih, thu leiin amanih, kan kuoma inthawka lekhathawn ang leiin amanih, in lungril inhnîng el nawna ding le in buoi bawk nawna dingin kan ngên cheu a nih.

2 THESSALONIKA 2:2 ပူးပေါင်းရင်းမြစ်များ

ISAI 26:3

I chunga lungril innghattu chu nang a ring che leiin, lungmuongtaka um dingin vêng i tih.

ISAI 7:2

Chun, David sûnghai chu, “Suria chu Ephraim leh an ṭhang hmunkhat tah,” tiin an hril a. Chuongchun, a lungril le a khuoletuihai lungril chu, ramhnuoi thinghai thliin a sukhnîng suou suou ang hin, sukhnîngin a hung um ta a.

MIKA 2:11

Mumal neilo le indik nawtaka, “Uoin le zu chungchang thu i kuomah hril ka tih,” tia miin khêl a hril chun hieng mihai zâwlnei hi ni chau a tih.

MATTHAI 24:24

Krista tehlêm le zâwlnei tehlêmhai an hung suok ding a ni si a; thei hai sien la chu, thlanghai rau khawm an hlêm theina dingin inchikna le thilmak ropuitakhai thâwng an tih.

MARKA 13:7

Chun, indo thu le indo thuthang dâm in hriet pha leh lunginzing naw ro; chuongchu hung tlung ding hrim a nih; nisienlakhawm, tâwpna chu la ni hri naw ni.

LUKA 21:19

In selnain in hringna sanhim in tih.

LUKA 21:9

Chun, indo thu le buoi thu in hriet pha ṭi naw ro; chuong chu a tlung hmasa ding hrim a nih, tâwpna ruok chu tlung nghâl el hri naw ni,” a ta.

JOHAN 14:1

“In lungril lunginzîng naw raw se; Pathien in ring, kei khawm mi ring ve ro.

JOHAN 14:27

“Thlamuongna ka mâk pêk cheu hi; keima thlamuongna ka pêk cheu a; khawvêlin a pêk ang cheuin ka pêk naw cheu hi. In lungril lunginzîng naw raw se, ṭi khawm ṭi naw raw se.

1 KORINTH 1:8

Ama chun ei Lalpa Isu Krista niah sawisêlboa in um theina dingin a tâwp chenin sukdet bawk a ti cheu.

1 KORINTH 14:32

Thuhriltuhai thlarauhai chu thuhriltuhai thununin an um a nih.

1 KORINTH 7:26

Chuongchun, tulai rinumna lei hin hi hi ṭhain ka ring, mi a um ngaia a um zing hi.

EPHESI 5:6

Tûkhawmin thu teplo mei meiin hlêm naw raw se cheu, chuong thil lei chun Pathien lunginsenna chu ringnaw nauhai chungah a tlung hlak si a.

1 THESSALONIKA 3:3

hieng rinum tuorna lei hin tûkhawm an inhnîng nawna dingin; hienghai hi tuor dinga ruot kan nih ti nangni ngeiin in hriet si a.

1 THESSALONIKA 4:15

Hi hi Lalpa thuin in kuomah kan hril a nih; eini Lalpa hung pha chena dama lo la um zinghai hin, a in tahai chu lekhal naw tawp ei tih, ti hi.

1 THESSALONIKA 5:2

Lalpa Ni chu zâna inru angin a hung tlung ding a nih ti nangni ngeiin chiengtakin in hriet si a.

2 THESSALONIKA 2:15

Chuongchun, unauhai, ngîr det unla, thurosiehai chu, thu hrilin amanih, kan lekhathawnin amanih kan inchûktir cheu kha, pawm tlat ro.

2 THESSALONIKA 3:17

Kei Paulain, keima kut ngeia chibai ka bûkna cheu a ni hi, hi hi ka lekhathawn tina inchikna a nih; hieng anga ka ziek hi.

THUPUONGSUO 19:20

Chun, Sahrâng chu an man a, zâwlnei tehlêm-Sahrâng inchikna nei le a lim chibai bûktuhai a hlêmna hlak thilmak a mithmua thawtu kha-an man sa a. An pahni chun kâta kâng mei dîla chun a hringin an pei a.