2 SAMUEL 8:15 - Pathien Lekhabu Inthieng (BSI)

¹⁵ Chuongchun, David chun Israel mi po pohai chungah ro a rêl a; chun, David chun a mihai po po chunga chun feltakin ro a rêl a.

2 SAMUEL 8:15 ပူးပေါင်းရင်းမြစ်များ

2 SAMUEL 15:3

Chun, Absalom chun, “I aw, i thu chu a ṭhain ân dik a, nisienlakhawm, ngaituotu dingin lalin tukhawm a ruot nawh,” a lo ti hlak a.

2 SAMUEL 20:23

Joab chu Israelhai po po sipai hotu a na, chun, Jehoiada naupa Benaia chu Kereth mi le Peleth mihai hotu a nih;

2 SAMUEL 3:12

Chun, Abner chun ama aiawin David kuoma chun, “Hi ram hi tu ta am a ni a?” tiin mitirhai a tir a; chun, “Ka kuomah thu thlung rawh, chuongchun, ngai ta, Israel mi po po i kuom tienga ṭhang dingin ka kut chu nangma tieng ṭhang a tih,” tiin a hril nâwk a.

2 SAMUEL 5:5

Hebrona chun Judahai chungah kum sari le thla ruk ân lal a; chun, Jerusalemah Israelhai le Judahai po po chungah kum sâwmthum le kum thum ân lal bawk a.

2 SAMUEL 8:14

Chun, Edoma chun râl vêng sipai a sie a, Edom ram hmun tinah sipai a sie nghuon el a; chuongchun, Edom mihai po po chu David siehlawhai an hung ni ta a; chuongchun, Lalpain David chu a fena tieng taphawtah ân hnetir ta pei a.

2 SAMUEL 8:16

Chun, Zeruia naupa Joab chu sipai hotu tak a na; chun, Ahilud naupa Jehosaphat chu chanchin ziektu a nih;

1 LALHAI 10:9

Lalpa i Pathien, i chunga lâwm êm êm, Israelhai lalṭhungphaa inṭhungtirtu che hi inpâkin um raw se; Lalpain kumkhuoin Israelhai hi a hmangai a, chuleiin, feltaka ro rêl dingin lalah a siem che a ni hi,” a ta.

1 LALHAI 4:1

Lal Solomon chu Israelhai po po chungah lalin a um ta a.

1 CHANCHIN SUINA 18:14

Chun, David chun Israelhai po po chunga chun ro a rêl a; a mi po pohai chungah indiktak le feltakin ro a rêl a.

INPÂKNA HLABU 119:121

Ro ka rêl a, feltakin ka thaw hlak a nih, A mi nêksâwrtuhaia inthawkin mi thlathlam naw rawh.

INPÂKNA HLABU 72:2

I mihai chu felnain ro rêlpêk a ta, I mi rimsihai chu rorêlna felin ro rêlpêk a tih.

INPÂKNA HLABU 75:2

Hun ruot chu ka hmu pha chun, Indiktakin ro rêl ka tih.

INPÂKNA HLABU 89:14

Felna le rorêlna fel chu i lalṭhungpha innghatna a na, Ngilneina le thutak chu i hmaah an fe hlak,

ISAI 9:7

David lalṭhungpha chunga le a ram chungah a rorêlna pungzie le inremnain tâwpintai nei naw nih, sukdet ding le tuta inthawka chatuon chen khawma rorêlna le felnaa tungding dingin. Sipaihai Lalpa ṭhahnemngaina chun chuong chu thâwng a tih.

AMOS 5:15

Suolna chu theida unla, ṭhatna ngaina unla, kawtkhâra rorêlna chu inngîr nghet ro; Josefhai laia hlabîkhai chunga chun Lalpa, sipaihai Pathien chun lunginsietna a nei el rawi mawh.

AMOS 5:24

Nisienlakhawm, rorêlnahai chu tuihai angin le felna chu vadungpui angin luong raw se.

HEBRAIHAI 11:33

Chuonghai chun ringnain ramhai an lâk a, thil fel an thaw a, thutiemhai an chang a, sakeibaknei khâkhai an sukchîp a, mei thilthawtheina an sukmit a, kâwlhnâm ngei chenin an pumpel a.

1 SAMUEL 14:47

Saula chu Israelhai chunga rorêltua a hang ṭhang chun kil tina a hmêlma, Moab mihai, Ammon mihai, Edom mihai, Zoba lalhai dâm, Philistin mihai chu a do a; ân herna tienga taphawt chu a hne pei el a.