2 SAMUEL 6:5 - Pathien Lekhabu Inthieng (BSI)

⁵ Chun, David le Israel mi po pohai chun Lalpa hmaah thil inri thei chi hran hran fâr thinga siem le, ṭingṭanghai dâm, perkhuonghai dâm, khuongtêhai dâm, tawtawrâwt bi neihai dâm, dârbenthekhai dâm an sut a.

2 SAMUEL 6:5 ပူးပေါင်းရင်းမြစ်များ

2 LALHAI 3:15

Iengkhawm ni sienla, tuhin ṭingṭang keithiem mî mi hung ko pêk ro,” a ta. Chuongchun, ṭingṭang keithiemin a kei lai chun Lalpa kut chu ama chunga chun a hung tlung ta a.

1 CHANCHIN SUINA 13:8

Chun, David le Israel mi po pohai chu Pathien hmaa chun, hlahai le, ṭingṭanghai le, perkhuonghai le, khuongtêhai le, dârbenthekhai le tawtawrâwthai mûtin an um a.

1 CHANCHIN SUINA 15:28

Chuongchun, Israelhai po po chun ri nasatak leh, saki mût rîk leh, tawtawrâwt ri leh, dârbenthek ri leh, ṭingṭang le perkhuonghaia inringtaka sakin Lalpa thuthlungna bâwm chu an hung lâk ta a.

2 CHANCHIN SUINA 20:28

Chun, Jerusalema chun Lalpa inah perkhuonghai, ṭingṭanghai, tawtawrâwthai leh an hung lût a.

INPÂKNA HLABU 47:5

Pathien chu khêkri leh a hang fe a, Lalpa chu tawtawrâwt ri leh a hang fe tah.

DANIEL 3:10

Aw lalpa, nang chun thupêk i siem a: tawtawrâwt dâm, theihle dâm, ṭingṭang dâm, rawsem dâm, perkhuong dâm le rimawi tinrêng an hriet pha chun mi tin chu bawkkhup an ta, rângkachak milim chu chibai an bûk ding a na;

DANIEL 3:15

tuhin tawtawrâwt dâm, theihle dâm, ṭingṭang dâm, rawsem dâm, perkhuong dâm, baza le rimawi tinrêng ri chu in hriet pha pha, in bawkkhupa milim ka siem chu chibai in bûk ding chun a ṭha; amiruokchu, chibai in bûk naw chun, chu dârkâr sûng ngeia chun meithuk chawklai râpthlâktaka chun peiin um in tih; ka kuta inthawka sansuok ding cheu pathien chu tu am a ni leh?” a ta.

DANIEL 3:5

tawtawrâwt dâm, theihle dâm, ṭingṭang dâm, rawsem dâm, perkhuong dâm, baza dâm le rimawi chi tinrêng inri in hriet pha leh, lal Nebukadnezzarin rângkachak milim ân ngîrtir hmaa hin bawkkhup in ta, chibai in bûk ding a nih;

DANIEL 3:7

Chuleiin, chu lai chun, mipuihai chun tawtawrâwt dâm, theihle dâm, ṭingṭang dâm, rawsem dâm, perkhuong le rimawi tinrênghai ri chu an hriet chun, mipui po po le, hnam po pohai le, ṭawng po pohai chu lal Nebukadnezzarin rângkachak milim ân ngîrtir hmaa chun an bawkkhup a, chibai an bûk ta a.

AMOS 5:23

I ṭingṭang ri mawi chu ngai naw ningah, chuleiin, ka kuoma inthawkin i hla nasêtum chu la hmang rawh.

AMOS 6:5

ṭingṭanga zawmthâwtna hlahai sak a, David anga mâni ta dinga hla thlûk hmangruohai siem a;

1 SAMUEL 10:5

Chu hnunga chun Philistin sipaihai umna Pathien tlâng chu va tlung i ta, chun, chutaka khuo i va tlung chun zâwlneihai perkhuong dâm, khuongtê dâm, theihle dâm, ṭingṭang dâm chawihai hma ṭhuoia bâwlhmuna inthawka hung thla intuokpui i ta; chun, thu hril duol duol an ta;

1 SAMUEL 16:16

Tûn kan lalpa hin i siehlaw i hmaa umhai hi ṭingṭang kei thiemtak zawng ding thu mi pe raw khai, chuongchun, Pathien tir khawhriin a man pha che khawm, kei a ta, ṭha el hlak i tih,” an ta.