2 SAMUEL 6:17 - Pathien Lekhabu Inthieng (BSI)

¹⁷ Chuongchun, Lalpa bâwm chu an lâk lût a, a siena dinga Davidin a zar, puon in sûnga a hmun dinga chun an sie ta a; chun, David chun pumrawhmang thilinhlân le inremna thilinhlân chu Lalpa hmaa chun ân hlân a.

2 SAMUEL 6:17 ပူးပေါင်းရင်းမြစ်များ

1 LALHAI 8:5

Chun, lal Solomon le Israel mi pungkhâwm po po, a kuoma hung inkhâwmhai chu bâwm hmaa chun an um tâwl a; berâm le bâwngchal a tam leia tiem sêng ruol lo le a zât hriet sêng ruol lo chun an inthâwi a.

1 CHANCHIN SUINA 15:1

David chun David khawpuia chun inhai a bâwl a; Pathien bâwm ta ding khawm chun hmun a buotsai a; chu ding chun puon in a kei a.

1 CHANCHIN SUINA 15:3

Chun, David chun Israel mihai po po chu Lalpa bâwm chu a hmun dinga a siema chun hang laa sie dingin, Jerusalema chun a khâwm ta a.

1 CHANCHIN SUINA 16:1

Chun, Pathien bâwm chu an hung lâk lût a, Davidin a lo siem puon in lailung laitaka chun an inṭhut ta a; chun, Pathien hmaah pumrawhmang thilinhlânhai le inremna thilinhlânhai an inhlân ta a.

1 CHANCHIN SUINA 6:31

Chun, Pathien bâwm chu a um ṭawk ṭawk hnunga, Lalpa ina hla tienga rawngbâwla Davidin a siehai chu hienghai hi an nih.

2 CHANCHIN SUINA 1:4

Nisienlakhawm, Pathien bâwm chu David chun Kiriath-jearima inthawk khan a hung lâk a, Davidin a siena dinga a buotsai hmuna khan a lo sie ta a; Jerusalema khan, chu hmun ding chun puon in a lo zâr ta si a.

2 CHANCHIN SUINA 5:6

Lal Solomon le Israel mipui ama hmaa hung inkhâwmhai po po chun berâm le bâwngchal a tam tienga tiem sênglo le hril thei lo chun inthâwiin, bâwm hmaa chun an um a.

INPÂKNA HLABU 132:8

Aw Lalpa, tho la, i châwl hmun dinga chun lût rawh, Nang le i hrâtna bâwm leh.

LEVI DÂN 3:9

Chuongchun, inremna thilinhlân, inthâwinaa mi, Lalpa ta dinga mei hmanga thilinhlâna ding chun, a thâu dâm, a mei thautak a zângru bula tan a tluonin, a rîlbâwtu thâu leh,