2 SAMUEL 5:19 - Pathien Lekhabu Inthieng (BSI)

¹⁹ Chun, David chun, “Philistin mihai thaw dingin kan hang fe ding am a nih? ka kuta hin anni chu pêng i ti?” tiin Lalpa a râwn a. Lalpa chun David kuoma chun, “Hang fe rawh, Philistin mihai chu i kutah ka pêk ngei ngei ding a nih,” a ta.

2 SAMUEL 5:19 ပူးပေါင်းရင်းမြစ်များ

2 SAMUEL 2:1

Chun, chu hnunga chun David chun, “Juda ram khâwlai amaniah ka hang fe ding?” tiin Lalpa a râwn a. Chun, Lalpa chun a kuomah, “Hang fe raw khai,” a ta. David chun, “Khâwlai am ka hang fe ding?” a ta. Chun, ama chun, “Hebronah,” a ta.

2 SAMUEL 5:23

Chun, Davidin Lalpa a hang rawn chun, ama chun, “Hang fe naw rawh, an hnungtieng fe huol la, thingtheihmi kûng zâwna khin hang thaw rawh.

1 LALHAI 22:6

Chuongchun, Israel lal chun zâwlneihai mi za li lai a ko khâwm a, an kuomah, “Ramoth-gilead khuo hi thaw dingin ka hang inthawk ding am inthawk lo ding?” a ta. Anni chun, “Hang inthawk rawh, Lalpain lal kuta hin a pêk ding a nih,” an ta.

THUVARHAI 3:6

I lampuihai po poa chun ama hre zing la, Amân i lampuihai chu suktluong a tih.

JAKOB 4:15

Chuongchun, “Lalpain rem a ti chun dam ei ta, chu chu, kha kha thâwng ei tih,” in ti ding hi a nih.

RORELTUHAI 20:28

chun, chuong lai chun Aron naupa Eleazar naupa Phinehas chun a rawng a bâwl hlak a nih.) “Kan unau Benjamin mihai chu kan hang thaw nâwk ding am, kan tâwpsan el ta ding?” tiin. Lalpa chun, “Hang fe ro, zînga chu chu in kutah ka pêk ta ding a nih,” tiin a dawn a.

1 SAMUEL 22:15

Vawisûn hi Pathien ka biek râwnpêk ṭan ni am a nih? A ni nawh. Lal hin a siehlaw amanih, ka pa sûngkuo hrim hrim hi min tum lul naw raw se, i siehlaw hin hieng thu po po a iengkhawm hi ka hriet naw a nih,” a ta.

1 SAMUEL 23:2

Chuongchun, David chun Lalpa chu, “Chuong Philistin mihai chu ka zu thaw ding am a nih?” tiin a râwn a. Lalpa chun David kuomah, “Philistin mihai chu zu thaw la, Keila khuo chu zu sanhim rawh,” a ta.

1 SAMUEL 23:4

Chuongchun, David chun Lalpa chu a râwn nâwk ta a. Chun, Lalpa chun a dawn a, a kuomah, “Tho la, Keila khuoah zu fe thla rawh, Philistin mihai chu i kutah pêng ka tih,” a ta.

1 SAMUEL 28:6

Chun, Saula chun Lalpa a hang rawn khawmin Lalpa chun mangin amanih, Urimin amanih, zâwlneiin amani khawm a dawn hrim hrim naw a.