2 SAMUEL 7:9 - Pathien Lekhabu Inthieng (BSI)

⁹ chun, i fena taphawtah i kuomah ka um pei a, i hmaa chun i hmêlmahai ka sukbo pei a, hnuoia mi ropuitakhai hming ang hming ropuitak siempêk ka ti che.

2 SAMUEL 7:9 ပူးပေါင်းရင်းမြစ်များ

INṬANNA 12:2

Chuongchun, chi ropuitakah siem ka ti che a, mal khawm sâwm ka ti che a, i hming sukropui bawk ka tih: nang malsâwmna nîng i tih.

2 SAMUEL 22:1

Chun, David chun a hmêlmahai po po kuta inthawk le Saula kuta inthawk Lalpain a sansuok ni chun hi hla thu hi Lalpa kuomah a hril a;

2 SAMUEL 22:30

Nangma ṭhangpuiin râl ka hne a, Ka Pathien ṭhangpui bawkin kul kân châwmhlên a nih.

2 SAMUEL 22:43

Chu phingle chun hnuoia pilvut ang elin ka vuok phit a, Khawlai chirhak ang elin ka sukhmât a, ka sukdar ta a.

2 SAMUEL 23:1

Hieng hi David thuhril nuhnung tak a nih, Jesai naupa David chun a hril a; “Insângtaka dawm sânga, Jakob Pathien hrieknâl, Israelhai hla mawitak phuoktu chun a hril a;

2 SAMUEL 5:10

Chuongchun, David chu a hung ropui ta deu deu a, Lalpa, sipaihai Pathien chu a kuoma a um pei leiin.

2 SAMUEL 8:13

Chun, David chu Chi Ruoma, Suria mi sîng khat le sâng riet a thaw hung tieng chun a hming ân thang ta a.

2 SAMUEL 8:14

Chun, Edoma chun râl vêng sipai a sie a, Edom ram hmun tinah sipai a sie nghuon el a; chuongchun, Edom mihai po po chu David siehlawhai an hung ni ta a; chuongchun, Lalpain David chu a fena tieng taphawtah ân hnetir ta pei a.

2 SAMUEL 8:6

Chuongchun, David chun Suria rama Damaskaa chun sipaihai a sie a; chuongchun, Suria mihai chu David siehlawhai an hung ni ta a, thilpêkhai an hung pêk hlak a. Chun, Lalpain David chu a fena tieng taphawta chun ân hnetir pei a.

1 CHANCHIN SUINA 17:8

i fena taphawtahai chun ka hung ve pei a, i hmêlmahai po po chu i hmaa inthawkin ka sat thlâkpêk che a; chuongchun, leihnuoia um, mi ropuitak hming angin i hming chu siem ka tih.

INPÂKNA HLABU 21:6

Kumkhuoa dingin malsâwmna nasatak dawngin i siem si a I hmaah hlimnain i suklâwm hlak.

INPÂKNA HLABU 89:23

Ama dotuhai chu a hmaah vaw thlûng ka ta, Ama theidatuhai chu sawisâng ka tih.

LUKA 1:52

An ṭhungphaa lal inṭhunghai chu a hnûk thlâk a. Mi inhnuoihai chu a dawm sâng ta a.

JOSUA 6:27

Chuongchun, Lalpa chu Josua kuoma chun a um a, a ram pumpuia chun a hming a hung inthang ta a.

1 SAMUEL 18:14

Chun, David chu a thilthaw taphawtah feltakin a châng hlak a, Lalpa chu a kuomah a um a.

1 SAMUEL 18:30

Chuongchun, Philistin mi lienhai chu an vân thawk hlak a; chun, an hung inthawk dawk po leh David chu Saula siehlawhai po po nêka fel lemin a châng hlak a, chuongchun, a hming chu an chawisâng hle el ta a.

1 SAMUEL 2:8

Pilvuta inthawkin pasie chu a keitho hlak a, Pasie chu êkdûra inthawkin a chawikâng hlak, Mi lienhai kuomah ân umtir theina ding le, Ropuina lalṭhungpha an chang theina dingin, Leihnuoi innghatsan chu Lalpa ta a nih; Khawvêl chu a chungah ân nghat ta si a.

1 SAMUEL 31:6

Chuongchun, Saula leh, a naupasal pathumhai leh, a râlthuom chawitu leh, a mihai po po leh, chu ni ngei chun an thi seng tah a nih.

1 SAMUEL 5:10

Chuongchun, Pathien bâwm chu Ekronah an infetir a. Pathien bâwm chun Ekron a va tlung chun, Ekron khuoa mihai chu, “Israelhai Pathien bâwm chu eini le ei mihai sukhlum dingin ei kuomah an hung lâk tah,” tiin an khêk ta rak el a.