2 SAMUEL 8:18 - Pathien Lekhabu Inthieng (BSI)

¹⁸ chun, Jehoiada naupa Benaia chu Kereth mi le Peleth mihai hotu a nih; chun, David naupasalhai chu thiempu an nih.

2 SAMUEL 8:18 ပူးပေါင်းရင်းမြစ်များ

2 SAMUEL 15:18

Chun, a mi po pohai chun an fe khêl a, chun, Kerith mi po pohai, Peleth mi po pohai le Git mi za ruk Gath-a inthawka ama hung zuituhai chun lal chu an pêl pei a.

2 SAMUEL 20:23

Joab chu Israelhai po po sipai hotu a na, chun, Jehoiada naupa Benaia chu Kereth mi le Peleth mihai hotu a nih;

2 SAMUEL 20:26

chun, Jair mi Ira khawm chu David thiempu a nih.

2 SAMUEL 20:7

Chuongchun, Joab rawihai, Kereth mihai le, Peleth mihai le an mi hrâthai po po chun ama an zui suok ta a; Jerusalema inthawk chun Bikri naupa Seba chu hnawt dingin an suok ta a.

1 LALHAI 1:38

Chuongchun, thiempu Zadok hai, zâwlnei Nathan hai, Jehoiada naupa Benaia hai, Kereth mihai, Peleth mihai chu an zu fe a, Solomon chu David sabengtung chunga chun an inchuongtir a, Gihon hmuna chun an ṭhuoi a.

1 LALHAI 1:44

ama ruol chun thiempu Zadok hai, zâwlnei Nathan hai, Jehoiada naupa Benaia hai, Kereth mihai, Peleth mihai lalin a tir a, lal sakawr chungah an inchuongtir ta a:

1 LALHAI 1:8

Thiempu Zadok hai, Jehoiada naupa Benaia hai, zâwlnei Nathan hai, Simei hai, Rei hai le David mi huoisenhai ruok chu Adonija tieng an ṭhang ve naw a.

1 LALHAI 2:25

Chuongchun, lal Solomon chun Jehoiada naupa Benaia chu a tir a, ama chu a va thaw a, a thi ta a.

1 LALHAI 4:4

Jehoiada naupa Benaia chu sipai hotu a na; Zadok le Abiathar chu thiempu an nih;

1 LALHAI 4:5

Nathan naupa Azaria chu hotuhai chunga mi a na; Nathan naupa Zabud chu thiempu le lal ruolpa a na,

2 LALHAI 11:4

Chun, a kum sarinaa chun Jehoiadain Kereth mihai le vêngtu sipaihai laia mi sipai za hotuhai chu ân kotir a, Lalpa inah a kuomah ân ṭhuoi lûttir a; chun, an kuomah thu a thlung a, Lalpa ina chun ṭawng ân khâmtir a; lal naupa chu ân entir tâwl a.

1 CHANCHIN SUINA 11:22

Kabzeel mi, mi thilthawtheitak naupa, Jehoiada naupa Benaia, thil nasatakhai thawtu chu a nih: Moaba Ariel naupasal pahnihai chu a that a, a fe thla a, vûr tlâk hun laiin pûk sûnga chun sakeibaknei a that bawk a.

1 CHANCHIN SUINA 18:17

Jehoiada naupa Benaia chu Kereth le Peleth mihai chunga hotu a nih; chun, David naupasalhai chu lal tienga hotu an nih.

EZEKIEL 25:16

chuleiin, Lalpa Pathien chun hieng hin a tih: Ngai ta, Philistin mihai chunga chun ka kut inlet ka ta, Kereth mihai chu sât thlâng ka ta, tuipui panga mi um sun hai chu sukbohmang ka tih.

ZEPHANIA 2:5

Kereth hnam, tuipui kama chênghai chu an chung a va rik de! Aw Kanaan, Philistin mihai ram, Lalpa thu chu nangma chungah a hung tlung a nih; Suksieng ka ti che a, a hluotu che um naw ni hai.

1 SAMUEL 30:14

Kereth Sim ram le Juda chan Sim ramhai kan rûn a, chun, Kaleb Sim ram kan rûn bawk a; chun, Ziklag khuo khawm kan raw a,” a ta.