2 SAMUEL 8:1 - Pathien Lekhabu Inthieng (BSI)

¹ Chun, chu hnunga chun David chun Philistin mihai chu a thaw a, a hne ta a; chuongchun, David chun Philistin mihai thuneina khawpui chu a lâkpêk ta a.

2 SAMUEL 8:1 ပူးပေါင်းရင်းမြစ်များ

2 SAMUEL 19:9

Israelhai ruok chu anni puon in sengah an fe ta a. “Lal chun ei hmêlmahai kuta inthawkin a mi sansuok a, Philistin mihai kuta inthawkin a mi sandam ta a; chun, tuhin hi rama inthawk hin Absalom chu a tlân hmangsan a.

2 SAMUEL 2:24

Nisienlakhawm, Joab le Abisai chun Abner chu an hnawt pei a, chun, Gibeon thlalêr lampuia Gia dep Amma tlâng an tlung chun nisa a tla ta a.

2 SAMUEL 22:44

Nangin ka mihai innêkbuoinaa inthawk khawmin i mi sanhim ta a, Hnam tin luah i mi siem a. Ka hriet ngai naw hnam chun ka rawng an bâwl a.

2 SAMUEL 5:17

Philistin mihai chun David chu Israelhaiin lala um dingin hriek an nâl ti an hrietin Philistin mihai po po chu David zawng ding chun an hang fe ta a; David chun chu chu a lo hrietin a kulbînga chun a fe a.

2 SAMUEL 5:25

Chuongchun, Lalpain thu a pêk angin David chun a thaw a, Philistin mihai chu Gebaa inthawka Gezer chenin a that a.

2 SAMUEL 7:9

chun, i fena taphawtah i kuomah ka um pei a, i hmaa chun i hmêlmahai ka sukbo pei a, hnuoia mi ropuitakhai hming ang hming ropuitak siempêk ka ti che.

INPÂKNA HLABU 18:43

Nangin mihai insuolnaa inthawk chun i mi sanhim ta a, Hnam tinhai lua chun i mi siem ta a. Ka hriet ngailo mihai chun ka rawng bâwl tâng an tih.

INPÂKNA HLABU 60:2

Hi ram hi i sukthin a, i sukkak ta a, A kakhai chu siemṭha nâwk la, ân hnîng ân hnîng si a.

INPÂKNA HLABU 60:8

Moab chu kân sâwpna bêl a na; Edoma chun ka kekawk pei ka tih; Philistia khawm chu hnein khêk khum ka tih,” tiin.

HEBRAIHAI 11:33

Chuonghai chun ringnain ramhai an lâk a, thil fel an thaw a, thutiemhai an chang a, sakeibaknei khâkhai an sukchîp a, mei thilthawtheina an sukmit a, kâwlhnâm ngei chenin an pumpel a.

HEBRAIHAI 11:34

Hrât nawnaa inthawka hrâttaka siemin an um a, indonaa chun mi hrât khawkhêng an lo na, hnam dang indo pâwlhai an intlânsiettir a.

1 SAMUEL 7:13

Chuongchun, Philistin mihai chu an tlâwm ta a, Israelhai rama chun an fe nâwk ta naw a. Chun, Lalpa kut chun Philistin mihai chu Samuel dam sûng po chun a tai ta zing a.