2 SAMUEL 7:16 - Pathien Lekhabu Inthieng (BSI)

¹⁶ Chun, i sûngkuo le i ram chu chatuona suknghet tlat nîng a ta, i lalṭhungpha chu chatuona suknghet nîng a tih,’ a tih,” tiin Lalpa thu a hung tlung a.

2 SAMUEL 7:16 ပူးပေါင်းရင်းမြစ်များ

INṬANNA 49:10

Lal hmawl chu Judaa inthawk hin bo naw ni a, Rorêltu hmawl chu a ke kâra inthawkin bo naw bawk a tih; A neitu takpa a hung hmakhat chun; Hnam tinin ama thu awi an tih.

2 SAMUEL 22:51

Ama chun sandamna ropuitak a lal a pêk hlak a; A hrieknâl chungah, David le a thlahai chung ngeia chun, Kumkhuoin a zainêmzie inlangtir a tih,” a ti a.

2 SAMUEL 7:13

Ama chun ka hming dingin in bâwl a ta; chun, a ram lalṭhungpha chu kumkhuoa dingin suknghet ka tih.

2 SAMUEL 7:17

Chuong thu po po ang le, chu inlârna ang chie chun Nathanin David kuoma chun a hril a.

1 LALHAI 2:4

Lalpain ka chungchâng thua, ‘I thlahaiin an lungril tak le, an lungvar taka ka mithmua thutaka um dinga an umdân an fîmkhur chun Israelhai lalṭhungphaa ṭhung ding tlasam naw ti ni,’ tia a hril kha a sukdet ding a nih.

1 LALHAI 9:5

Israelhai chunga hin i ram lalṭhungpha chu kumkhuoa dingin suknghet ka tih, i pa David kuoma, ‘Israelhai lalṭhungphaa ṭhung ding tlasam naw ti nih,’ tia ka lo tiem ta ang khan.

2 LALHAI 19:34

Keima lei le ka siehlaw David leiin hi khawpui hi sanhim dingin ka vêng ding a nih,” tiin.

2 LALHAI 8:19

Nisienlakhawm, Lalpain a siehlaw David leiin Juda ram chu a suksiet nuom naw a; a thlahai chena khâwnvar inneitir zing a lo tiem ta si a.

2 CHANCHIN SUINA 6:16

Chuleiin, tuhin aw Lalpa, Israelhai Pathien, ‘Ka hmaa i khawsak anga, ka dân hraw dinga i thlahaiin an pawi sa chun; ka mithmuah Israel lal ṭhungphaa ṭhung ding mi intlâksamtir naw ning che,’ tia ka pa David i siehlaw kuoma i lo tiem ta kha hung hre zing rawh.

JOB LEKHABU (THE BOOK OF JOB) 36:7

Mi fela inthawk chun a mithai a lâk kîr ngai naw a, Amiruokchu, lalṭhungphaah lalhai leh an um a; Kumkhuoin anni chu a tungding a, chawimawi an ni hlak.

INPÂKNA HLABU 45:6

Aw Pathien, i lalṭhungpha chu chatuonin a um ding a nih, Thlierbîkna nei lona lalhmawl chu i ram lalhmawl chu a nih.

INPÂKNA HLABU 72:5

Nisa khi a um sûng phawt chu ṭîng an ti che a Thla um sûng po khawmin, suon um sûng po po chun.

INPÂKNA HLABU 89:4

“I thlahai chu kumkhuoa dingin sukdet ka ta, I lalṭhungpha khawm suon po po chenin inngîr zing ka tih,” tiin.

ISAI 9:6

Ei ta dingin naupang a hung pieng a, naupa pêkin ei um ta a; rorêlna chu a liengkoah chuong a ta, a hminga chun Remruottu Mak, Pathien Hrât, Chatuon Pa, Remna Lal an ti ding a ni si a.

ISAI 9:7

David lalṭhungpha chunga le a ram chungah a rorêlna pungzie le inremnain tâwpintai nei naw nih, sukdet ding le tuta inthawka chatuon chen khawma rorêlna le felnaa tungding dingin. Sipaihai Lalpa ṭhahnemngaina chun chuong chu thâwng a tih.

JEREMIA 17:25

hi dai kawtkhârhaia hin lalhai le rorêltuhai David lalṭhungphaa ṭhunghai chu sakawr tawlailîr le sakawr chunga chuongin, anni le an rorêltuhai le Juda mihai le Jerusalem hluotuhai chu la lût an tih; chun, hi khawpui hi kumkhuoin um zing bawk a tih.

JEREMIA 33:17

“Lalpa chun hieng hin a ti si a: Israel sûngkuo lalṭhungpha chunga ṭhung ding, David chun mi tlasam ngai naw ni;

EZEKIEL 37:25

Ka siehlaw Jakob kuoma ram ka pêk, in thlatuhai chêngnaa khan chêng an ta; chutaka chun kumkhuoa dingin chêng an ta, anni le an nauhai leh, an nauhai nauhai leh; chun, ka siehlaw David chu kumkhuoa dingin an lal nîng a tih.

DANIEL 2:44

Chun, chuong lalhai huna chun vâna Pathien chun suksieta um ta ngailo ding le, lal nina chu mi dang kuoma pêka um ta ngai lo ding ram pakhat hung siem suok a ta; chuongchun, chuong ramhai chu kawi tamtaka hung sukkawiin, hung kânghmang a ta, kumkhuoin ama chu um ta lem a tih.

DANIEL 7:14

Chun, ama chu mi po po le hnam po po le ṭawng tinrêngin, A rawng an bâwl theina dingin a kuoma chun Rorêlna dâm, ropuina dâm, lalram dâm an pêk a, A lalram chu chatuon lalram bo ta ngailo ding le, A ram suksieta um ta ngailo ding chu a nih.

MATTHAI 16:18

Chun, nang Peter i nih ti ka hril che; hi lungpui chunga hin ka kohran rem ka ta, mithi khuo kul kawtkhârhai chun chu chu ngam naw ni hai.

JOHAN 12:34

Chun, mipui chun a kuomah, “Krista chu chatuonin a um zing ding a nih ti Dân Lekhabuah kan hriet ie, nangin, ‘Mihriem Naupa khaikângin a um ding a nih,’ ieng ti tia ti am i na? Chu Mihriem Naupa chu tu am a na?” an ta, an dawn a.

HEBRAIHAI 1:8

Naupa chungchâng thua ruok chu hi hi a hril a nih: “Aw Pathien, i lalṭhungpha chu chatuon chatuonin um a ta; Indikna lal hmawl khawm chu, I ram lal hmawl a nih.

THUPUONGSUO 11:15

Chun, vântirko pasarina chun a hang mût a, chuongchun, “Khawvêl ram chu ei Lalpa le a Krista ram a hung ni tah, ama chun chatuonin ro rêl a tih,” tiin vâna chun rawl inringtakin a hung suok nghâl ta a.

1 SAMUEL 25:28

Ka hni che a nih, i siehlawnu suolna hi ngaidam rawh, Lalpa chun ka pu hi sûngkuo nghettakah indin ngei ngei a ta, ka pu hi Lalpa indonahai do a ni si a; i dam sûng po po chun nangmaa chun suolna hrim hrim hmu ding um naw nih.