2 SAMUEL 7:18 - Pathien Lekhabu Inthieng (BSI)

¹⁸ Chuongchun, lal David chu a lût a, Lalpa hmaa chun a ṭhung a, “Aw Lalpa PATHIEN, tu am ka na, ka sûnghai tu am an na, hi chen chen hi i mi ṭhuoi?

2 SAMUEL 7:18 ပူးပေါင်းရင်းမြစ်များ

INṬANNA 32:10

i siehlaw chunga lunginsietna po po în langtir le thutak po po în langtir laia a chîntak khawm hi hmu tlâk ka ni nawh; hi Jordan hi ka hmawl le bak ka kân a; tuhin chu pâwl hni zet ka lo ni ta hi.

INṬANNA 32:11

Lunginsiettakin ka u kuta inthawk, Esau kuta inthawk ngei chu mi sanhim rawh, nunau puma a mi hung that ka ṭi si a.

2 SAMUEL 23:5

Ei sûngkuo chu Pathien kuoma inthawk a ni naw am a nih? Chatuon thuthlung ka kuomah a thlung a; Iengkim fel le suknghet tlatin; Ka sandamna kim le duthusâm kim, Ân der suoktir naw ding maw?

2 SAMUEL 7:17

Chuong thu po po ang le, chu inlârna ang chie chun Nathanin David kuoma chun a hril a.

1 CHANCHIN SUINA 17:16

Chun, lal David chu a lût a, Lalpa hmaa chun a ṭhung ta a; chun, ama chun, “Aw Lalpa Pathien, tu am ka na, ka insûng khawm ieng am a ni hrim a, hieng chen lâwm lâwm i mi ṭhuoi hi?

1 CHANCHIN SUINA 29:14

Hieng anga inhâwktaka inhlân theina che kan hung nei hi, kei hi tu am ka na, ka mihai khawm hi tuhai am an na? thil po po chu nangmaa inthawka suok a na, nangma ta ma ma chu kan pêk el che a ni si a.

INPÂKNA HLABU 8:4

Mihriem hi ieng am a na, i hriet zing hlak a na? Mihriem naupa khawm hi ieng am a nih a i kan hlak a na? ka ti hlak.

FESUOKNA 3:11

Mosie ruok chun Pathien kuomah, “Tu am ka ni a, Pharao kuoma ka fe a, Israel mihai Aiguptaa inthawk ka hung ṭhuoi suok el ding chu?” a ti a.

ISAI 37:14

Chun, Hezekia chun palaihai kuta inthawk chun lekha chu a hmu a, a hang tiem a, chuongchun, Hezekia chu Lalpa ina chun a hang lût a, Lalpa hmaa chun a phar ta a.

EPHESI 3:8

Kei mi inthieng po po laia chîntak nêka chîn lem kuoma hin chu lunginsietna chu pêk a nih: Krista hausakzie suisuok ruollohai chanchin chu Jentailhai kuoma hril ding le,

RORELTUHAI 6:15

Ama chun a kuomah, “Aw Lalpa, iengtin am Israelhai hi hang sansuok el hlak ka ti lie? Ngai ta, Manasse thlahai laia hnam châu tak ka ni a, kei hlak hi ka pa sûngkuo laia a chîn tak ka ni bawk si a,” a ti a.

RUTH 2:10

Chun, ama chu a kûn a, hnuoi sikin a bawkkhup a, a kuomah, “Hnam dang ka ni si a, hienga i mi lo hriet nuoma i mi lo lunginsiet hi iengtizie am a ni leh?” a ti a.

1 SAMUEL 15:17

Chun, Samuel chun, “Nanga ngaia chun mi chîntak ni la khawm, Israelhai hotu dinga siem i ni a ni naw am a nih? Chun, Lalpa chun Israelhai lal dingin hriek a nâl che a;

1 SAMUEL 18:18

Chun, David chun Saula kuomah, “Tu am ka na, ka hringna le Israelhai lai ka pa sûnghai chu ieng am an na, lal mâkpa ka hang nina san ding chu?” a ta.

1 SAMUEL 9:21

Saula chun a dawn a, “Israel hnam laia chîntak, Benjamin hnam ka ni naw am a nih? Chun, kan sûngkuo khawm Benjamin hnam sûngkuo lai po poa chîntak a ni naw am a nih? iengtiziea ka kuoma hienga hril am i nih a?” a ta.