2 SAMUEL 7:8 - Pathien Lekhabu Inthieng (BSI)

⁸ Chuleiin, ka siehlaw David kuomah, Sipaihai Lalpa chun hieng ang hin a ti a nih, ‘berâm tlatna hmuna inthawka i berâm vêng lai chun ka mi Israelhai chunga hotu dingin ka lâk che a;

2 SAMUEL 7:8 ပူးပေါင်းရင်းမြစ်များ

2 SAMUEL 12:7

Chuongchun, Nathan chun David kuomah, “Chu mi chu nang hi i nih, Lalpa, Israelhai Pathien chun hieng ang hin a tih, Israelhai lal ni dingin hriek ka nâl che a, Saula kuta inthawkin ka sansuok che a;

2 SAMUEL 14:13

Ama chun, “Hril ta la,” a ta. Chun, nuhmei chun, “Annawleh, ieng leia Pathien mihai dodâla hienga thaw i tum am a ni a? Hieng thua inthawk hin lal chu thiemnaw chang angin ân lang a nih, lal chun a mi tlân hmang chu a ṭhuoikîr nâwk si naw lei hin.

2 SAMUEL 23:1

Hieng hi David thuhril nuhnung tak a nih, Jesai naupa David chun a hril a; “Insângtaka dawm sânga, Jakob Pathien hrieknâl, Israelhai hla mawitak phuoktu chun a hril a;

2 SAMUEL 24:17

Chun, Davidin mi sukhlumtu vântirko a hmu chun Lalpa a biek a, “Ngai ta, ka lo suol ta a, indik nawtakin thil ka lo thaw tah a nih; nisienlakhawm, hieng berâmhai hin ieng thil am an thaw a? I kut chun keima le ka pa sûnghai mi tâwk lem raw se aw,” a ta.

2 SAMUEL 5:2

Kha hmaa Saula kan chunga ân lal laia Israelhai ṭhuoi suok le ṭhuoi lûttu i ni hlak a; chun, Lalpa chun i kuomah, ‘Ka mi Israelhai chu châwm i ta, Israelhai chungah hotuin um i tih,’ a ti kha,” an ta.

2 SAMUEL 6:21

David chun Mikal kuoma chun, “I pa le a sûnghai po po aiah mi thlang a, Lalpa mi Israelhai chunga lal dinga mi ruottu Lalpa hmaah i sawnnaw, Lalpa hmaa chu lâm âwm hrim ka nih.

1 LALHAI 3:6

Solomon chun, “I siehlaw ka pa David kha i mithmua thutak le, felnaa leh, lungril indiktak puta a um ang pei khan nang chun a kuomah lunginsietna nasatak în langtir a, nangin hi lunginsietna nasatak hi a ta dingin i sie pêk a, a lalṭhungphaa ṭhung ding naupa i pêk a, vawisûna a hung um ta ang ngei hin.

1 LALHAI 8:16

‘Aigupta rama inthawka ka mi Israelhai ka ṭhuoi suok nia inthawkin Israelhai hnam laia khâwlai khuo khawm hi ka hming umna dinga in bâwlna dingin ka la thlang ngai naw a, amiruokchu, ka mi Israelhai hotu ding chun David hi ka thlang a nih,’ tia lo hriltu ama kut ngeia hung sukpuitlingtu hi inpâkin um raw se.

1 CHANCHIN SUINA 17:7

Chuleiin, ka siehlaw David kuoma chun tuhin hang hril la, ‘Sipaihai Lalpa chun hieng hin a tih: Ka mi Israelhai chunga lal ni dingin, berâm tlatna hmuna berâm hnung zuinaa inthawk ka lâk suok che a;

1 CHANCHIN SUINA 21:17

Chun, David chun Pathien kuoma chun, “Mipuihai chu tiem dinga thu pe kha kei ka ni naw am a nih? Khawhlotaka thaw a, lo suksuol ta kha kei ngei ka nih; amiruokchu, hieng berâm ruolhai hin ieng am an thaw a? Aw Lalpa ka Pathien, ka hni che, i kut chu ka chunga le ka thlatuhai sûngkaw chunga hin tla sienla; i mihai chungah ni lovin, hri tuora an um nawna dingin,” a ta.

AMOS 7:15

Lalpa chun berâm ruol vêngnaa inthawk chun a mi lâk a, Lalpa chun ka kuomah, ‘Fe la, ka mi Israelhai kuomah thu hril rawh,’ a mi ti a.

THILTHAWHAI 7:46

Chu David chu Pathien mithmuin ditsak tlâkin a um a, Jakob Pathien ta dinga umna ding siempêk a hni a.

1 SAMUEL 10:1

Chuongchun, Samuel chun hriek bâwm chu a hung lâk suok a, a lua chun a bur a, a fâwp a, “Lalpa chun a rochan hai chunga hotu dingin hriek a nâl che a ni naw am a nih? Lalpa mipuihai chungah ro rêl i ta, an vêla an hmêlmahai kuta inthawkin sandam i tih. Chun, hi hi Lalpain a rochanhai chunga hotu dingin a ruot che ti inchikna chu ning a tih.

1 SAMUEL 2:8

Pilvuta inthawkin pasie chu a keitho hlak a, Pasie chu êkdûra inthawkin a chawikâng hlak, Mi lienhai kuomah ân umtir theina ding le, Ropuina lalṭhungpha an chang theina dingin, Leihnuoi innghatsan chu Lalpa ta a nih; Khawvêl chu a chungah ân nghat ta si a.

1 SAMUEL 9:16

“Zîngah hieng ang hun lai hin Benjamin rama inthawkin i kuomah mi pakhat ka hung tir ding a na, ka mi Israel chunga hotu ni dingin hriek nâl i ta, ama chun Philistin mihai kuta inthawkin ka mihai sandam a tih; an khêkri chun ka kuom a hung tlung ta leiin ka mihai chu ka ngaisak tah a nih,” tiin.