2 SAMUEL 5:11 - Pathien Lekhabu Inthieng (BSI)

¹¹ Chun, Tura lal Hiram chun David kuomah mi a tir a, sidar thinghai a thawn a, themthiemhai le lung suttuhai a tir bawk a, David ta ding chun in an bâwlpêk a.

2 SAMUEL 5:11 ပူးပေါင်းရင်းမြစ်များ

2 SAMUEL 5:12

Chun, David chun Lalpain Israelhai chungah lalah ama chu a sukdet a, a mi Israelhai leiin a ram chu a chawimawi a nih ti a hriet ta a.

2 SAMUEL 7:1

Chun, lal chu a inah a um a, Lalpain an vêla a hmêlmahai po poa inthawka râlmuonga ân umtir hnung chun,

2 SAMUEL 7:2

lal chun zâwlnei Nathan kuomah, “Hi, kei chu sidar thing inah ka um a, Pathien bâwm ruok chu puon in elah a um a,” a ti a.

1 LALHAI 5:15

Chun, Solomon chun thil phur mi sîng sari le, lung sut mi sîng riet tlânghaia chun a nei a;

1 LALHAI 5:18

Chun, in bâwltuhai Solomon mihai le Hiram mihai le Gebal mihai chun lunghai chu an sut a, in bâwlna ding chun thing le lunghai chu an buotsai a.

1 CHANCHIN SUINA 14:1

Chun, Tura lal Hiram chun David kuomah mihai a tir a, sidar thing dâm, lung sut mihai dâm, thing rem mihai dâm a in bâwl dingin a tir bawk a.

EZRA 3:7

Lung sut mihai le themthiemhai kuoma chun sum an pêk a; chun, Persia lal Kuraa inthawka phalna an nei ang peiin, Lebanona inthawka tuisuorieta Joppa chena Sidar thinghai an hung lâkna dingin, Zidon mihai le Tura mihai kuoma chun bu le dâwn ding le hriek dâm an pêk bawk a.

INPÂKNA HLABU 30:1

Aw Lalpa, chawimawi ka ti che, nangin i mi dawm sâng si a; A mi dotuhai chu mi diriem dingin i siem naw a.

EZEKIEL 26:2

“Mihriem naupa, Tura chun Jerusalem chunga chun, E he, hnam tinhai dâi kawtkhâr chu a tliek a ni ta hi; tuhin keia kuom tieng a hung inher ta a, kei chu hluosip nâwkin um ka ta; tuhin ama chu suksiet a ni hi, a ti leiin,

JOSUA 19:29

chun, ramri chu Ramaa le Tura khawpui kul neia chun ân kuol phei a; chun, ramri chu Hosaah ân kuol phei pei a, chuongchun, Akzib ram Medirerranean Tuipuiah a tâwp a.